Kolothai 1:13 - Lek Jot de Jecu Kritho 1940

¹³ Ee wɔ luak bei ne riɛr de cuɔlic, ku leer wɔ ne ceŋ de Wenden nhiɛric;

Kolothai 1:13 ပူးပေါင်းရင်းမြစ်များ

Mathayo 17:5

Na ŋoot ke jam ke piol ɣer kum ke piny. Ku bɔ ror ne piolic, jiɛm, Ye yekene kee Wendien nhiar, yen man yan piɔu lɔyum; yaka piŋ.

Mathayo 25:34

Ku kaabi Melek ke yɔɔk, kek ka ci taau cuec, Ye baka, we eka ci thiei ne Awa, ku lɔmka ceŋ ci juɛr week ɣɔn ciɛke piny.

Mathayo 3:17

go ror bɛn bei nhial, jiɛm, Ye yekene kee Wendiɛn nhiar, amiɛt Ɣan piɔu.

Welpiath ci Luk cithiei ke gɔɔr 13:24

Ye yaka them areet bak ya lɔ thin ne thoŋ thi: we ya yɔɔk, ya kɔc juec aabi piɔth naŋ lɔ thin, ku kacik bi leu.

Welpiath ci Luk cithiei ke gɔɔr 22:53

Waar aya tɔ ne yekaluic, ke we ce ɣa jak: kee thaduɔn ekene, ku riɛr de cuɔl.

Welpiath ci Jɔn cithiei ke gɔɔr 17:24

Yin Awa, an nɔŋ piɔu bi keekɔc cake yiɛn anke bik ya tɔ te yan tɔ, bik nuɔmdie bik ya ŋem, nuɔm ca yiɛn ɣɛn ne nhiɛr e nhiɛr yin ɣɛn ɣɔn aŋoot piny ke liu.

Welpiath ci Jɔn cithiei ke gɔɔr 3:35

Wun ee Wende nhiar, ku kee kaŋ tau e eciin kedhia.

Welpiath ci Jɔn cithiei ke gɔɔr 5:24

We ya yɔɔk neyic, Ya ran ye wɛtdie piŋ, ku gɛm en yen man ci a tuɔc, ee naŋ piir athɛɛr, ku kaci ye luɔkwei; ee thou dɛɛny ne piiric.

Dutuuc 26:18

ba ke liep nyiin, bik cuɔl waan ku welki roth ɣɛr, bik riɛr e Catan waan ku welki roth Nhialic, bik nyiɛi de karɛc loom, ku yiki ya adiit kene kɔc ci thiei ne gam ye kek ɣa gam.

Romai 14:17

ne ke cii ceŋ de Nhialic ye ya ke cam ku ke dek, ee ya lajik ku ye dɔɔr ku ye yum de piɔu ne Jɔŋdiit Lajikic.

2 Korinthoi 11:14

Ee ke ci wɔ ye gai, Catan ee dɛ ye rɔt loi ke ye malaika de ɣɛɛr.

2 Korinthoi 4:4

kɔc ci nhialiny de yepinye nom ke cɔɔr piɔth kek kɔc cie gam, a go ɣɛɛr de welpiɛth ke nuɔm de Kritho, man ye kɛɛr de Nhialic, cuɔk ye run ne kegup.

Epethioi 1:6

ne lɛc de nuɔm de athiɛide, man cen wɔ miɔc ne Toŋ Nhiɛɛr.

Epethioi 4:18

keek man ye tɛŋden ke tɔ ne cuɔlic, ku ci ke tɛk wei ne piir de Nhialicic ne kunyden kuc ke kaŋ, ku ne riɛr de kepiɔth;

Epethioi 5:5

Yekene anyiɛcka necok, acin abal, ka ran nɔŋ acuɔl, ka ran ye wak, man ye ya medur de ka ke piny nom, nɔŋ dit ne ceŋ de Kritho ku Nhialicic.

Epethioi 5:8

ne ke ci we kan ya cuɔl, ku cak bɛɛr ɣɛɛr ne Bɛnyditic emane: yaka cath ci mith ke ɣɛɛr,

Epethioi 6:12

Wɔ cie yuit wɔne guɔp ku riɛm, wɔ ye yuit wɔne meluuk ku meriir, ku medook ke yepiny coole nom, ku rɛm ke jak rac ye ter kene wɔ nhial.

1 Thethalonikei 2:12

ku yuku we yɔɔk, bak ya nyiɛc cath wene Nhialic, man ye we caal ne ceŋdeic ku nuɔm.

Eberuu 2:14

Yen na ye mith ye ŋɛk ke naŋ biakden de riiŋ ku de riɛm, ke yenekee ya cɔɔkde eya; bi durieth, man ye naŋ riɛr de thou, bi riɔk ne thou;

1 Petero 2:9

We ye kɔc ci meek, yaka rem de tiit de melek, yaka jur lajik, jur de Nhialic ne guɔpde, bak kapiɛthke ya nyuɔɔth yen man ci we cɔɔl bei ne cuɔlic bak ya tɔ ne ɣɛr gɛiyeic.

2 Petero 1:11

ku ler bene we lar ne ceŋ athɛɛr de Bɛnydiitda ku Duluɛŋda Yecu Kritho abi cok ne yin we yala.

1 Jɔn 2:8

Loŋ jot bɛr gaar week, ee ke ye ya yic ne yeyic ku weyic; ne kee jiɛle cuɔl, ku go ɣɛɛr ye yic guɔ ya ruɛr.

1 Jɔn 3:14

Anyicku ke wɔ ci bɛn bei ne thouic ku loku ne piiric, ne nhiɛr nhiɛr wɔ mɛɛthkuɔ. Ran cie nhiɛr ee tɔ ne thouic.

1 Jɔn 3:8

ran ye rɛɛc loi ee ya ke de durieth, ne ke ye durieth kerac loi ɣɔn ciɛke kaŋ agut ci emane. Ekene ekee cɔk Wen de Nhialic tul, bi luɔi de durieth riɔk.