Eberuu 10:10 - Lek Jot de Jecu Kritho 1940

¹⁰ Yepiɔne acene wɔ cɔk lajik ne guɔp de Yecu Kritho ci gam naatok ne raan ebɛn.

Eberuu 10:10 ပူးပေါင်းရင်းမြစ်များ

Welpiath ci Jɔn cithiei ke gɔɔr 17:19

Ku keeka yan ke rɔt cɔk lajik, bi ke ya cɔk lajik eya ne yith yic.

Welpiath ci Jɔn cithiei ke gɔɔr 19:34

ku ran toŋ de lathkeer aci e gut lɔɔm ne toŋ, go riɛm kueer bei ku piu nelantoŋtɛi.

Welpiath ci Jɔn cithiei ke gɔɔr 6:51

An e cuin ye piir ci bɛn piny nhial: na ye raan yecuine cam, e kabi ya piir athɛɛr, ku cuin ba ya gam ee riiŋdie, ne piir bi kɔc ke piny nom ya piir.

1 Korinthoi 1:30

Ku week, we ci ya kake ne Yecu Krithoic; yen man ci cɔk ye nyiny de kaŋ enɔŋ Nhialic ne wɔɔk, ku ye lajik, ku ye lacar, ku ye weer:

1 Korinthoi 6:11

Ku kɔk ke week akee yineya, ku we we ci waak, ku we we ci cɔk lɔcar, ku cɔk we lajik ne rin ke Bɛnydiitda Yecu Kritho, ku ne Jɔŋdiit de Nhialinydaic.

Epethioi 5:2

ku yaka cath ne nhiɛric, ci man ci Kritho we ya nhiar, ku ci rɔt gam ne wɔɔk, ye ke ci miac ku ye ke de koc enɔŋ Nhialic bi ya ŋuac ke mit.

Epethioi 5:26

bi cɔk lajik te cen en waak ne piu kene wɛt,

Eberuu 10:12

ku yen, ɣɔn cen koc tok gam athɛɛr ne rɛɛc, ke lɔ reer ne ciin cuec de Nhialic;

Eberuu 10:14

Gɛm tok acen kɔc cɔk lɔcap athɛɛr kɔc cike cɔk lajik.

Eberuu 10:20

ne dhol ci liɛp wɔɔk, dhol jot ye ya piir, ye alanh ci gɛɛŋ bakic, ke ye ya guɔpde;

Eberuu 10:29

ke wɛide ci nyin bi dit ne luk ye ran ci Wen de Nhialic patic ne yecok, ku ci riɛm de mat, ke e cɔk yen lajik, cɔk ye ke ce lajik, ku ci rɛɛc luɔi Jɔŋdiit de athiɛi?

Eberuu 10:5

Yen ɣɔn bii en piny, go jam, Ye koc ku gɛm aake kɛneke kɔɔr, Ee guɔp yenekee ca juɛr ɣɛn;

Eberuu 13:12

Yen Yecu eya, ee gum ne thok biak biyic, bi kɔc ya cɔk lajik ne riɛmde.

Eberuu 2:11

Yen ye ke ye kɔc cɔk lajik, ku keek kek kɔc ye lajik aaye ya tok kedhia; yen aci yic ye liɛr te yen ke cɔɔl watmɛthke,

Eberuu 2:14

Yen na ye mith ye ŋɛk ke naŋ biakden de riiŋ ku de riɛm, ke yenekee ya cɔɔkde eya; bi durieth, man ye naŋ riɛr de thou, bi riɔk ne thou;

Eberuu 5:7

Ɣɔn ne akol ɣɔn ye Yecu ke raan, ɣɔn lɔŋ en ke bi e leu ne luak ne thouic, ŋɛl ne wuɔi gok ku piau de nyin, go piŋ ne rieuden nhial,

Eberuu 7:27

Ku kaci koc ye ŋaŋ akolriɛc, ci man de keebanydit ke ka ke Nhialicke, koc de rɛɛc de guɔpde ku jɔl ya koc de rɛɛc de kɔc. Ee yekene loi naatok ne raan ebɛn, ɣɔn gɛm en rɔt.

Eberuu 9:12

ku cii ye ke de riɛm de buɔɔth ku dɛɛu ke ɣɔk; ee ke de riɛmde, yenekee leer en telajik naatoŋ lɔrir, ke ci wɛɛr athɛɛr loom.

Eberuu 9:14

ke riɛm de Kritho, man ci rɔt gam ne Jɔŋdiit ye ceŋ athɛɛr, mioc rɔt Nhialic te cin acuɔl, cii nyinyduɔn de piɔu bi ya waak ne luɔi ci thou bak Nhialiny ye piir ya luɔi?

Eberuu 9:26

Nee yinla, e kee te ci dai ya gum elan e ciɛke piny. Ku kee guɔ tuɔl emane ne thok de run bi rɛɛc nyaai ne ke cen koc ne rɔt.

Eberuu 9:28

yenekee cɔɔk de Kritho eya, cene e gam naatok bi rɛɛc de juaac bi ɣaac, ku kabi bɛɛr tuɔl ne ke de rou, ke cin guɔp rɛɛc, enɔŋ keek kek kɔc ye tiit bi ke luɔk.

1 Petero 2:24

Ee karɛckuɔ jɔt e ekɔu ne tim nom, buk thou ne rɛɛcda ku buk ya piir ne lajik: wɔ ci dɛm ne yum cene e yup.

1 Petero 3:18

Ne ke ci Kritho kan gum eya ne kerac, gum Kelajik ne kɔc ce lajik, bi wɔ lar enɔŋ Nhialic; ku ci cɔk thou ne riiŋ, ku jɔl ya piir ne tiɛp:

1 Jɔn 5:6

Yenekee ci bɛn ne piu ku riɛm, ye Yecu Kritho; ku kacie piu kepɛc, kaye piu kene riɛm.