2 Petero 2:14 - Lek Jot de Jecu Kritho 1940

¹⁴ ku cik nyin thiaŋ ne kɔr de abɛɛl, nyin ci rɛɛc ye puɔl, ku yeki tip ce kaac apiath deep, ku yeki naŋ piɔth ye wak: yeki mith ke aciɛn;

2 Petero 2:14 ပူးပေါင်းရင်းမြစ်များ

Mathayo 12:34

We ye kuan de karoor, lɛuka wuɔde, ke we rac, bak kapiath ya luel? Ke ye piɔu thiɔŋ, yeneka yee thok luel.

Mathayo 23:14

We bi naŋ dhieu, we dugɛɛr, ku Parithai, we kɔc ke adhuɔɔm! ne ke ye we ɣoot ke diarjɔɔk cam yic, ku yaka lɔŋ cɔk baar ne adhuɔɔm. Yen we bi naŋ lukwei gok.

Mathayo 25:41

Ku kabi kɔc ciɛm yɔɔk eya, Ye jalka eene, we ci cieen, laka ne many thɛɛric many ci juɛr durieth kene malaikaike.

Mathayo 5:28

ku we yɔɔkke, ya raan ebɛn ye tiik oi ne kɔɔr rɛɛc de guɔp ee ya thok ne lɔ ke ye ne yepiɔu.

Welpiath ci Mak cithiei ke gɔɔr 13:22

Krithoi ke adhom ku nebii ke adhom aabi tuɔl, ku kaabi cit ku kagɛike nyuɔth, bik kɔc yɛc wei, aɣet kɔc cike lɔc, te leu kek yen.

Welpiath ci Jɔn cithiei ke gɔɔr 5:44

Bak leu ne gam wuɔde, ke we ye roth riɛu ŋɛk ke ŋɛk, ku cakka kor ne rieu ye bɛn enɔŋ Nhialic yetok?

Romai 16:18

Kɔc yinya aace Bɛnydiitda Kritho acik ye luɔi, ee ya yanyden e yiki luɔi; ku kaaye kɔc cin piɔth awac dhoom ne jam piɛthden lɔ cai.

1 Korinthoi 11:19

We ye weyic dhiil ne tek, bi kɔc piath ya nyic ne weyic.

Epethioi 2:3

Kek keek man eke ye wɔ ke ceŋ ne keyic, ne kɔr de guɔp ku ke de nom, ku yuku ya mith ke ɣok ne cɔɔkda; ci raan te dɛ.

Epethioi 4:14

buk cuɔk ber ya mith, yeke thieeth tɛɛn ku tɛɛn, ku yeke puɔk ne yom ebɛn yom de pioc, ne dhuɔm de raan, ku koony, ne dɛp de awac;

Kolothai 2:18

Ne ye ciɛn ran ye riopduɔn peec ne kuur de piɔuden tɔ ke ye, ku duɔr de malaikai, ran ye ceŋ ne kaŋ yic ka yeke ŋem, ku ye piɔu dit ne ciɛlic ne tɛŋden de guɔp,

Jakob 1:8

yeran ye lɔ gakgake, acie lɔ cok ne dhɔlke yic kedhia.

2 Petero 2:18

Na yeki wel dit juec luel e kaaye kɔc deep ne kɔr rɛɛc de guɔp, kɔc ye poth ne kɔc ceŋ awacic yic;

2 Petero 2:3

Ku weŋ ye kek weu wak abi we ya ɣɔɔc ne wel ke adhuɔm. Lukden wei ee dhiac ke bɔ ete ɣɔn, ku riaŋden acie lɔŋ.

2 Petero 3:16

ku kee tɔ eya ne thoonke yic kedhia, te jiɛm en ne keekake ne keyic; aaci gɔɔr keekake, ku kɔk ke keek aanɔŋ yic ka rir ne dot, ka ye kɔc kuc kaŋ ke ku kɔc ye niɔɔp ke dhɔŋ yic, ci luɔi ye kek ye luɔi kɔk ke kacigɔɔr, agut en riakki roth kepɛc.

1 Jɔn 2:16

Ka tɔ ne piny nom kedhia, ee kɔr rɛɛc de guɔp ku kɔr rɛɛc de nyin, ku piɔndit de piir, aacie ka ke Wun, aa ka ke piny nom.

Juda 1:11

Aabi naŋ dhieu! ne ke cik kek kɛt dhol de Kain, ku riŋki ne awany de Balaamic ne riop, ku yeki thou ne jamkoony de Koraic.

Nyooth 12:9

Ku cuɛte darakondit piny, keroor thɛɛr, man ye cɔɔl Durieth ku Catan, medhum de tiɔp nom ebɛn; cuɛte e piny nom, ku cuɛte malaikaike piny kene yen.