Welpiath ci Jɔn cithiei ke gɔɔr 18:37 - Lek Jot de Jecu Kritho 1940

³⁷ Go Pilato thiec, Ye ye melek? Go Yecu dhuk, Ye yin ye jam wu ya melek. Yekene yenekee dhiethe ɣɛn, ku yekene yenekee bi ɣɛn ne piny nom, ba ya lek ne yith. Raan ebɛn ran de yith ee ye rordie piŋ.

Welpiath ci Jɔn cithiei ke gɔɔr 18:37 ပူးပေါင်းရင်းမြစ်များ

Mathayo 26:64

Go Yecu yɔɔk, Ye kaca luel: ku yin bɛɛr yɔɔk, Ya we bi Wen de raan ŋem ne nyuc yela ne bian cuec de riɛr, ku bii ne piol nhialic.

Mathayo 27:11

Go Yecu kɔɔc ne gabana nom: ku thiec ne gabana, jiɛm, Ye ye Meleŋ de Judai? Go Yecu luel, Ye yenekee ke ca luele.

Welpiath ci Mak cithiei ke gɔɔr 14:62

Go Yecu luel, Ye kee ɣa: ku we bi Wen de raan ŋem ne rɛɛr ne ciin cuec de riɛl, ku bii kene piɔl ke pan nhial.

Welpiath ci Mak cithiei ke gɔɔr 15:2

Go Pilato thiec, Ye ye Meleŋ de Judai? Go dhuɔk e jiɛm, Ye kaca thol ne luɛl.

Welpiath ci Luk cithiei ke gɔɔr 22:70

Goki jam kedhia, Yii a ye Wen de Nhialic? Go ke yɔɔk, Ye kayaka luel wuɔ ya yen.

Welpiath ci Luk cithiei ke gɔɔr 23:3

Go Pilato thiec, jiɛm, Ye ye Meleŋ de Judai? Go dhuk, yook, Ye yenekee ke ca luele.

Welpiath ci Jɔn cithiei ke gɔɔr 1:14

Go Wɛt ya riŋ, ku ceŋ ne wɔyic (goku nuɔmde ŋem, nuɔm de Wantoŋ e bɔbei enɔŋ Wun), ci thiaŋ ne athiɛi ku yic.

Welpiath ci Jɔn cithiei ke gɔɔr 1:17

Looŋ ake ci yiɛn Mothe, ku athiɛi ku yic kaa bɛn kene Yecu Kritho.

Welpiath ci Jɔn cithiei ke gɔɔr 14:6

Go Yecu yɔɔk, Ye ɣan ye dhol, ku ɣan ye yic, ku ɣan ye piir: acin ran ye bɛn nenɔŋ Awa, ke ken teek ne anom.

Welpiath ci Jɔn cithiei ke gɔɔr 3:32

Ke ci ŋem ku piŋ, yeneka yen kɔc lɛk; ku kacin ran ye lekde gam.

Welpiath ci Jɔn cithiei ke gɔɔr 7:17

Na nɔŋ raan piɔu bi ke de yepiɔu ya loi, e kabi yewɛte nyic, lan yen ke de Nhialic, ka lan yan jam ne ke de guɔpdie.

Welpiath ci Jɔn cithiei ke gɔɔr 8:14

Go Yecu ke gam ku yook ke, Ye na ya duleŋ de rɔt, ke kedie adhiac ke ye yic: an nyic te bɛi ɣɛn, ku te lar ɣɛn; ku we ce te bɛi an nyic, ku te lar ɣɛn.

Welpiath ci Jɔn cithiei ke gɔɔr 8:45

Lek yan yith lɛk we, yeneka cii we ɣa ye gam.

Welpiath ci Jɔn cithiei ke gɔɔr 8:46

Nɔŋ ran de week yic ye ɣa guut ne kerac? Na ya jam ne yith, ke yeŋo ci we ɣa ye gam?

Welpiath ci Jɔn cithiei ke gɔɔr 8:47

Yen man ye ke de Nhialic ee wel ke Nhialic piŋ: ku kaacakke ye piŋ, ne ke ci we ye ka ke Nhialic.

1 Timotheo 6:13

Yin yɔɔk ne Nhialic nyin, Nhialiny ye kaŋ kedhia cɔk piir, ku ne Yecu Kritho nyin, man e ci gam piath luel ne Pontio Pilato nom;

1 Petero 1:22

Na ci gam ye we yith gam ci tipkuɔn ya cɔk lacar bak mɛɛth ya nhiar ne nhiɛr cinic aguk, ke we yaka roth nhiar areet ne piɔn ɣer:

1 Jɔn 2:21

We kɛnke gaar ne kuny kuc we yic, ku kee ke nyic we ye, ne cin luenh de yic.

1 Jɔn 3:14

Anyicku ke wɔ ci bɛn bei ne thouic ku loku ne piiric, ne nhiɛr nhiɛr wɔ mɛɛthkuɔ. Ran cie nhiɛr ee tɔ ne thouic.

1 Jɔn 3:19

Abuk ya nyic ne ekene ke wɔ ye kɔc ke yith, ku buk wɔnhiim a kuɛm ne yenom,

1 Jɔn 4:6

Wɔ ye ka ke Nhialic: ku ran ye Nhialic nyic ee wɔ piŋ; ku ran cie ke de Nhialic aci wɔ ye piŋ. Wɔ ye jɔn de yic nyic ne yekene, ku jaŋ alueth.

1 Jɔn 5:20

Ku kayuku nyic ke Wen de Nhialic ci bɛn, ku ci wɔ yiɛn adot, buk ya nyic yen man ye yic, ku wɔ ye tɔ ne yeyic yen man ye yic, yen Wende Yecu Kritho. Yenekee Nhialiny yic, ku ye piir athɛɛr.

Nyooth 1:4

Jɔn agɛr kanithaai keedherou kanithaai tɔ ne Athia; Ye keeyabi athiɛi ku dɔɔr ya bɛn enɔŋ week, enɔŋ en yen man ye tɔ, ku ne ye tɔ, ku bi bɛn; ku tenɔŋ Jakdit keedherou ye tɔ ne thonyde nom;

Nyooth 3:14

Gare malaika de kanitha tɔ ne Laodikia; Wu ya keekake aaluelke ne Amen, duleŋ nɔŋ adot ku ye yic, ku ye gɔc de ceŋ de Nhialic: