1 Petero 2:21 - Lek Jot de Jecu Kritho 1940

²¹ Yekene ekee cole we: ne ke ci Kritho gum eya ne week, ku nyiɛŋ we ke bak ya kaar, bak ya biɔth:

1 Petero 2:21 ပူးပေါင်းရင်းမြစ်များ

Mathayo 10:38

Ran ci tiɛm ageerde ye jɔt, ku ye ɣa biɔth, ace piath enɔŋ ɣa.

Mathayo 11:29

Yaka yoŋdie ket, ku yaka pioc ne ɣan; ne ke can ye ɣok ku ya piɔu kuur: ku lɔŋ abak ya yok ne tiipkuɔn.

Mathayo 16:24

Go Yecu kɔcpiocke yɔɔk, Ye na ye raan piɔu naŋ bɛn ne acok, ke ne ye rɔt nyɔŋ, ku ye tiɛm ageerde jɔt, ku yee ɣa biɔth.

Welpiath ci Luk cithiei ke gɔɔr 24:26

Cii piath bi Kritho keekake guum, ku bi lɔ ne nuɔmdeic?

Welpiath ci Jɔn cithiei ke gɔɔr 13:15

We ca yiɛn ke bak ya kaar, bak bɛɛr ya loi ci man can e luɔi we.

Welpiath ci Jɔn cithiei ke gɔɔr 16:33

Keekake aacake lɛk week, ya bak naŋ dɔɔr ne ayic. Piny nom aye we naŋ ka ye we dhal: ku yaka piɔth miɛt; an ci piny tiam nom.

Dutuuc 14:22

cɔkki kɔcpiocke rir piɔth, ku yookki ke bik dhiac ne gamic, yi kɔc acie lɔ ne ceŋ de Nhialicic ke cin ŋet.

Dutuuc 17:3

yook ke ye Kritho ee guɔm dhiil, ku beer rɔt jɔt ne thouic; ku beer jam, Ye Yecu, man yan we lɛkne, yenekee Kritho.

Dutuuc 9:16

aba nyuɔth kajuec benke gum ne rincie.

Romai 8:29

Kɔc eke kɔnke nyic, aacike kan cɔk kɛɛr guɔp de Wende, bi ya wenkaai ne watmɛthken juec yic:

1 Korinthoi 11:1

Yaka ɣa kaar, ci man yan Kritho kaar eya.

Epethioi 5:2

ku yaka cath ne nhiɛric, ci man ci Kritho we ya nhiar, ku ci rɔt gam ne wɔɔk, ye ke ci miac ku ye ke de koc enɔŋ Nhialic bi ya ŋuac ke mit.

Pilipoi 2:5

Cakka yetɛŋe cɔk ye tɔ ne weyic, ke e ye tɔ ne Yecu Krithoic eya:

1 Thethalonikei 3:3

bi ya ciɛn ran ye rɔt ɣooc ne yeguɔme; ne nyiny ye we ye nyic ke wɔ ci meek ne yekene.

1 Thethalonikei 4:2

We nyic looŋ cukke yiɛn we ne Bɛnydit Yecu.

2 Timotheo 3:12

Ee yic, ku raan ebɛn ran ye Nhialic luɔi ne Yecu Krithoic abi ŋet ya guum.

Eberuu 2:10

Ee rɔt tiiŋ kene yen, yen man ye kaŋ kedhia kɔɔc ku yene e biiye kaŋ kedhia, te cen juac de wat bɛi ne nuɔmic, bi megony de luaŋden bi cɔk lajik ne guɔm.

1 Petero 1:20

yen man e kɔne ya nyic aŋoot ceŋ de piny, ku ci nyuɔɔth ciɛn ne week,

1 Petero 2:24

Ee karɛckuɔ jɔt e ekɔu ne tim nom, buk thou ne rɛɛcda ku buk ya piir ne lajik: wɔ ci dɛm ne yum cene e yup.

1 Petero 3:18

Ne ke ci Kritho kan gum eya ne kerac, gum Kelajik ne kɔc ce lajik, bi wɔ lar enɔŋ Nhialic; ku ci cɔk thou ne riiŋ, ku jɔl ya piir ne tiɛp:

1 Petero 3:9

duɔka rɛɛc ye dhuk nom ne rɛɛc, ku lɛt ne lɛt; athiɛi yene ye we ke dhuk; yenekee cɔɔlne week bak naŋ athiɛi bi ya adonyduɔn.

1 Petero 4:1

Yen na ci Kritho gum ne guɔp, ke we muɔkka wepiɔth bak ya yenya; ne ke ye ran ci gum ne guɔp cen rɛɛc ya puɔl ne luɔi;

1 Petero 4:13

We ye mat ne guɔm de Kritho; yen yaka piɔth lɔyum, bak piɔth bɛr ya lɔyum ne yum gok te nyoothe nuɔmde eya.

1 Jɔn 2:6

ran ye ye luel ye ye ceŋ ne yeyic ee cath dhiil eya ci man e yen cath.

1 Jɔn 3:16

Nhiɛr ayuku nyic ne yekene, ne ke cen piirde gam ne wɔɔk: yen wɔ bi piirda ya dhiil ne gɛm ne mɛɛthkuɔ.

Nyooth 12:11

Ku kee tiamki ne riɛm de Nyɔk ku ne wɛt de lekden; ku cik piirden ye nhiar agut thou.