Eberuu 13:16 - Lek Jot de Jecu Kritho 1940

¹⁶ Ku duɔka nhiim ye maar ne luɔi de kac de piɔu ku kuny: yekoc yinlane aye Nhialic piɔu lɔyum.

Eberuu 13:16 ပူးပေါင်းရင်းမြစ်များ

Welpiath ci Luk cithiei ke gɔɔr 18:22

Na ci Yecu ye piŋ, ke jam, Ye kee tok yeneka ŋoot ke liu: ɣaace kaku kedhia, ku tɛke ke aŋaaŋ, ku yin bi naŋ weu nhial: ku jɔl bɛn, ye ɣa kuany cok.

Dutuuc 10:38

ya Nhialic ee Yecu de Nadhareth aci tɔc ne Jɔŋdiit Lajik ku ne riɛr: yen man e ye bɛi kuany yic ne luɔi piath, ku cɔk kɔc dem kedhia kɔc ci muk ne durieth; Nhialic ee tɔ ke ye.

Dutuuc 9:36

Ɣɔn ne Jopa tiŋpioce cɔl Tabitha ee tɔ, ku ci wel ne thoŋ de Giriki cɔl Doruka: tiŋ ci thiaŋ ne luɔi piɛth yen kɔc ŋɔŋ gup kony.

Romai 12:13

yaka kɔc cithiei yiɛn ke cik ya ŋaŋ; yaka gooŋ.

Galatai 6:10

Yen, yeman ye wɔ laaune, yuku kepiath luɔi raan ebɛn, ku kee ŋuɛɛn enɔŋ dhien de gam.

Galatai 6:6

Ne ran ye pioc ne wɛt, ne ye ran ye piooc kony ne kapiath kedhia.

Epethioi 4:28

Ne ran ye kual ce ber kan ya kual: aŋuan man ete cen ya lui ne kepiath ne yeciin, bi ya naŋ ke bi ya miɔc aŋaaŋ.

Pilipoi 4:14

Ee yic, acak nyiɛc loi, ne man ci we mat wene ɣɛn ne dhiendien de ɣapiɔu.

Pilipoi 4:18

Kaŋ kedhia aatɔ kene ɣɛn, aajuec: ɣan kueth, ne ke ca loom enɔŋ Epaprodito ka eke bɔ enɔŋ week, aaye anyir mit, ku yiki koc lɔyum, mit ne Nhialic piɔu.

1 Thethalonikei 5:15

Yaka roth ŋem kɛlke ŋɛk bi rɛɛc ya dhuɔk ŋɛk; ku yaka piath yaka biɔɔth cok ne nyindhia, ne yi ŋɛk ke ŋɛk, ku ne raan ebɛn.

2 Thethalonikei 3:13

Ku week, mɛɛthkuɔ, duɔka ye dak ne luɔi piath.

1 Timotheo 6:18

ku bik kapiath ya loi, bik kek ke ya bany ne luɔi piath, ku bik ya kok ne miɔc, ku yiki piɔth rɔm:

Pilemon 1:6

ku an ye lɔŋ bi man ye kek mat ne gtamdu bi ya ya ke dɛ ne nyiny bik kek kapiath kedhia ya nyic, ka ye tɔ ne yiyic, enɔŋ Kritho.

Eberuu 6:10

Nhialic ace ci lajik bi nom ya maar ne luɔiduɔn, ku nhiɛr yaka nyuɔɔth ne rinke, ne kuny e cii we kɔc cithiei ya kony, ku yaka dhiac e ke yakake kony.

3 Jɔn 1:11

Ran nhiar, duk rɛɛc ye kaar, ye kapiath kaar. Ran ye kepiath loi ee ke de Nhialic; ran ye rɛɛc loi aken Nhialic ŋem.