1 Jɔn 5:6 - Lek Jot de Jecu Kritho 1940

⁶ Yenekee ci bɛn ne piu ku riɛm, ye Yecu Kritho; ku kacie piu kepɛc, kaye piu kene riɛm.

1 Jɔn 5:6 ပူးပေါင်းရင်းမြစ်များ

Mathayo 26:28

Riɛmdie eka, riɛm de man jot, ci kueer wei ne juaac, bi karɛcken nyaai.

Mathayo 3:16

Ku te cene Yecu baptith, go dac bɛn bei ne piuic, go nhial eyic liɛp e, go Jɔŋdiit de Nhialic, ŋem ne bɔ piny ke cit guɔp kure, ku nyuuc ne yenom,

Welpiath ci Mak cithiei ke gɔɔr 14:24

Ku yook ke, Ye kee riɛmdien de mat, ci kuer ne juaac.

Welpiath ci Luk cithiei ke gɔɔr 22:20

Ku yene ye cɔɔk de abiny eya, wen cii miɛth thei thok, jiɛm, Ye yeabinye kee man jot ne riɛmdie, riɛm bi kueer wei ne week.

Welpiath ci Jɔn cithiei ke gɔɔr 14:17

yenekee Jɔŋdiit de yith. Kɔc ke ka ke piny nom acik leu ne lɔm, acik ye ŋem, ku kacik ye nyic. Ku week, we eka nyic e. Ee ceŋ kene week, ku kabi ya tɔ ne weyic.

Welpiath ci Jɔn cithiei ke gɔɔr 14:6

Go Yecu yɔɔk, Ye ɣan ye dhol, ku ɣan ye yic, ku ɣan ye piir: acin ran ye bɛn nenɔŋ Awa, ke ken teek ne anom.

Welpiath ci Jɔn cithiei ke gɔɔr 15:26

Na bɔ Dugel, man ba tuɔc week nenɔŋ Awa, e kabi ya duleŋ de ɣɛn:

Welpiath ci Jɔn cithiei ke gɔɔr 16:13

Na ci bɛn, yen Jɔŋdiit de yith, e kabi we ya dak ne yith yic kedhia: ne ke cen bi ya jam ne guɔpde; abi ya jam ne ke ye piŋ ebɛn: ku kabi we ya lɛk kaŋ ka bi bɛn.

Welpiath ci Jɔn cithiei ke gɔɔr 3:5

Go Yecu dhuk, Ye yin ya yɔɔk neyic, Ya na ci raan bi dhieth ne piu ku ne Jɔŋdit, e kace lɔ e ceŋ de Nhialicic bi leu.

Welpiath ci Jɔn cithiei ke gɔɔr 4:10

Go Yecu gam ku yook, Ye na nyic miɔc de Nhialic, ku nyic ran ye yi yɔɔk, Ye cɔk ɣa dek; ke kee te ca lim, ku kee te ci yi yiɛn piu ye piir.

Welpiath ci Jɔn cithiei ke gɔɔr 4:14

Ku ran ye dek ne piu ban ke ye miɔc aci bi ya yal athɛɛr. Piu bake yiɛn en aabi ya yinh de piu eyic bik ya cil eke ye piir athɛɛr.

Welpiath ci Jɔn cithiei ke gɔɔr 6:55

Riiŋdie ee miɛth yic, ku riɛmdie ee kan yic de dek.

Dutuuc 8:36

Te ciɛth kek dholic, goki ɣet te nɔŋ piu; go biɔc jam, Ye ŋem, ye piu eke; yeŋo pen ɣa ne baptith?

Romai 3:25

man cii Nhialic taau ne ye dupuk, ne ke de gam, ne riɛmde, bi lajiŋde ya nyuɔɔth, ne ke de ret de rɛɛc e ci kan loi ɣɔn, ne kac de piɔu de Nhialic;

Epethioi 1:7

Ye yen man ci wɔ naŋ wɛr ne riɛmde, ku pɛl de karɛckuɔ, ne baany de athiɛide,

Kolothai 1:4

ne piŋ cii wɔ we piŋ ne gam ye we Yecu Kritho gam, ku ne nhiɛr ye we kɔc lajik nhiar kedhia.

1 Timotheo 3:16

Kecikum de luɔi de Nhialic ee dit te cin teer; Yen ye ke e ci cɔk tiɛc ne guɔp, ku ci cɔk lajik ne tiɛp, ku ŋem ne malaikai, ku cene juɔr wɛɛt, ku cii piny nom gam, ee jal laar nhial ne nuɔm.

Tito 3:5

ku cie luɔi ye loi ne lajik, yene e cuk ya loi ne gupkuɔ, go wɔ luɔk ne ke de kac de yepiɔu, ne wɛk de beerpiny de dhiɛth ku de cɔkjot de Jɔŋdiit Lajik,

Eberuu 10:29

ke wɛide ci nyin bi dit ne luk ye ran ci Wen de Nhialic patic ne yecok, ku ci riɛm de mat, ke e cɔk yen lajik, cɔk ye ke ce lajik, ku ci rɛɛc luɔi Jɔŋdiit de athiɛi?

Eberuu 12:24

ku tenɔŋ Yecu medoor de man jot, ku tenɔŋ riɛm ye weer ke ŋuɛɛne jamde ne riɛm de Abel.

Eberuu 13:20

Emane Nhialiny de dɔɔr, man ci adubiok diit de thok bɛr jɔt ne thouic ne riɛm de mat athɛɛr, yen man ye Yecu Bɛnydiitda,

Eberuu 9:14

ke riɛm de Kritho, man ci rɔt gam ne Jɔŋdiit ye ceŋ athɛɛr, mioc rɔt Nhialic te cin acuɔl, cii nyinyduɔn de piɔu bi ya waak ne luɔi ci thou bak Nhialiny ye piir ya luɔi?

Eberuu 9:7

akema de rou aye bɛnydiit de ka ke Nhialic lɔ thin yetok, ee naatok ne run tok, ku kacie lɔ te cin riɛm, riɛm ye gam ne rɔt, ku ne awany de kɔc:

1 Petero 1:2

kɔc cike lɔc ne nyiny e kɔn kek Nhialic Wun nyic, ne luɔi lajiŋ de Jɔŋdit, ye ke cɔk gam ku cɔk ke yorke ne riɛm de Yecu Kritho: Eeyabi athiɛi ku dɔɔr ya lɔ ke dit enɔŋ we.

1 Petero 3:21

Acit man de yeciɛn yiɛne luɛk we emane, baptith, ku kacie wɛɛk wei de acol de guɔp, e kɔr piɛth de nyiny de piɔu ye we Nhialic kɔr, ne jon de Yecu Kritho de rɔt,

1 Jɔn 1:7

ku na yuku cath ne ɣɛɛric, ci man yen tɔ ne ɣɛɛric, ke wɔ ye mat ne roth, ku ye riɛm de Yecu Wende wɔ waak ne rɛɛc ebɛn.

1 Jɔn 4:10

Nhiɛr eke, acie wɔ wɔ nhiar Nhialic, ee yenekee ci wɔ nhiar, ku tuuc Wende bi a dupuŋ de karackuɔ.

Nyooth 1:5

ku tenɔŋ Yecu Kritho, man ye duleŋ nɔŋ adot, ku ye ya wɛnkaai de kɔc ye thou, ku ye ya medoŋ de meleek ke tiɔp nom. Eeyabi nuɔm ku ceŋ bik ya tɔ kene yen athɛɛr wada, yen man ye wɔ nhiar, ku ci wɔ lony ne rɛɛcda ne riɛmde,

Nyooth 5:9

Ku yiki din jot ket, yiki jam, Yi yin eka piath ne lɔm de kitap, ku bak adɔk kuɛk wei: ne kee cene yi nɔk, ku ca kɔc ɣɔc Nhialic ne riɛmdu, ne dhienic ebɛn, ku ne thokic ebɛn, ku ne juɔric ebɛn, ku ne welic ebɛn,

Nyooth 7:14

Guɔ yɔɔk, Ya bɛnydie, anyic. Go ɣa yɔɔk, Ye keekake aake bɔ bei ne dhien diit de piɔuic, ku wakki alathken, ku cɔkki ke ɣer ne riɛm de Nyɔk.