2 Petero 2:2 - Lek Jot de Jecu Kritho 1940

² ku kɔc juec abi luɔi rɛɛcden biɔth; ku dhol ye yic abi ya jaam arac ne keek.

2 Petero 2:2 ပူးပေါင်းရင်းမြစ်များ

Mathayo 22:16

Ku tocki kɔcken piocki kene kɔc ke Kerod toocki ke enɔŋ en, jamki, Yi Dupioc, yin yuku nyic ke yin ye yic, ku ye kɔc wɛɛt ne dhol de Nhialic neyic, ku cii ye riɔc ne ran dɛ: ku yin ci lɛc de kɔc acii ye thieekic.

Mathayo 24:24

Krithoi ke adhuɔɔm ku nebii ke adhuɔɔm aabi tuɔl, ku kaabi cit dit ku kagɛiyeke nyuɔɔth; bik kɔc yiɛc wei, aɣet kɔc cike lɔc.

Mathayo 7:14

Thok ee thui, ku dhol ee kuur, ye lɔ ne piiric, ku kalik keeka ye yok thin.

Welpiath ci Mak cithiei ke gɔɔr 12:14

Ɣɔn yii biki, e ke jam, yookki, Yi Dupioc, yin nyicku ke yin ye ran yic, ku cii ye riɔc ne kɔc; ku cii ran thoi ke ran ye dit ye tɛɛk yic, yin ye kɔc piɔc ne dhol ne Nhialic neyic. Piɛth bi Kaithar ya juɛr, ka rɛɛc?

Welpiath ci Mak cithiei ke gɔɔr 13:22

Krithoi ke adhom ku nebii ke adhom aabi tuɔl, ku kaabi cit ku kagɛike nyuɔth, bik kɔc yɛc wei, aɣet kɔc cike lɔc, te leu kek yen.

Welpiath ci Jɔn cithiei ke gɔɔr 14:6

Go Yecu yɔɔk, Ye ɣan ye dhol, ku ɣan ye yic, ku ɣan ye piir: acin ran ye bɛn nenɔŋ Awa, ke ken teek ne anom.

Dutuuc 13:10

ku jiɛm, Ye yin ci thiaŋ ne adhuɔm ebɛn ku luɔi rac ebɛn, wen de durieth, tɛɛre wene kelajik ebɛn, cii riak de dhɔl piɛth ke Bɛnydit bi puɔl?

Dutuuc 14:2

Go Judai kɔk ken gam goki Juurkɔk cuɔth piɔth bik dutuuc maan.

Dutuuc 16:17

Go wɔ kuany cok wɔne Paulo jiɛm, Ye keekɔcke kaaye awuut ke Nhialiny Dit Areet, kaaweet we ne dhol e luak.

Dutuuc 18:26

Ku gɔl jam luaŋ de gueer ke ce piɔu riɔc. Na ci Pirithikila ku Akula ye piŋ, goki loom, ku nyuuthki apiath ne dhol de Nhialic.

Dutuuc 19:9

Go kɔc kɔk piɔth riɛr jiɛiki gam, ku lɛɛtki Dhol ne kɔc nhiim, go jaal ne keyic, ku week kɔcpiocke peei, ku ye lɔ teer wel ne nyindhia ne thukul de Turanoic.

Dutuuc 22:4

guɔ yeDhole ya ŋet a bi kɔc thou, ya yi roor kene diar yake rek, ku laar ke ne ɣoot ke dom yic.

Dutuuc 24:14

Kene eka ba gam ne yinom, ya ɣan ye Nhialiny de kuarkuɔ door ne Dhol yiki cɔɔl awac, ku gam kaŋ kedhia ka cike gɔɔr ne looŋ yic ku ne nebii:

Romai 2:24

Rin ke Nhialic aaye lat ne Juurkɔk yic ne keduɔn, ci man cene ye gɔɔr.

1 Timotheo 5:14

Yen akaar bi diarjɔɔk ye joot bi ke ya thiaak, ku yiki mith dhieth, ku yiki dhiɛnken dɔk, ku yiki yic ciɛn ke bii kɔc ke ater ya lat:

Tito 2:5

ku cik nhiim bi ya liɔk, ku yiki lɔcar, ku yiki ya diar ye lui ne bɛiken, ku yiki piɔth kac, ku ye ke dɔk ne roorken, bik wɛt de Nhialic bik ya cuɔk ye lat:

Tito 2:8

ku jam yic, cie leu ne lukwei; bi ran ye ran de bian waac kene yin bi yic ya liɛr, ne ciɛn kerɛɛc bi ya luel ne wɔɔk.

1 Petero 2:12

ku bak kakuɔn ya loi apiath ne Juurkɔk yic; ku na cakki we ya guɛɛl ci kɔc rac, e kaabi ya daai ne luɔi piɛthduɔn ku bik Nhialic ya noom ne kol e luk.

2 Petero 2:12

Ku keekake, acit ka eke cakke e kee cin nhiim, ku ci ke dhieth e kee ye lai bi ke ya dɔm, ku nɛk ke, ku yeki jam areet ne ka kucike, ku riɔkden abene ke riɔk necok,

2 Petero 2:15

aa dhol piath nyaŋ wei, ku yecki wei, ku kuanyki Balaam wen de Beor cok, man e nhiar riop de rɛɛc;

2 Petero 2:18

Na yeki wel dit juec luel e kaaye kɔc deep ne kɔr rɛɛc de guɔp, kɔc ye poth ne kɔc ceŋ awacic yic;

2 Petero 2:21

Aŋuan lan ete ken kek dhol lajik nyic, ne nyiny cik ke ye nyic, ku berki dhuk ciɛn, pɛlki loŋ lajiŋ e ci yiɛn ke.

2 Petero 2:7

ku luɛk Lɔt ran lajik, man e ci piɔu dhiau areet ne luɔi rɛɛc de piir tɔ ne piny nom

Juda 1:10

Ku keekɔcke aaye kakucike bui: ku kayiike nyic ne cɛŋden, aacit ka ci cak ne ciɛlic, keekake keeka beneke ke ya riɔɔk.

Juda 1:15

bi raan ebɛn ben luɔɔk, ku bi kɔc rac waai ne luɔi rɛɛcden ebɛn, ku keriɛc rɛɛc e cik ya loi ne reec reec kek Nhialic, ku karɛc ekee cikke ya loi ne rɛɛcden ye kek ye jaam.

Juda 1:4

Anɔŋ kɔc ci roth liɛp ne weyic, kek kɔc thɛɛr eke ci luɔkwei; kɔc man Nhialic, welki athiɛi de Nhialinyda ke ye bɛɛl, jiɛki Dupiony tok, Bɛnydiitda, Yecu Kritho.

Juda 1:7

Ku ci man ɣɔn cii Thɔdom ku Gɔmora ku bɛi thiak kene keek, roth gam bɛɛl ci keekɔcka, ku yeki duur ne gup kucke, aacike taau ke ke ye kɛɛr, gumki wɛi de many ye dep athɛɛr.

Nyooth 12:9

Ku cuɛte darakondit piny, keroor thɛɛr, man ye cɔɔl Durieth ku Catan, medhum de tiɔp nom ebɛn; cuɛte e piny nom, ku cuɛte malaikaike piny kene yen.

Nyooth 13:14

Ku ye kɔc ceŋ tiɔp nom ye ke dhoom ne ciit cike yiɛn en bi ke ya loi ne lɛi nyin; ku ye kɔc ceŋ tiɔp nom yɔɔk, Ye bik lɛi bik luɔi kecithɔɔŋ, lan nɔŋ kep de theep, ku ye piir.

Nyooth 13:8

Ku kabii raan ebɛn ya door ran ceŋ tiɔp nom, raan ebɛn ran kene rinke gaar ne kitapic kitam de piir de Nyɔŋ e nɛk ɣɔn gɔɔce piny.