1 Petero 1:7 - Lek Jot de Jecu Kritho 1940

⁷ Kekeekake abi gamduɔn ya nyuɔɔth, gam wan jini man ye riak ku ye them ne lɛŋ ne mac, bi we yiɛn lɛc ku nuɔm ku rieu te biiye Yecu Kritho:

1 Petero 1:7 ပူးပေါင်းရင်းမြစ်များ

Mathayo 19:28

Go Yecu ke yɔɔk, Ye we ya yɔɔk neyic, Ya na miak ne kol jot te bi Wen de raan nyuc ne thonyden de nuɔm nom, ke we man ye ɣa biɔthka we bi ya nyuc eya ne thoc keethiɛr ku rou, ku luɔkka jur de Yithrael thiɛr ku rou.

Mathayo 25:21

Go bɛnyde yɔɔk, Ye kapiath, yin ye aluaŋ piath ku nɔŋ adot: yin ci naŋ adot ne kadiaak, a yin ba taau ne kajuec nhiim. Lɔɔr ne yum de piɔu de bɛnyduic.

Mathayo 25:23

Go bɛnyde yɔɔk, Ye kapiath, yin aluaŋ piath ku nɔŋ adot: yin ci naŋ adot ne kadiaak, a yin ba taau ne kajuec nhiim. Lɔɔr ne yum de piɔu de bɛnyduic.

Welpiath ci Luk cithiei ke gɔɔr 12:33

Ɣaacka ka tɔ kene week, ku yaka miooc, luɔika roth bon cie riak, wenh tɔ nhial cie kan liu, te cii rueny ye thiɔk, ku cin kom riak e.

Welpiath ci Luk cithiei ke gɔɔr 17:30

yeneka bi ya cɔɔk de kol de Wen de raan, ben tuɔl.

Welpiath ci Jɔn cithiei ke gɔɔr 12:26

Na ye raan a luɔi, ke ne ye ɣa biɔth; ku te yan tɔ, abi awundie aben ya tɔ eya: na ye raan a luɔi, e kabi Awa ya yiɛn rieu.

Welpiath ci Jɔn cithiei ke gɔɔr 5:44

Bak leu ne gam wuɔde, ke we ye roth riɛu ŋɛk ke ŋɛk, ku cakka kor ne rieu ye bɛn enɔŋ Nhialic yetok?

Dutuuc 8:20

Go Petero yɔɔk, Ye riɛrku aabi riak kene yin ne thooŋ e thooŋ yin en wu ba miɔc de Nhialic ɣɔɔc ne weu.

Romai 2:10

ku nuɔm ku rieu ku dɔɔr aabi ya tɔ kene raan ebɛn ran ye lui apiath, ee kan ya muɔny Juda, ku jɔl ya muɔny Giriki eya:

Romai 2:29

ee ya muɔny Juda, ne ke yen ya Juda ne biak thin; ku ŋuɛlɛɛi ee ya ke de piɔu ne tiɛp, ke cie waragak; acie kɔc e ye ye leec, ee ya Nhialic.

Romai 2:7

kɔc ye nuɔm ku rieu ku kecieluɛl kɔɔr ne piɔn liir de luɔi piath, aabi naŋ piir athɛɛr:

Romai 8:19

Ka ci cak aaye daai, aa ŋueny ne nyooth bene wɛɛt ke Nhialic nyuɔɔth.

1 Korinthoi 3:13

ke luɔi de ŋɛk abi ya nyuɔɔth; abi akɔl cɔk tiɛc, ne many bii piny run; ku mac ne guɔpde abi luɔi de raan ya nyuɔɔth lan yin en de.

1 Korinthoi 4:5

Yen duɔka kɔn ya luk aŋoot Bɛnydit ke ken bɛn, yen man bi ka ci thian ne cuɔlic bɛi ne ɣɛɛric, ku bi tɛŋ de kɔc piɔth cɔk tiɛc; ku jɔl Nhialic raan ebɛn leec.

Jakob 1:12

Raan aye thiei ran ye them guum: na ci e met, e kabi gol de piir loom, man ci Bɛnydit luel ye bi ya yiɛn kɔc ye ye nhiar.

1 Petero 1:13

Yen yaka wenhiim juir, yaka cath ne piɔth lir, yaka athiɛi bi bɛn enɔŋ week te bii Yecu Kritho rɔt nyuɔɔth yaka ŋɔɔth;

1 Petero 1:5

ku riɛr de Nhialic ee we gel ne gam agut luaŋ ci juir bi nyuɔɔth ne kol ciɛn.

1 Petero 2:4

baka enɔŋ en, ye kuur ye piir, cii kɔc rɛɛc, ku cii Nhialic lɔc ku kook en.

1 Petero 2:7

Aye we kook we kɔc ye gam: ku nenɔŋ kɔc ci ye ye gam, Ya kuur ci rɛɛc ne mebuuth, Yeneka ci cɔk ye nom de ŋem de pany;

1 Petero 4:12

Kɔc nhiarke, duɔka ye gai ne many de ŋet ye bɛn enɔŋ week bi we them, ci kegɛiye ye we lɔny.

1 Petero 4:13

We ye mat ne guɔm de Kritho; yen yaka piɔth lɔyum, bak piɔth bɛr ya lɔyum ne yum gok te nyoothe nuɔmde eya.

1 Petero 5:1

Roordit tɔ kene week, aatuɛrke, ɣan man ye randit eya, ku ya duleŋ de guɔm de Kritho, ku ya mat ne nuɔm bi tuɔl:

2 Petero 1:1

Thimon Petero man ye awut ku ye dutuny de Yecu Kritho, agɛr kɔc ci gam mit lom ci wɔɔk ne lajiŋ de Nhialinyda ku Duluɛŋda, Yecu Kritho:

2 Petero 1:4

Ku ci wɔ yiɛn kapiɛth ŋuan cike lɛk wɔ ne keekake, buk luɛl ci cil ne piny nom ne kɔr rɛɛc de kɔc piɔth ya leu ne dɛny, ku buk ya mat wɔ piɔn de Nhialic.

2 Petero 3:14

Yen, kɔc nhiar keek, na yaka keekake kɔɔr, ke we yaka lui areet bi we yok ne dɔɔric, te cin acuɔl ku rɛɛc ne yenyin.

Juda 1:24

Eeyabi nuɔm, ku baany, ku dit ku riɛr bik ya tɔ kene Nhialiny tok Duluɛŋda, yen man ye we leu ne gel bak cuɔk ye yuik, ku ye we bɛi ne nuɔmde nom te cin awac ne lɔyum diit de piɔu, ne Yecu Kritho Bɛnydiitda athɛɛr wada. Amen.

Nyooth 1:7

Ŋɛmka, abɔ ke piool: ku kabii nyin ebɛn ŋem, ku kɔc ci ye thɔr; ku juɔr ebɛn de tiɔp nom abi e dhiɛu. Ne ye tɔ yeya. Amen.

Nyooth 2:10

Duɔne ye riɔc ne ka bake ya guum: ŋem, durieth anɔŋ piɔu cuɛt de kɔk ke week ɣon de dom, bi we ya them, ku we bi naŋ kadhal we ne nin keethiɛr. Ye naŋ adot agut thou, ku yin ba yiɛn gol de piir.

Nyooth 3:10

Ke cin wɛt de liɛr de ɣapiɔu muk, aban yin ya muk ne thaa theme yin eya, thaa bi bɛn bi piny lɔny nom ebɛn, bi kɔc them kɔc ye tiɔp ceŋ nom.

Nyooth 3:18

yen yin ciɛɛr ba jini ci leeŋ ne mac ba ya ɣɔɔc enɔŋ ɣɛn, bin ya ya acibany; ku ɣɔc alath ɣer, bin ke rɔt ya piɔth, ku bi yicliɛrdun de tat bi cuɔk ye tic, ku miok de nyin bin yinyin ya tɔc, ba ya ŋem.