Eberuu 8:3 - Lek Jot de Jecu Kritho 1940

³ Baanydiit de ka ke Nhialic ebɛn ee taau bi miɔc ke koc bi ke ya gam. Yen yebɛny de ka ke Nhialicne abi ke ye gam ya dhiil eya.

Eberuu 8:3 ပူးပေါင်းရင်းမြစ်များ

Welpiath ci Jɔn cithiei ke gɔɔr 6:51

An e cuin ye piir ci bɛn piny nhial: na ye raan yecuine cam, e kabi ya piir athɛɛr, ku cuin ba ya gam ee riiŋdie, ne piir bi kɔc ke piny nom ya piir.

Romai 4:25

ke ci gam ne karɛckuɔ, ku ci bɛr jɔt bi wɔ cɔk lajik.

Romai 5:6

Waar ŋoot wɔ ke wɔ niɔp, go Kritho jal guɔ thou ne kolde ne kɔc rac.

Romai 5:8

Ku Nhialic ee nhiɛrde nyuɔth wɔɔk, ne thon cii Kritho thou ne wɔɔk ke wɔ ŋoot ke wɔ rac.

Galatai 2:20

Ɣan ci piaat wɔne Kritho; ku an dhiac ka piir; ku kace beer ya ɣɛn, ee Kritho yene ye piir ne ɣaic: ku yepiir yan piir ne ɣaguɔpe ayan piir ne gam, gam ye tɔ ne Wen de Nhialicic, man e ci ɣa nhiar, ku gɛm rɔt ne ɣɛn.

Epethioi 5:2

ku yaka cath ne nhiɛric, ci man ci Kritho we ya nhiar, ku ci rɔt gam ne wɔɔk, ye ke ci miac ku ye ke de koc enɔŋ Nhialic bi ya ŋuac ke mit.

Tito 2:14

man ci rɔt gam ne wɔɔk, bi wɔ waar te de rɛɛc ebɛn, ku cɔk kɔc lɔcar kɔc ye kɔckeek ke ceŋde, ye kok ne luɔi piath.

Eberuu 2:17

Yen ee rɔt tiiŋ kene yen ne keriɛc ebɛn bi cɔk cit watmɛthke, bi ya bɛnydiit de ka ke Nhialic ye naŋ kac de piɔu ku ye naŋ adot ne keriɛc ebɛn de Nhialic, bi rɛɛc de raan puk.

Eberuu 3:1

Yen, mɛɛthciek lajik, we kɔc ye naŋ cɔt nhial, yaka Metuc tak ku Bɛnydiit de ka ke Nhialic de gamda, man ye ya Yecu;

Eberuu 5:1

Baanydiit de ka ke Nhialic ebɛn aye lɔc bei ne kɔc yic, ku tɛɛue bi ka ke Nhialic ya loi ne rin ke kɔc, bi miɔc ku ka ke koc de rɛɛc bi ke ya gam:

Eberuu 7:27

Ku kaci koc ye ŋaŋ akolriɛc, ci man de keebanydit ke ka ke Nhialicke, koc de rɛɛc de guɔpde ku jɔl ya koc de rɛɛc de kɔc. Ee yekene loi naatok ne raan ebɛn, ɣɔn gɛm en rɔt.

Eberuu 8:4

Na ne tɔ ne piny nom, e kee te cii kɔn ya bɛny de ka ke Nhialic, ne ke yen naŋ kɔc ye miɔc gam ne ke de loŋ:

Eberuu 9:14

ke riɛm de Kritho, man ci rɔt gam ne Jɔŋdiit ye ceŋ athɛɛr, mioc rɔt Nhialic te cin acuɔl, cii nyinyduɔn de piɔu bi ya waak ne luɔi ci thou bak Nhialiny ye piir ya luɔi?