2 Petero 1:5 - Lek Jot de Jecu Kritho 1940

⁵ Yen yaka lui areet, ku yaka piath mat kene gamduɔn; ku nyiny de kaŋ kene piathduɔn;

2 Petero 1:5 ပူးပေါင်းရင်းမြစ်များ

Welpiath ci Luk cithiei ke gɔɔr 16:26

Ku kanɔŋ dɛ, kaamda wɔne yin anɔŋ adhuɔm dit; na nɔŋ kɔc piɔth bik neth enɔŋ yin, e kacik leu, ku cin ran leu en ne neth eeti enɔŋ wɔɔk.

Welpiath ci Luk cithiei ke gɔɔr 24:21

Ku kee ŋɔthku wuu ye yen ede ci Yithrael bi luɔk. Ku kacie keekake abac, nin aya diak nin eke loiye keekake.

Welpiath ci Jɔn cithiei ke gɔɔr 6:27

Duɔke ye lui bak miɛth ye luɛl ya loom, yaka lui ne miɛth ye ceŋ ne piir athɛɛr, bi Wen de raan yiɛn week: yen man ci Wun nyuɔth ne ye yic.

1 Korinthoi 14:20

Mɛɛthcie, duɔka ye tak ci mith: yaka ciɛt mith ne rɛɛc, ku yaka ciɛt kɔcdit ne tɛk.

Epethioi 5:17

A duɔka wenhiim cɔk mum, ku yaka piɔn de Nhialic nyic ne wenhiim.

Pilipoi 1:9

Ku yekene ayan lɔŋ ya bi nhiɛrduɔn ya lɔ ke dit ne nyicic ku ne ciit de keriɛc ebɛnic;

Pilipoi 2:12

Yen, kɔcciek nhiar keek, acit man ye we wel gam ne nyindhia, ku kacie tɔ yan tɔ thin yetok, ayaka jal loi areet te yan liu, yaka luaŋduɔn loi ne riɔc ku ne lɛth;

Pilipoi 4:8

Keciɛn, mɛɛthcie, keriɛc ebɛn ye ya yic, keriɛc ebɛn ye ya rieu ku leecap, keriɛc ebɛn ye lɔcar, keriɛc ebɛn yene kok, keriɛc ebɛn ye ya ke de thoŋ piath; na ye naŋ piath, ka na ye naŋ lɛc, ke keekake kek yaka ke tak.

Kolothai 1:9

Ku wɔ ye dhiac ke wɔ ye Nhialic lɔŋ ne week, aɣet kol e piŋ wɔ nhiɛrduɔn, ku kɔrku bi we thiɔŋ ne nyiny de piɔnde, bak ka ke Nhialic kedhia ya nyic ku yaka ke muk apiath;

Kolothai 2:3

yen man cene baany ebɛn de nyiny de kaŋ ku naŋ adot thian ne yeyic.

Eberuu 11:6

acie leu ne yuɔm piɔu te cin gam: ran ye bɛn enɔŋ Nhialic abi ya dhiil ne gam lan yen tɔ, ku ye gam ke ye meriom de kɔc ye ye kɔɔr.

Eberuu 12:15

ku yaka nyin tiit kɛlke bi naŋ ran dɛɛk athiɛi de Nhialic: ku duɔke nɔŋ meei de akɛc ye kul bi we nuan, ku bi juaac cool;

Eberuu 6:11

Ku kayuku kɔɔr bi ŋɛk ne week bi leeth de yeluɔitoŋe ya nyuɔɔth ne dit de ŋath agut awɛdɛ:

1 Petero 3:7

Ku week eya, we ror, yaka reer wene diarkuɔn ke we ye roth nyic, ku yaka tiik theek ci man de tony niɔp, ku ci man ye we adiit etok ne athiɛi de piir; kɛlke lɔŋduɔn bi ya gel nom.

2 Petero 1:10

Yen, watmathcie, yaka lui areet bak cɔtduɔn ku lonyduɔn cene we lɔc ya cɔk ye yic: te ye we ka cit keekake loi, ke we cie kan kɔth:

2 Petero 1:11

ku ler bene we lar ne ceŋ athɛɛr de Bɛnydiitda ku Duluɛŋda Yecu Kritho abi cok ne yin we yala.

2 Petero 3:14

Yen, kɔc nhiar keek, na yaka keekake kɔɔr, ke we yaka lui areet bi we yok ne dɔɔric, te cin acuɔl ku rɛɛc ne yenyin.

2 Petero 3:18

Yaka cil ne athiɛi de nyiny de Bɛnydiitda Yecu Kritho man ye Duluɛŋda. Eeyabi nuɔm bi ya tɔ kene yen ne yemane ku agut en athɛɛr. Amen.