1 Petero 1:15 - Lek Jot de Jecu Kritho 1940

¹⁵ Acit man len jik yen man ci we cɔɔl, ye we lajik eya ne ke dɛ ebɛn de piir piir we;

1 Petero 1:15 ပူးပေါင်းရင်းမြစ်များ

Mathayo 5:48

Yen we bi ya lajik, ci man de Wuɔrduɔn nhial len jik.

Romai 9:24

agut wɔɔk, wɔ kɔc cike cɔɔl, ku kacie Judai kepɛc, ee ya Juurkɔk eya?

2 Korinthoi 7:1

Yen eman ye wɔ naŋ keekacike luelka, kɔc nhiarke, ke ne wɔ wak roth ne acol de guɔp ebɛn ku tiɛp, ku yuku lajiŋda cɔk ye lɔcar ne riɔc de Nhialic.

Pilipoi 1:27

Yen ne piirduɔn ye piath ne welpiɛth ke Kritho: a guɔ kakuɔn ya piŋ, te bɛi ɣan ba we bɛɛr ŋem, ka te yan liu, ke we ye kɔɔc necap ne piɔn tokic, ku yaka ɣeet ci tiɛp tok ne gam de welpiath;

Pilipoi 3:14

ku ɣan ye rɔt pɛɛc te de gool te de riop de cɔt piɛth de Nhialic ne Yecu Krithoic.

Pilipoi 3:20

Ceŋda ee tɔ nhial; te ye wɔ Duluɛŋda tiit thin eya, man ye Bɛnydit Yecu Kritho:

1 Thethalonikei 2:12

ku yuku we yɔɔk, bak ya nyiɛc cath wene Nhialic, man ye we caal ne ceŋdeic ku nuɔm.

1 Timotheo 4:12

Ne ye ciɛn ran ye ranthiɛidu tɔɔn; ku ye ya kɛɛrden kek kɔc ye gam, ne wɛt, ku ne piir, ku ne nhiɛr, ku ne gam ku lɔcar.

2 Timotheo 1:9

man ci wɔ luɔk, ku cɔɔl wɔ ne cɔt lajik, ku kacie ke de luɔida yen ee cɔɔl en wɔɔk, ee cɔl wɔɔk ne ke de yepiɔu ku athiɛi, ke e ci yiɛn wɔɔk ne Yecu Krithoic aŋoot katueŋ wei,

Tito 3:14

Ku cɔk kɔckuɔ piɔc ne luɔi de luɔi piath ne ka yeke loi, a goki ya cuɔk cie luɔk.

Tito 3:8

Yewɛte kee wɛt yic, ku an nɔŋ piɔu ya ba keekake ya luel areet, bi kɔc ci Nhialic gam bik luɔi piath ya loi ne tiit de nyin. Keekake aaye piath ku kaaye kɔc kuɔny:

Eberuu 12:14

Yaka dɔɔr biɔɔth wene kɔc kedhia, ku lajiŋ cin ran lɔ Bɛnydit kan ŋem te cin en:

Eberuu 13:5

Yaka liu ne nhiɛr de weuic, ku yaka pek ne ka ye tɔ kene week: ne ke cen e luel ne guɔpde, Ye yin caa bi kan ya pal wei, ku kacin ke kan ɣan yin ya waan.

Jakob 3:13

Yeŋa ye ran nyic kaŋ ku ye kaŋ muk ne weyic? Ne ye luɔide nyuɔth ne piir piɛthde, luɔi de piɔn lir de nyiny e kaŋ.

1 Petero 2:12

ku bak kakuɔn ya loi apiath ne Juurkɔk yic; ku na cakki we ya guɛɛl ci kɔc rac, e kaabi ya daai ne luɔi piɛthduɔn ku bik Nhialic ya noom ne kol e luk.

1 Petero 2:9

We ye kɔc ci meek, yaka rem de tiit de melek, yaka jur lajik, jur de Nhialic ne guɔpde, bak kapiɛthke ya nyuɔɔth yen man ci we cɔɔl bei ne cuɔlic bak ya tɔ ne ɣɛr gɛiyeic.

1 Petero 3:16

ne ke ye nyiny piɛth de piɔu tɔ ke we. Yen, na cak we ya jam arac, e kaabi ya cɔk riɔc nyin, kek kɔc ye piirduɔn de Krithoic lat.

1 Petero 5:10

Nhialiny de athiɛi ebɛn, man ci we cal ne nuɔmden ye tɔ athɛɛric ne Kritho, te ci we dar nɔk nemath ne guɔm, e kabi we ya cɔk lɔcap, ku cɔk we ye kɔɔc, ku cɔk we ye riɛr.

1 Jɔn 3:3

Ku raan ebɛn ye naŋ eŋathe ne yen, ee rɔt cɔk lajik, ci man yen lajik.

Nyooth 3:7

Gare malaika de kanitha tɔ ne Piladelpia; Wu ya keekake aaluelke ne yen yen man lajik, ku ye ya yic, ku ye tɔ ke muktar de Dabid, yen man ye liep, ku cin ran bi e ya leu ne thiek, yen man ye thieek, ku cin ran leu e ne liep:

Nyooth 4:8

Ku keelaike keeŋuan ye piir aaye tok ke naŋ wuɔk keedhetem, ku cik thiaŋ ne nyin biyic ku ne bianthin. Ku kaaye ciɛn lɔŋ ne akol yic ku ne weer yic, yiki jam, Yi Lajik, lajik, lajik, ee ya ke de Bɛnydit Nhialic, Nɔŋ Riɛr Ebɛn, man e tɔ, ku ye tɔ, ku bi bɛn.

Nyooth 6:10

ku yiki coot ne cɔtdit, jamki, Yi ye anana, Yin Dupioc, yin man lajik ku ye yic, bin kɔc ceŋ tiɔp nom luk, ku ye na bin riɛmda guɔr?