Jakob 1:17 - Lek Jot de Jecu Kritho 1940

¹⁷ Miɔc piath ebɛn ku miɔc lajik ebɛn aye bɛn nhial, ku kaye bɛn nenɔŋ Wun de ɣɛɛr, man ci ɣoc ye leu, ku cii rɔt ye wel ne tiɛpic.

Jakob 1:17 ပူးပေါင်းရင်းမြစ်များ

Mathayo 7:11

Yen na nyiɛcka gɛm de kapiath enɔŋ mithkuɔn, we kɔc rac, ke Wuɔrduɔn tɔ nhial ye kepiɛth yinde gam keek kek kɔc ye ye ŋal?

Welpiath ci Luk cithiei ke gɔɔr 11:13

Yen na yaka mithkuɔn nyiɛc miɔc, ke we rac, ke Wuɔrduɔn nhial bi Jɔŋdiit Lajik yiinde yiɛn kɔc ye ye thiec?

Welpiath ci Jɔn cithiei ke gɔɔr 1:9

Yeneke ɣɛɛr yic, ɣɛɛr ye raan mer ebɛn, ran ye bɛn ne piny nom.

Welpiath ci Jɔn cithiei ke gɔɔr 3:27

Go Jɔn jam, Ye kacin ke ye raan leu ne lɔm, te cene ye yin e nhial.

Welpiath ci Jɔn cithiei ke gɔɔr 3:3

Go Yecu dhuk, Ye yin ya yɔɔk neyic, Ya na ci raan bere dhieth, e kace ceŋ de Nhialic leu ne ŋem.

Welpiath ci Jɔn cithiei ke gɔɔr 8:12

Go Yecu ke bɛr yɔɔk jiɛm, Ye ɣan ye ɣɛɛr de piny nom: ran ye ɣa kuany cok aci bi ya cath tecol, ku kabi ya naŋ ɣɛɛr de piir.

Dutuuc 11:18

Na cik keewelke piŋ, e ke mim, ku lecki Nhialic jamki, Yi Nhialic ee Juurkɔk eya yiɛn wel de kepiɔth bik piir.

Dutuuc 5:31

Yeneka cii Nhialic ye jat ne ciɛn cuecde bi ya Bɛnydit ku ye Duluɛk, bi kɔc ke Yithrael yiɛn wel de kepiɔth ku nyiɛi de karɛcken.

Romai 6:23

Ariɔm de rɛɛc yenekee ya thou, ku miɔc de Nhialic yenekee ya piir athɛɛr ne Yecu Kritho Bɛnydiitda.

1 Korinthoi 4:7

Yeŋa ne week yic? ku yeŋo tɔ kene yin ne kɛne loom? ku na ne ca loom, ke yeŋo yin nom dit, ci ke kɛne loom?

2 Korinthoi 4:6

Emane ee Nhialic, yenekee jam, Ye ɣɛɛr abi cuɔl thiaiyic, ke ci mer ne wɔpiɔth, bi ɣɛɛr de nyiny de nuɔm de Nhialic nyuɔɔth ne Yecu Kritho nyin.

Epethioi 1:18

Eeyabi nyiin ke wepiɔth ya yin, bak ŋath de cɔtde bak nyic, ku bak baany de nuɔm de ditde tɔ ne kɔc cithiei yic bak nyic,

Epethioi 2:8

ee athiɛi yenekee we luɔk ne gam; ku kacie we wepɛc: ee miɔc de Nhialic:

Pilipoi 1:29

ne ke cene ye miɔc week ne ke de Kritho, ku kacie ya gamde nyin, ee bak ya gum ne kede eya:

1 Timotheo 6:16

ye ya toŋ ye tɔ athɛɛr, ku ye ceŋ ne ɣɛɛr cie leu ne ɣetic, man cin ran cie guɔ ŋem, ku kacie leu ne ŋem: eeyabi rieu ku riɛr athɛɛr ya tɔ kene yen. Amen.

Eberuu 13:8

Yecu Kritho ee dhiac ke thoŋ, waar ku ne yekole, ee yic ku agut en awɛdɛ.

Jakob 1:5

Na ye ran dak ne nyic ne week, ke ne ye Nhialic lim, yen man ye kɔc miɔc ne awaiyic, ku ci kɔc ye ŋuuk; ku kabi ya yiɛn e.

Jakob 3:15

Yenyinye acie bɛn nhial; ee ke piiny, ku kee ke de guɔp, ku ye ke de jak rac.

Jakob 3:17

Nyiny ye bɛn nhial ee kan lacar, ku ber ya tɔ ke dɔɔr, ku ye lacai, ku ye dac gam, thiɛŋ ne kac de piɔu ku luɔi piath, cii biak ye man ku nhiɛr biak, cin adhuɔm.

1 Jɔn 1:5

Ekene yenekee thon cuk piŋ enɔŋ en, ku yuku lɛk we, wuu Nhialic ee ɣɛɛr, ku kacin cuɔl thin tɔ ne eyic.

1 Jɔn 4:10

Nhiɛr eke, acie wɔ wɔ nhiar Nhialic, ee yenekee ci wɔ nhiar, ku tuuc Wende bi a dupuŋ de karackuɔ.

Nyooth 21:23

Ku ci baai akɔl beer ŋaŋ, ku pɛɛi, bik ya ruɛr: ne ke ye nuɔm de Nhialic ye meer, ku ye Nyɔk ye lambade.

Nyooth 22:5

Ku kaci bi bɛɛr kan ya naŋ kau; ku kaace ɣɛɛr de lamba beer ya ŋaŋ, ku ruɛr de akɔl; ne ke bii Bɛnydit Nhialic ke ya yiɛn ɣɛɛr: ku kaabi ya dɔk athɛɛr wada.