Eberuu 7:19 - Lek Jot de Jecu Kritho 1940

¹⁹ (ne ke yen ciɛn ke ye loŋ cɔk lɔcap), ku kanɔŋ ŋath ŋuan, ŋath ye wɔ cɔk cut roth Nhialic.

Eberuu 7:19 ပူးပေါင်းရင်းမြစ်များ

Welpiath ci Jɔn cithiei ke gɔɔr 1:17

Looŋ ake ci yiɛn Mothe, ku athiɛi ku yic kaa bɛn kene Yecu Kritho.

Welpiath ci Jɔn cithiei ke gɔɔr 14:6

Go Yecu yɔɔk, Ye ɣan ye dhol, ku ɣan ye yic, ku ɣan ye piir: acin ran ye bɛn nenɔŋ Awa, ke ken teek ne anom.

Dutuuc 13:39

ku kɔc kedhia, kɔc ye gam, aa cɔk lajik ne kaŋ kedhia, we ce leu ne cɔk lajik ne kaŋ kedhia ne looŋ ke Mothe.

Romai 5:2

yen man ci wɔ liɛp kuer ne gam buk lɔ athiɛiic, athiɛi ye wɔ kɔɔc thin; ku ne wɔ ye piɔth miɛt ne ŋath de nuɔm de Nhialic.

Romai 7:7

Buk ŋo jal ya luel? Ye loŋ ye rɛɛc? Acie yen. Te ciɛk en ya yic ke ɣan kuc rɛɛc, te cen ber ya loŋ: an e ɣan kuc wek, te e kene loŋ ye luel, Ye duɔne ye wak.

Romai 8:3

Ke e cii loŋ ye leu ne luɔi, ne niɔpde ne guɔp, ee loi ne Nhialic, tuuc Wende ke thoŋ guɔp ke guɔp de rɛɛc ku ye ke de koc de rɛɛc, luk en rɛɛc wei ne guɔpic:

Galatai 2:16

ku kayuku nyic ke cin ran ye luɔi de loŋ cɔk lajik, a kee ya gam de Yecu Kritho. Yen wɔ ci Yecu Kritho gam, bi wɔ ya cɔk lajik ne gam ne Krithoic, ku kacie ya luɔi de loŋ: ne ke cin en ran toŋ bi ya cɔk lajik ne luɔi de loŋ.

Galatai 3:21

Ye loŋ teer kene kaciluel ke Nhialic? Acie yen: nee loŋ ci gam loŋ de piir, ke lajik ee te ye ke de loŋ ne yic.

Galatai 3:24

Yen loŋ ee ye dupionydɛn ye wɔ bɛi enɔŋ Kritho, bi wɔ ya cɔk lajik ne gam.

Epethioi 3:12

yen man ye wɔ ŋeeny ku ye thoŋdɛn ye ɣɔr ne nompaal ne gam ye wɔ ye gam.

Kolothai 1:27

kɔc eke ci Nhialic ke piɔu miɛt bi ke nyuɔth baany de nuɔm de yekecikumne ne Juurkɔk yic, man ye Kritho ne weyic, ku ye ya ŋath de nuɔm:

1 Timotheo 1:1

Paulo, metuny de Yecu Kritho ne ke de loŋ de Nhialic Duluɛŋda, ku Yecu Kritho ŋathda;

Eberuu 10:1

Na ye loŋ naŋ atiapa de kapiɛth bi bɛn, ku cii yic de keekake ye nyuɔɔth, e kaci kɔc ye roth cuɔt ye kan leu abik lɔcar, ne koc de run ku run, yiki gam akolriɛc.

Eberuu 11:40

ne ke cii Nhialic keŋuan miaac ne keda, kɛlke kek bi ya cɔk lɔcap te cin wɔɔk.

Eberuu 11:6

acie leu ne yuɔm piɔu te cin gam: ran ye bɛn enɔŋ Nhialic abi ya dhiil ne gam lan yen tɔ, ku ye gam ke ye meriom de kɔc ye ye kɔɔr.

Eberuu 3:6

ku ye Kritho naŋ adot ne ɣonde nom ebɛn ɣɔn yen wa; ku wɔ eka ye ya ɣonde, te ye wɔ ŋeenyda muk arir ku nuɔm de ŋathda agut wada.

Eberuu 4:16

Yen yuku roth cuɔt tethiak kene thony de athiɛi ne ŋeeny, buk kac de piɔu yok, ku buk athiɛi de kuny de wɔɔk yok ne kol de ŋɔɔŋ.

Eberuu 6:18

buk ya naŋ ŋeeny dit, ne ka ceke leu ne wɛɛr keerou, ka cii e Nhialic ke lueth leu ne tɔr, ne wɔ wɔ kɔc ci kɛt te nɔŋ kony buk ŋath ci taau ne wɔnhiim kuɔk;

Eberuu 7:11

Emane na ne ye naŋ luɔi lɔcap ye bɛn ne baany de ka ke Nhialic de Lebii (keeka eke ye kɔc yiɛn loŋ), ke yeŋo dɛ e ye bɛny dɛ de ka ke Nhialic rɔt yok ne ke de dhien de Melkidhedek, ku cie kueen ne ke de dhien de Aron?

Eberuu 7:20

Ku kacit man cen ye tɔ te cin mel,

Eberuu 7:25

Yen ee kɔc leu ne luak taiwei, kɔc ye roth cuɔt Nhialic ne yen, abii ceŋden yen ceŋ athɛɛr ya cɔk laŋ ne keek.

Eberuu 8:6

Ku kee luɔi piath areet jal loom emane, luɔi yen ya ya medoor de man ŋuan eya, ke ci mat kene kaciluel ya kee ŋuan.

Eberuu 9:9

ke ye ya parabol de yemane, ee wɔ lɛk ne gɛm yene miɔc gam ku koc, ka ce ran ye duur leu bik cɔk lacar, ne ke de nyiny de piɔu,

Jakob 4:8

Yaka roth cuɔt Nhialic, ku kabi rɔt ya cuɔt week. Yaka wecin waak, we kɔc rac; ku yaka wepiɔth cɔk ɣer, we kɔc ye takic rou.