Jakob 5:16 - Lek Jot de Jecu Kritho 1940

¹⁶ Yen yaka karɛckuɔn gam ne roth, ku ye ŋɛk lɔŋ ne ŋɛk, bak ya dɛm. Lɔŋ de raan ne yepiɔu ebɛn ran lajik ayen ke dit leu ne luɔi.

Jakob 5:16 ပူးပေါင်းရင်းမြစ်များ

Mathayo 21:22

Ke dɛ ebɛn ke yaka thiec ne lɔŋ, ku yaka gam, e kabak ya kap.

Mathayo 3:6

go ke baptith ne Jordan e ke gam karɛcken.

Welpiath ci Mak cithiei ke gɔɔr 1:5

Go kɔc ke piny de Judaya kedhia ku kɔc ke Jeruthalem lɔ roor te tɔ yen; go ke baptith ne ciir cɔl Jordan, ku gamki karɛcken.

Welpiath ci Luk cithiei ke gɔɔr 9:6

Goki jaal, ku tekki ne bɛi kedhia, e ke ye weet ne welpiath, ku cɔkki kɔc dem ne piny ebɛn.

Welpiath ci Jɔn cithiei ke gɔɔr 9:31

Anyicku ke Nhialic ci kɔc ye karac loi ye gam: ku na ye ran ye Nhialic door, ku ye piɔnde loi, e kaye gam.

Dutuuc 10:38

ya Nhialic ee Yecu de Nadhareth aci tɔc ne Jɔŋdiit Lajik ku ne riɛr: yen man e ye bɛi kuany yic ne luɔi piath, ku cɔk kɔc dem kedhia kɔc ci muk ne durieth; Nhialic ee tɔ ke ye.

Dutuuc 19:18

Go kɔc juec ci gam goki bɛn, gamki ka cik wuɔc, lekki ke keek.

Dutuuc 8:24

Go Thimon dhuk, Ye laŋka Nhialic duɔke ka enhia luɛleke bi bɛn enɔŋ an.

Romai 3:10

ci man cene ye gɔɔr, Ya kacin ran tɔŋ ye lajik, naa ye, acin tok;

Romai 5:19

Na ci areecwel tok juaac cɔk rac, ke yenekee cɔɔk bene juaac ya cɔk lajik ne ran toŋ ye wel gam.

Kolothai 1:9

Ku wɔ ye dhiac ke wɔ ye Nhialic lɔŋ ne week, aɣet kol e piŋ wɔ nhiɛrduɔn, ku kɔrku bi we thiɔŋ ne nyiny de piɔnde, bak ka ke Nhialic kedhia ya nyic ku yaka ke muk apiath;

1 Thethalonikei 5:17

yaka lɔŋ riariar;

1 Thethalonikei 5:23

Eewuubi Nhialiny de dɔɔr bi we ya cok cɔk lajik ne guɔpde; ku keewuubi weikuɔn, kene tiipkuɔn, ku gupkuɔn roth ya tiiŋ te cin awac ne bɛn de Bɛnydiitda Yecu.

1 Thethalonikei 5:25

Yaka lɔŋ ne wɔɔk, mɛɛthkuɔ.

Eberuu 11:4

Ee gam yenekee gɛme Abel koc piath areet wɛr ke de Kain yin Nhialic, ke cene ye lɛk ya lee jik, ee Nhialic yenekee lek yen ne lɔm de miɔcde: a go yekene cɔk jam ke ci cak thou.

Eberuu 11:7

Ee gam, yenekee nyiine Noa ne Nhialic, ne ka keneke ŋem, a go thiɔŋ ne rieu de Nhialic ku juir riandiit ben kɔcke luɔk; ke ɣɔn luk en piny nom ne yen, ku jɔl ya dit de lajik ne ke de gam.

Eberuu 12:13

ku yaka dhol lacith loi ne cokkuɔn, bi ŋɔl cuɔk ye piɛk wei dholic, bi ya cɔk dem.

Eberuu 13:18

Yaka lɔŋ ne wɔɔk: ne ke ye wɔ ye nyicic, ke wɔ nɔŋ nyiny piɛth de piɔu, kɔrku buk ya piir ke wɔ lajik ne kaŋ kedhia.

1 Petero 2:24

Ee karɛckuɔ jɔt e ekɔu ne tim nom, buk thou ne rɛɛcda ku buk ya piir ne lajik: wɔ ci dɛm ne yum cene e yup.

1 Jɔn 3:22

ku ke dɛ ebɛn ke yuku thiec, abuk ya loom enɔŋ en, te ye wɔ looŋke tiit, ku yuku kapiath ne yepiɔu loi.