Epethioi 1:13 - Lek Jot de Jecu Kritho 1940

¹³ ye yen man ci we wɛt de yic piŋ eya, welpiɛth ke luaŋduɔn, — ye yen man cak gam eya, ku ci we nuat ne Jɔŋdiit Lajik ne ci luel;

Epethioi 1:13 ပူးပေါင်းရင်းမြစ်များ

Welpiath ci Luk cithiei ke gɔɔr 11:13

Yen na yaka mithkuɔn nyiɛc miɔc, ke we rac, ke Wuɔrduɔn nhial bi Jɔŋdiit Lajik yiinde yiɛn kɔc ye ye thiec?

Welpiath ci Luk cithiei ke gɔɔr 24:49

Ku ŋɛmka, we tuɔcke keciluel ne Awa; ku rɛɛrka ne Jeruthalem, agut te cene we piɔth ne riɛr nhial.

Welpiath ci Jɔn cithiei ke gɔɔr 1:17

Looŋ ake ci yiɛn Mothe, ku athiɛi ku yic kaa bɛn kene Yecu Kritho.

Welpiath ci Jɔn cithiei ke gɔɔr 14:26

Ku Dugel, Jɔŋdiit Lajik, man bii Awa tuɔc ne rincie, kabi we ya piɔc ne kaŋ kedhia, bi we cɔk ye wenhiim ciɛt ne wel cake lɛk we kedhia.

Welpiath ci Jɔn cithiei ke gɔɔr 15:26

Na bɔ Dugel, man ba tuɔc week nenɔŋ Awa, e kabi ya duleŋ de ɣɛn:

Welpiath ci Jɔn cithiei ke gɔɔr 3:33

Ran ye lekde gam ee cin de adok taau, ye Nhialic ee yic.

Welpiath ci Jɔn cithiei ke gɔɔr 6:27

Duɔke ye lui bak miɛth ye luɛl ya loom, yaka lui ne miɛth ye ceŋ ne piir athɛɛr, bi Wen de raan yiɛn week: yen man ci Wun nyuɔth ne ye yic.

Dutuuc 1:4

Te gueere kɔc enɔŋ en, go ke yɔɔk, Ye duɔka jiɛl ne Jeruthalem, tiɛtka wel ke Awa, wel cakke piŋ enɔŋ an:

Dutuuc 13:26

Wathii, mith ke kuan de Abraɣam, ku raan ebɛn ran ye Nhialic riɛu, wɔ eka ke tuuceke wɛt de yeluaŋe.

Dutuuc 2:33

ku jɔt ne ciin cuecde ye Nhialic. Ku loom miɔc ci Wun luel de Jɔŋdiit Lajik. Yemiɔce yenekee wal piny ci man ŋem we ye ku piɛŋka.

Romai 1:16

Ɣan ci yic ye liɛr ne welpiɛth ke Kritho: ne ke yen ya riɛr de Nhialic ne luak enɔŋ raan ebɛn ran ye gam; ee kan ya muɔny Juda, ku jɔl ya muɔny Giriki eya.

Romai 4:11

ku kee ci cin de ŋuɛlɛɛi loom, nyooth de lajiŋ de gam tɔ ke yen ɣɔn ŋoot en ke ye aboor: bi ya wuɔnden kedhia kek kɔc ye gam, te ciɛk kek ya abor, bi lajik bi ya kuɛn keek;

Romai 6:17

Yen keeyabi lɛc ya tɔ kene Nhialic, te e cii we kan cak ya aluɛk ke rɛɛc, ke we ci pioc cene we piɔc jal gam ne wepiɔth;

2 Korinthoi 1:22

man ci wɔ jiit eya, ku ci wɔ yiɛn piɔth guut de Jɔŋdit.

2 Korinthoi 6:7

ne wɛt de yic, ne riɛr de Nhialic; ne alanh weeth de lajiik biak ciɛm ku biak cuec,

Galatai 3:14

bi athiɛi de Abraɣam bɛn enɔŋ Juurkɔk ne Yecu Krithoic; buk keciluel de Jɔŋdit ya loom ne gam.

Epethioi 4:21

na ne cak piŋ, ku ci we piɔc ne yen, ci man ye yic tɔ ne Yecuic:

Epethioi 4:30

Duɔka Jɔŋdiit Lajik ye cɔk dhiau piɔu, yen man cene we nuat thook thin agut akol de wɛr.

1 Thethalonikei 2:13

Ku yekene eya yeneka ye wɔ Nhialic leec riariar, ɣɔn loom we wɛt enɔŋ wɔɔk wɛt ci tuɔc week, wɛt ye ya ke de Nhialic, guɔka ciɛk loom ci wɛt de raan, ee lɔmka ci man de yic, ye wɛt de Nhialic, ke ye lui ne weyic we kɔc ye gam.

2 Timotheo 2:15

Ye lui areet ba rɔt ya nyuɔth Nhialic ku piath, ku ye ran de luɔi ci yic ye liɛr, ye wɛt de yic tɛɛk apiath.

2 Timotheo 2:19

Ke lɔcap de Nhialic ci wɛc ee kɔɔc, ke nɔŋ yecine, Ya Bɛnydit anyic ka ye ya kake: ku, Ya ne raan ebɛn ran ye rin ke Bɛnydit cɔɔl ne ye kat ne rɛɛc.

2 Timotheo 3:15

ku ɣɔn yin meth ke yin ee ci kacikegɔɔr lajik aake cake nyic, ka ye yin cɔk leu nyiny de kaŋ agut luak ne gam ye tɔ ne Yecu Krithoic.

Tito 2:11

Athiɛi de Nhialic ee tuɔl, ee luak bɛi enɔŋ raan ebɛn,

Eberuu 2:3

ke wɔ bi poth wuude, te ye wɔ luaŋ diit lɔwai jai? ke e ci kan luel ne Bɛnydit, ku ci lɛk wɔ kerir ne kɔc eke ci ye piŋ;

Jakob 1:18

Ee wɔ dhieth ne piɔnde ne wɛt de yic, buk ya ciɛt akɔŋ ke ka cike cak.

Jakob 1:21

Yen yaka acuɔl ebɛn nyai ku dit de rɛɛc ku yaka wɛt ci com loom ne piɔn lir, wɛt ye tipkuɔn leu ne luak.

1 Petero 2:10

We we cie jur ɣɔn, ku we ci jal ya jur de Nhialic emane. We we ken kac de piɔu yok ɣɔn, ku kacak jal yok emane.

Nyooth 7:2

Ku ŋɛm malaika dɛ ne lɔ nhial ciɛn, ne muk cin de Nhialiny ye piir: ku cɔɔl malaikai keeŋuan ne ror dit, cike yiɛn yɔŋ de piny ku bar,