1 Jɔn 3:24 - Lek Jot de Jecu Kritho 1940

²⁴ Ku ran ye looŋke tiit ee ceŋ ne yeyic, ku ceŋ ne yeyic. Ku kayuku nyic ne ekene ke ye ceŋ ne wɔyic, ne Jɔŋdiite man ci yiɛn wɔ.

1 Jɔn 3:24 ပူးပေါင်းရင်းမြစ်များ

Welpiath ci Jɔn cithiei ke gɔɔr 10:38

Ku na ya lui, ku cak ɣa cak gam, ke we yaka luɔi gam: bak ya nyic, ku bak ya gam, lan ye Awa tɔ ne ayic, ku ɣɛn ne yeyic.

Welpiath ci Jɔn cithiei ke gɔɔr 14:17

yenekee Jɔŋdiit de yith. Kɔc ke ka ke piny nom acik leu ne lɔm, acik ye ŋem, ku kacik ye nyic. Ku week, we eka nyic e. Ee ceŋ kene week, ku kabi ya tɔ ne weyic.

Welpiath ci Jɔn cithiei ke gɔɔr 17:21

bik ya ya tok kedhia; ci man yin tɔ ne ayic, yin Awa, ku ya tɔ ne yiyic, ku keek eya abi ya tɔ ne wɔyic: bii kɔc ke piny nom gam ke yin ci ɣa tuɔc.

1 Korinthoi 3:16

Kuɔcka ke we ye ya yekalu de Nhialic, ka kuɔcka lan ye Jɔŋdiit de Nhialic ɣap ne weyic?

1 Korinthoi 6:19

Ka, kuc ke guɔpdu ye ya yekalu de Jɔŋdiit Lajik, man ye tɔ ne yiyic, ke yaka loom nenɔŋ Nhialic? ku we cie ya kakuɔn:

2 Korinthoi 6:16

Ka ye luaŋ de Nhialic mat yede kene eidool? wɔ ye ya luaŋ de Nhialiny ye piir, ci man cene ye luel ne Nhialic, Ye ɣan bi ya ceŋ ne keyic, ku ya cath ne keyic, ku an bi ya ya Nhialinyden, ku kaabi ya ya jurdie.

1 Thethalonikei 4:8

Yen ran ye rɛɛc, acie raan guɔp e yee rɛɛc, ee ya Nhialic, man ye we yiɛn Jɔŋdiitden Lajik.

2 Timotheo 1:14

Ye kepiɛth e ci tau yi ye gel ne Jɔŋdiit Lajik man ye ceŋ ne wɔyic.

1 Jɔn 2:24

Ku week, cakka ke cak piŋ ɣɔn gɔle kaŋ ye ceŋ ne weyic. Na ye ke cak piŋ ɣɔn gɔle kaŋ ceŋ ne weyic, ke we bi ya ceŋ ne Wayic eya, ku ne Wunic.

1 Jɔn 2:3

Ku kayuku nyic ne yekene lan ye wɔ ye nyic, te ye wɔ looŋke loi.

1 Jɔn 2:5

ku ran ye wɛtde loi, yerane neyic acii nhiɛr de Nhialic ya yic ne yeyic. Yekene aye wɔ ye nyic lan ye wɔ tɔ ne yeyic:

1 Jɔn 2:6

ran ye ye luel ye ye ceŋ ne yeyic ee cath dhiil eya ci man e yen cath.

1 Jɔn 3:22

ku ke dɛ ebɛn ke yuku thiec, abuk ya loom enɔŋ en, te ye wɔ looŋke tiit, ku yuku kapiath ne yepiɔu loi.

1 Jɔn 4:7

Kaciek nhiarke, yuku roth nhiar: nhiɛr ee bɛn nenɔŋ Nhialic, ku raan ebɛn ran ye nhier ee dhieth ne Nhialic, ku ye Nhialic nyic.