Welpiath ci Jɔn cithiei ke gɔɔr 15:16 - Lek Jot de Jecu Kritho 1940

¹⁶ Acie we we lɔc ɣa, ee ɣan eke lɔc we, ku taau week, bak ya lɔ luɔk, ku bi luɔkduɔn bi ya tɔ: bi ke dɛ ebɛn ke bak ya thiɛc Awa ne rincie, bi ya yiɛn we.

Welpiath ci Jɔn cithiei ke gɔɔr 15:16 ပူးပေါင်းရင်းမြစ်များ

Mathayo 21:22

Ke dɛ ebɛn ke yaka thiec ne lɔŋ, ku yaka gam, e kabak ya kap.

Mathayo 7:7

Yaka thiec, ku kabi ya yiɛn we; yaka kor, ku kabak ya yok; yaka teŋ, ku kabi ya liɛp we.

Welpiath ci Luk cithiei ke gɔɔr 6:13

Ɣɔn aci piny run, ke cɔl kɔcpiocke: ku lɔc thiɛrkurou ne keyic, ku cɔɔl ke dutuuc;

Welpiath ci Jɔn cithiei ke gɔɔr 13:18

Ku an ce jam ne week wedhia: kɔc cake lɔc anyiɛcke: ku kecigɔɔr abi loi, Ya ran cam miɛthdie ee teer ke yɛn.

Welpiath ci Jɔn cithiei ke gɔɔr 15:19

Ne we ye kɔc ke ka ke piny nom, e kee te ye piny kede nhiar: ku we cie kɔc ke ka ke piny nom, we ca lɔc bei ne piny nom, yeneka ye piny nom we maan.

Welpiath ci Jɔn cithiei ke gɔɔr 15:5

An ye abiɛi, ku we ye ker: ran ye tɔ ne ayic, ku an ne yeyic, yerane ee luɔk areet: te ye we tɔ te cin ɣa, e kacin ke yaka leu ne luɔi.

Welpiath ci Jɔn cithiei ke gɔɔr 6:70

Go Yecu dhuɔk e. Ye kɛn we lɔc, we thiɛr ku rou, ku ye ran toŋ de week e ye jɔŋ rac?

Dutuuc 1:24

Goki lɔŋ ku jamki, Ya yin, Bɛnydit, yin man nyic kɔc piɔth kedhia, nyuɔthe wɔɔk ran ca lɔc ne keekɔcke keerou,

Dutuuc 1:8

We bi riɛr loom te cii Jɔŋdiit Lajik bɛn enɔŋ week, ku we bi ya duleekcie ne Jeruthalem, ku Judaya, ku Thamaria ebɛn agut piny thok ebɛn.

Dutuuc 10:41

ku kacie kɔc kedhia, aaye duleek ci lɔc ne Nhialic ɣɔn ne acirnom, aa wɔɔk wɔ kɔc ci cam ku dekku wɔne yen ɣɔn jɔt en rɔt ne thouic.

Dutuuc 22:14

Go jam, Ye Nhialiny de kuarkuɔ aci yi lɔc, ba ka ke piɔnde ya nyic, ku ba Toŋ Lajik ŋem, ku ba rorde piŋ ne yethok.

Dutuuc 9:15

Go Bɛnydit yɔɔk, Ye lɔ ɣɔu dholdu: yerane ee tony ca lɔc bi rincie laar ne Juurkɔk nhiim ku meleek, ku mith ke Yithrael:

Romai 1:13

Eeyabak ya cuɔk ye kuc, mɛɛthcie, ye lɔ yan lɔ enɔŋ week dai kɔɔr (an ee ye peen aɣet ci emane), ba ya naŋ luɔk ne weyic eya, ci man de Juurkɔk.

Romai 1:5

ran ci wɔ cɔk nɔŋ athiɛi kene tuɔc, bi juɔr ebɛn cɔk ye gam ne ke de rinke.

Romai 15:4

Kaŋ kedhia ka cike gɔɔr ɣɔn aake gɔɔr bik wɔ ya piɔc, buk ya naŋ ŋath ne liɛr de wɔpiɔth ku ne duɔt ye kacigɔɔr wɔ duut piɔth.

Romai 9:21

ka ye mecueny de tony ciɛn riɛr ne tiɔp, cii tony ye riɛu ye cuec ne yetiɔm toŋe, kene tony cin rieu?

1 Korinthoi 10:11

Keekake kedhia aake ci tuɔl enɔŋ keek bik ya kɛɛrda, ku ci ke gɔɔr bik wɔ ya nyiɛn, kek wɔɔk man cii thok de piny nom ke bɛn.

Galatai 1:15

Ku ɣɔn piɛth en ne Nhialic piɔu, man ci ɣa week, ka ŋoot ne adhienh de amaic, cɔɔl ɣɛn ne athiɛide,

Epethioi 2:10

Wɔ wɔ loike ne yen, cak wɔ ne Yecu Krithoic buk ya lui apiath, ne luɔi cii Nhialic juɛr wɔɔk ɣɔn bii wɔ ya cath thin.

Kolothai 1:23

na yaka dhiac ke we ye ceŋ ne gamic, ke we yaka kɔɔc ke we ci roth ye wek, ku cak roth ye ɣooc ne ŋath de welpiathic ka cakke piŋ, ka eke yeneke keriɛc ebɛn ci cak ne piny nom wɛɛt; ka cene ke ɣa cɔk ye awunden, ɣan Paulo.

Kolothai 1:6

Keewelpiɛthke aa bɛn enɔŋ week, ne cit thiɛi cik kek thiɛi ne piny nom ebɛn, ku lokki ku leki e ke juec, acit man lok ke ku leki e ke juec ne weyic, agut kol cii we thiɛi de Nhialic kan piŋ ku nyiɛcka neyic;

1 Timotheo 2:7

yeneka cene ɣa lɔc ke ɣan ye duweet ku ya metuc (ee yic e ya luel, acie lueth), ya ya dupiony de Juurkɔk ne gam ku yic.

2 Timotheo 1:11

ka cene ke ɣɛn cɔk ye duweet, ku yan ke metuc, ku ya dupioc.

2 Timotheo 2:2

Ku ka cake piŋ enɔŋ an ne duleek juec yic, ke yeke lɛk kɔc nɔŋ adot, bik kɔc kɔk ya leu ne pioc eya.

Tito 1:5

Yekene yenekee nyaaŋ ɣan yin Kerete, ba kaŋ kedhia juir ka yeke dak, ku ba kɔcdit lɔc ne bɛidit yic kedhia, ci yook can yi yɔɔk;

Eberuu 11:4

Ee gam yenekee gɛme Abel koc piath areet wɛr ke de Kain yin Nhialic, ke cene ye lɛk ya lee jik, ee Nhialic yenekee lek yen ne lɔm de miɔcde: a go yekene cɔk jam ke ci cak thou.

Jakob 3:18

Te ye kɔc ye kɔc maat dɔɔr pok, e kaaye luɔi lajik tem.

1 Petero 3:15

yaka Kritho cɔk ye dit ne wepiɔth ci Bɛnydit: yaka yin ne nyindhia bak raan ya leu ne dhuk ke ye thiɛc we ne ŋath ye tɔ ne weyic, ku yaka dhuk ne liɛr de piɔu ku rieu:

1 Petero 3:2

ne dai ye ke daai ne rerduɔn ye we reer emath.

1 Jɔn 4:10

Nhiɛr eke, acie wɔ wɔ nhiar Nhialic, ee yenekee ci wɔ nhiar, ku tuuc Wende bi a dupuŋ de karackuɔ.

1 Jɔn 4:19

Wɔ ye nhier, ne nhiɛr cen wɔ kan nhiar.