1 Petero 4:13 - Lek Jot de Jecu Kritho 1940

¹³ We ye mat ne guɔm de Kritho; yen yaka piɔth lɔyum, bak piɔth bɛr ya lɔyum ne yum gok te nyoothe nuɔmde eya.

1 Petero 4:13 ပူးပေါင်းရင်းမြစ်များ

Mathayo 16:27

Wen de raan abi bɛn ne nuɔm de Wun kene malaikaike; ku bi raan ebɛn tɛk ne luɔide.

Mathayo 25:21

Go bɛnyde yɔɔk, Ye kapiath, yin ye aluaŋ piath ku nɔŋ adot: yin ci naŋ adot ne kadiaak, a yin ba taau ne kajuec nhiim. Lɔɔr ne yum de piɔu de bɛnyduic.

Mathayo 25:23

Go bɛnyde yɔɔk, Ye kapiath, yin aluaŋ piath ku nɔŋ adot: yin ci naŋ adot ne kadiaak, a yin ba taau ne kajuec nhiim. Lɔɔr ne yum de piɔu de bɛnyduic.

Mathayo 25:31

Na bɔ Wen de raan ne nuɔmde, ku malaikai kene yen, e kabi nyuc ne thonyden de nuɔm nom,

Mathayo 25:34

Ku kaabi Melek ke yɔɔk, kek ka ci taau cuec, Ye baka, we eka ci thiei ne Awa, ku lɔmka ceŋ ci juɛr week ɣɔn ciɛke piny.

Mathayo 5:12

Yaka piɔth lɔyum, miɛtka piɔth: ariopduɔn ee dit nhial: aake ye nebii ŋaar ne wenhiim kan ŋet yila.

Welpiath ci Mak cithiei ke gɔɔr 8:38

Raan ebɛn bi nyin ya riɔc ne an ku welcie, ne yekuan cin adote ku rɛɛc, ke Wen de raan abi nyin riɔc ne yen eya, te bii yen ne nuɔm de Wun kene malaikai lajik.

Welpiath ci Luk cithiei ke gɔɔr 17:30

yeneka bi ya cɔɔk de kol de Wen de raan, ben tuɔl.

Dutuuc 16:25

Wen ne wɛɛric ke yi Paulo ku Thila e ke laŋ ku ketki diɛt ke Nhialic, ku piŋ keek ne kɔc kɔk ci dɔm;

Dutuuc 5:41

Goki jaal ne buluuk nhiim e ke mit piɔth ne ke cii Nhialic ke cɔk gum ne keeRinke.

Romai 5:3

Ku kacie yen yetok, ne wɔ ye piɔth miɛt eya ne ka ye wɔ dhal, ne ke ye wɔ ka ye wɔ dhal nyic e kee ye piɔn lir bɛi;

Romai 8:17

Ku na yuku mithke, ke wɔ bi ya ya adiit, adiit ke Nhialic, ku yuku mat wɔne Kritho yuku adiit; na yuku mat wɔne yen ne guɔmde, ke wɔ bi bɛr ya mat eya ne nuɔmde.

Romai 8:18

Aya tak ke ka yukuke guum emane ye yic ciɛn ke dɛ te thooŋe ke kene nuɔm bi nyuɔɔth ne wɔyic.

2 Korinthoi 1:5

Acit man e dite guɔm de Kritho enɔŋ wɔɔk, yenekee cɔɔk ye duɔtdɛn de wɔpiɔth dit eya enɔŋ Kritho.

2 Korinthoi 1:7

Ku ŋɔthdɛn de week ee lɔcap; ayuku nyic, te ye we naŋ guɔm bianduɔn, ke yenekee cɔɔk de duɔt de piɔu eya.

2 Korinthoi 4:10

wɔ ye thuɔu de Yecu ɣaac ne wɔgup akolriɛc, bi piir de Yecu bi ya tic ne wɔgup.

2 Korinthoi 4:17

Ke piɔl ye wɔ dhal, ye ke de emane, ee wɔ yiɛn thiɛk diit de nuɔm athɛɛr;

Pilipoi 3:10

ban e ya nyic, ku riɛr de jonden de rɔt, ku man de guɔmde, ku ba ya ciɛt en ne thonde;

Kolothai 1:24

Emane ɣan ye guɔmdie yuum piɔu ne keduɔn, ku an ye te ye dak de ka ye Kritho dhal aya thiɔŋ nom ne ɣaguɔp ne ke de guɔpde, man ye ya kanitha;

2 Timotheo 2:12

na yuku gum, ke wɔ bi ya ceŋ etok wɔne yen: ku na buk ye ya jai, e kabi wɔ ya jai eya:

1 Petero 1:13

Yen yaka wenhiim juir, yaka cath ne piɔth lir, yaka athiɛi bi bɛn enɔŋ week te bii Yecu Kritho rɔt nyuɔɔth yaka ŋɔɔth;

1 Petero 2:21

Yekene ekee cole we: ne ke ci Kritho gum eya ne week, ku nyiɛŋ we ke bak ya kaar, bak ya biɔth:

1 Petero 5:1

Roordit tɔ kene week, aatuɛrke, ɣan man ye randit eya, ku ya duleŋ de guɔm de Kritho, ku ya mat ne nuɔm bi tuɔl:

1 Petero 5:10

Nhialiny de athiɛi ebɛn, man ci we cal ne nuɔmden ye tɔ athɛɛric ne Kritho, te ci we dar nɔk nemath ne guɔm, e kabi we ya cɔk lɔcap, ku cɔk we ye kɔɔc, ku cɔk we ye riɛr.

Juda 1:24

Eeyabi nuɔm, ku baany, ku dit ku riɛr bik ya tɔ kene Nhialiny tok Duluɛŋda, yen man ye we leu ne gel bak cuɔk ye yuik, ku ye we bɛi ne nuɔmde nom te cin awac ne lɔyum diit de piɔu, ne Yecu Kritho Bɛnydiitda athɛɛr wada. Amen.

Nyooth 1:7

Ŋɛmka, abɔ ke piool: ku kabii nyin ebɛn ŋem, ku kɔc ci ye thɔr; ku juɔr ebɛn de tiɔp nom abi e dhiɛu. Ne ye tɔ yeya. Amen.

Nyooth 1:9

Ɣan an Jɔn, an man ye wanmuuthduɔn ku ya mat wɔne week ne dhieu ku ne ceŋ ku liɛr de piɔu, ka ye tɔ ne Yecuic, ɣan ee an tɔ ne tuur cɔl Patmo nom, ne ke de wɛt de Nhialic ku de lek de Yecu.