Epethioi 3:7 - Lek Jot de Jecu Kritho 1940

⁷ man ci ɣa cɔk ye awunde, ci man cene ɣɛn miɔc athiɛi de Nhialic, yine ɣen ne luɔi de riɛrde.

Epethioi 3:7 ပူးပေါင်းရင်းမြစ်များ

Dutuuc 9:15

Go Bɛnydit yɔɔk, Ye lɔ ɣɔu dholdu: yerane ee tony ca lɔc bi rincie laar ne Juurkɔk nhiim ku meleek, ku mith ke Yithrael:

Romai 1:5

ran ci wɔ cɔk nɔŋ athiɛi kene tuɔc, bi juɔr ebɛn cɔk ye gam ne ke de rinke.

Romai 12:3

We lɛk keek ne athiɛi ci yiɛn an, we raan ebɛn, ce raan cii rɔt ye cɔk ŋuan; ne ye rɔt cɔk koor acit man ci Nhialic ŋɛk ya miɔc ne gam.

Romai 15:16

ban ya ya awun de Yecu Kritho enɔŋ Juurkɔk, ne luɔi yan welpiɛth ke Nhialic loi, bi yin de Juurkɔk Nhialic, e ke ye ka ke koc, bi ya diik, ye koc ci cɔk lɔcar ne Jɔŋdiit Lajik.

1 Korinthoi 15:10

Ku an ye tɔ ci mandie ne athiɛi de Nhialic; ku athiɛiden ci yiɛn ɣa ee cie ke de ciɛlic; ku an ci ya lui awar ke kedhia: ku kee cie ɣɛn, ee ya athiɛi de Nhialic e ye tɔ ke ɣa.

1 Korinthoi 3:5

Ye Apolo ye ŋa? ku ye Paulo ye ŋa? Aaye awuut ye week ke gam; ŋɛk ee naŋ ke cii Bɛnydit yiɛn en.

2 Korinthoi 3:6

yen man ci wɔ cɔk leu luɔi yuku awuut ke man jot; ku cii ye ke de loŋ ci gɔɔr, ee ke de jɔŋdit: loŋ ci gɔɔr ee nɛk, ku jɔŋdit ee wei miaac.

2 Korinthoi 4:1

Yen yeman nɔŋ wɔ yeluɔine, ci man ci wɔ naŋ kac de piɔu, wɔ cie niɔp:

Galatai 2:8

(yen man e ci Petero cɔk ye dutuny de ŋuɛlɛɛi ee ci ɣa cɔk ye ke de Juurkɔk eya);

Epethioi 1:19

ku riɛr gok diitde tɔ kene wɔɔk, wɔ kɔc ye gam, ci man ye riɛr diitde lui,

Epethioi 3:2

na ne we ci luɔi de athiɛi de Nhialic piŋ, luɔi ci yiɛn ɣɛn ne week,

Epethioi 3:20

Eeyabi nuɔm bi ya tɔ kene yen, yen man leu wɔ ne lui ke wɛr kayuukue thiec ku kayuukue tak kedhia, ne riɛr ye lui ne wɔyic;

Epethioi 3:8

Ee yine ɣɛn yethiɛine, ɣan man kor areet ne ran cithiei ebɛn, ba Juurkɔk ya wɛɛt ne baany de weu cin ethok de Kritho:

Epethioi 4:16

Yen, yeneka ye guɔp ebɛn, te ci biɔk kedhia roth kuɛɛk mɛt ŋɛk ke ŋɛk, ye cil ne kuny de biɔk kedhia, ye yic naŋ riɛr ne ŋɛŋ ye ŋɛk ye ŋaŋ, e ke rɔt jal buth ne nhiɛric.

Kolothai 1:29

Ku yeneka yan lui eya, ya them ci man de luɔide, luɔiden ye lui ne ɣaic ne riɛr gok.

1 Thethalonikei 2:13

Ku yekene eya yeneka ye wɔ Nhialic leec riariar, ɣɔn loom we wɛt enɔŋ wɔɔk wɛt ci tuɔc week, wɛt ye ya ke de Nhialic, guɔka ciɛk loom ci wɛt de raan, ee lɔmka ci man de yic, ye wɛt de Nhialic, ke ye lui ne weyic we kɔc ye gam.

Eberuu 13:21

eeyabi we ya cɔk lɔcap ne kepiathic ebɛn bak piɔnde ya loi, ku ye kepiath loi ne wɔyic, kepiɛth ye lɔyum ne yenyin, ne Yecu Kritho; eeyabi nuɔm bi ya tɔ kene yen athɛɛr wada. Amen.