1 Jɔn 5:4 - Lek Jot de Jecu Kritho 1940

⁴ Ke ci dhieth e Nhialic ebɛn ee ka ke piny nom tiam; ku tiɛm ye ka ke piny nom tiam, ee ya gamda.

1 Jɔn 5:4 ပူးပေါင်းရင်းမြစ်များ

Welpiath ci Jɔn cithiei ke gɔɔr 1:13

kɔc eke cike dhieth ne riɛm, ku ne piɔn de riiŋ, ku ne piɔn de raan, ake dhieth ne Nhialic.

Welpiath ci Jɔn cithiei ke gɔɔr 16:33

Keekake aacake lɛk week, ya bak naŋ dɔɔr ne ayic. Piny nom aye we naŋ ka ye we dhal: ku yaka piɔth miɛt; an ci piny tiam nom.

Welpiath ci Jɔn cithiei ke gɔɔr 3:3

Go Yecu dhuk, Ye yin ya yɔɔk neyic, Ya na ci raan bere dhieth, e kace ceŋ de Nhialic leu ne ŋem.

1 Korinthoi 15:57

Eewuubi lɛc ya tɔ ke Nhialic, man ye wɔ yiɛn tiɛm ne Yecu Kritho Bɛnydiitda.

1 Jɔn 2:29

Na yaka nyic ke lajik, ke nyiɛcka eya raan ebɛn ye lajik loi ee ye dhieth ne yen.

1 Jɔn 3:9

Raan ebɛn ci dhieth ne Nhialic ee ciɛn rɛɛc ye loi, ne ke yen kɔthden ye tɔ ke ye: ku cii rɛɛc ye leu, ne bɛn e bii yen enɔŋ Nhialic.

1 Jɔn 4:4

We ye ka ke Nhialic, miththiicie, ku kaacak tiam: ne ke dit en yen man tɔ ne weyic, awɛr en yen man ye tɔ ne piny nom.

1 Jɔn 5:1

Raan ebɛn ye Yecu gam ye kee Kritho aye dhieth ne Nhialic: ku raan ebɛn ran ye medhieth nhiar, ee ke ci dhieth nhiar eya.

1 Jɔn 5:18

Ayuku nyic raan ebɛn ye dhieth ne Nhialic ace kerac ye loi; ku yen man ci bɛn bei enɔŋ Nhialic aye muk, ku kacii jɔŋ rac ye jak.

1 Jɔn 5:5

Ku yeŋa ye ka ke piny nom tiam, cie ran ye gam ye Yecu ee Wen de Nhialic?

Nyooth 12:11

Ku kee tiamki ne riɛm de Nyɔk ku ne wɛt de lekden; ku cik piirden ye nhiar agut thou.

Nyooth 15:2

Ku ŋɛm ke cit bar de mandar ci liap ke mac; ku kɔc ci lɛi tiam, kene kecithɔɔŋde, ku cin de rinke, ke kek kaac ne bar de mandar lɔɔm, e ke muk thoom ke Nhialic.

Nyooth 2:11

Ran nɔŋ yith, ke ne piŋ ke lekne Jɔŋdit lek kanithaai. Ran bi ya tiam aci bi bɛɛr cɔk tok ne thon de rou.

Nyooth 2:17

Ran nɔŋ yith, ke ne piŋ ke lekne Jɔŋdit lek kanithaai. Ran ye tiam, yeneka ba yiɛn mana ci thian, ku kaba yiɛn kuur ɣer, ku gar rin jot ne kuur kɔu, rin cin ke bi ke nyic aye yen man ye ke loom.

Nyooth 2:26

Ku ran ye tiam ku ran ye dhiac ne luɔidieic athɛɛr, yeneka ba yiɛn riɛr ne juɔr nom:

Nyooth 2:7

Ran nɔŋ yith, ke ne piŋ ke lekne Jɔŋdit lek kanithaai. Ran ye tiam, yenekee ran ba cɔk ye cam ne tim de piir, tim ye tɔ ne Paradeitho de Nhialicic.

Nyooth 3:12

Ran bi tiam aba cɔk ye meen de luaŋ de Nhialinydie, ku cii beer kan ya lɔ biyic thin, ku rin ke Nhialinydie aabake gaar ne yekɔu, ku rin ke pan de Nhialinydie, Jeruthalem jot, man bi bɛn piny nhial enɔŋ Nhialinydie, ku gaar rin jotcie.

Nyooth 3:21

Ran ye tiam, aba cɔk nyuc kene ɣɛn ne thonydie nom, ci man e can tiam eya, ku nyuɔɔc ne thony de Wurdie nom wɔne yen.

Nyooth 3:5

Ran ye tiam abi ya piɔth yala ne alath ɣer; ku rinke aacaake bi kan cuɔth wei ne kitap de piiric, ku rinke aabake gam ne Awa nom, ku ne malaikaike nhiim.