1 Petero 3:8 - Lek Jot de Jecu Kritho 1940

⁸ Yaka piɔth jal rɔm wedhia, ku yaka nyiin kuany ne roth, ku yaka roth nhiar ci ŋɛk ke manhe, ku yaka piɔth kac, ku yaka piɔth kuur:

1 Petero 3:8 ပူးပေါင်းရင်းမြစ်များ

Mathayo 18:33

ku yin eya, cii piath ba piɔu kac ne aluaŋ tɔ ke yi, ci man can piɔu kac enɔŋ yin?

Welpiath ci Luk cithiei ke gɔɔr 10:33

Go ran toŋ de Thamaria go keny yedhole, go ɣeet te e tɔ raan thin: go ye ŋem, go nyin kuany ne yen,

Dutuuc 2:1

Ɣɔn ye akol e Thiɛrdhiec ye bii, ke kɔc gueer tetok.

Dutuuc 27:3

Ɣɔn miak ke wɔ kɛɛc piny ne Thidon: go Julio piɔu kac ne Paulo, a cɔk lɔ mɛɛthke neem bik lɔ kony.

Dutuuc 28:7

Etene athiak kene dum ke ran diit de tur, ran cɔl Publio, yenekee leer wɔɔk le wɔ gɔɔŋ ne rieu ne akol keediak.

Dutuuc 4:32

Ku dun de kɔc ci gam ee piɔu mat, ku mɛt tipken, ku cin ran toŋ jam ye ye weu kake, aacik maat nhiim tetok.

Romai 12:10

Yaka kok ne roth ne nhiɛr de maath; ye ŋɛk ŋɛk cɔk ŋaar ne rieu;

Romai 15:5

Nhialiny de liɛr de piɔu ku duɔt de piɔu abi we ya cɔk thoŋ piɔth ne roth ne Yecu Kritho:

1 Korinthoi 1:10

Yen yemane we laŋ keek, watmathcie, ne rin ke Bɛnydiitda Yecu Kritho, bak ya jam ne wɛt tok, ku cin ke ye we puɔk yic; ku bak ya mat apiath ne taŋ tok ku ne luŋ tok.

1 Korinthoi 12:26

Na ye baŋe yee gum, ke biɔk kedhia aaye gum kene yen; ka te yene baŋe riɛu, ke biɔk kedhia aaye piɔth lɔyum kene yen.

Epethioi 4:2

ne piɔn luɔi, ku rieu, ku guɔm, ku yaka roth ŋuaan ne nhiɛɛr;

Epethioi 4:31

Yaka kɛc de piɔu, ku ɣok, ku tɔŋ, ku jam dit, ku jam rac nyai kene guur:

Epethioi 4:32

ku yaka roth nhiar, ku kacka piɔth ne roth, ku ye ŋɛk ŋɛk pal awac, ci man ci Nhialic we puɔl ne Kritho.

Pilipoi 2:3

duɔka luɔi ye cɔk nɔŋic tɔŋ, ka dit de piɔu, ee bak piɔth ya kuur, ye ŋɛk ŋɛk thiekic ne yen;

Pilipoi 3:16

ku, te cuk ya cuɔp; ke yene ye wɔ cath thin.

Kolothai 3:12

Yen yaka roth piɔth, ci ka ke Nhialic cike lɔc, ye lajik ku yiki kanhiɛɛr, ne kac de piɔu, ku ne kuny, ku kuur de piɔu, ku pian luɔɔi, ku guɔm;

Eberuu 13:1

Ne nhiɛr de mɛɛth ne ye dhiac.

Jakob 2:13

Luk ee ciɛn kac de piɔu enɔŋ en ye ran ken kac de piɔu nyuɔth: dheeŋ de kac de piɔu awar luk.

Jakob 3:17

Nyiny ye bɛn nhial ee kan lacar, ku ber ya tɔ ke dɔɔr, ku ye lacai, ku ye dac gam, thiɛŋ ne kac de piɔu ku luɔi piath, cii biak ye man ku nhiɛr biak, cin adhuɔm.

Jakob 5:11

Ŋɛmka, ayuuke cɔɔl ka ci thiei, kek kɔc ci gum. We ci ŋueny ne kene Job ŋueny piŋ, ku we ci thok de luɔi de Bɛnydit ŋem, thiaŋ yen thiaŋ ne piath ku kac de piɔu.

1 Petero 1:22

Na ci gam ye we yith gam ci tipkuɔn ya cɔk lacar bak mɛɛth ya nhiar ne nhiɛr cinic aguk, ke we yaka roth nhiar areet ne piɔn ɣer:

1 Petero 2:17

Yaka raan ebɛn theek. Yaka miɛthakuɔn nhiar. Yaka Nhialic riɛu. Yaka melek theek.

1 Petero 5:5

We we rorthi eya, yaka roordit gam thook. Ku week wedhia, yaka wepiɔth cɔk kor ne roth, ku yaka roth kuɔny: Nhialic ee teer ke ran dit piɔu, ku ye athiɛi yiɛn ran ye piɔu kuur.

2 Petero 1:7

ku luɔi de Nhialic kene cuɔk leeth; ku nhiɛr de watmathkuɔn kene lui de Nhialic; ku nhiɛr kene nhiɛr de watmathkuɔn.

1 Jɔn 3:14

Anyicku ke wɔ ci bɛn bei ne thouic ku loku ne piiric, ne nhiɛr nhiɛr wɔ mɛɛthkuɔ. Ran cie nhiɛr ee tɔ ne thouic.