1 Jɔn 2:29 - Lek Jot de Jecu Kritho 1940

²⁹ Na yaka nyic ke lajik, ke nyiɛcka eya raan ebɛn ye lajik loi ee ye dhieth ne yen.

1 Jɔn 2:29 ပူးပေါင်းရင်းမြစ်များ

Welpiath ci Jɔn cithiei ke gɔɔr 1:13

kɔc eke cike dhieth ne riɛm, ku ne piɔn de riiŋ, ku ne piɔn de raan, ake dhieth ne Nhialic.

Welpiath ci Jɔn cithiei ke gɔɔr 7:18

Ran ye jam ne ke de guɔpde ee nuɔmde kɔɔr: ran ye nuɔmde kɔɔr yen man ci ye tuɔc, yenekee ran yic, ku cin kerɛɛc tɔ ne eyic.

Dutuuc 10:35

ne juɔr ebɛn ran ye rieu ku ye kelajik loi, yeneka mit e epiɔu.

Dutuuc 22:14

Go jam, Ye Nhialiny de kuarkuɔ aci yi lɔc, ba ka ke piɔnde ya nyic, ku ba Toŋ Lajik ŋem, ku ba rorde piŋ ne yethok.

Dutuuc 3:14

We ci Toŋdiit Lajik rɛɛc, ku ran ci ran dɛ nɔk acak lɔŋ bi puɔl,

2 Korinthoi 5:21

Yen man e kuc rɛɛc aci cɔk ye rɛɛc ne keda, buk jal ya lɔjiŋ de Nhialic ne yeyic.

Eberuu 7:2

ku cii Abraɣam yiɛn biak de thiɛr ne kaŋ kedhia (ku kee ci kan ya Meleŋ de lajik, ci luel de rinke, ku jɔl ya Meleŋ de Thalem eya, ye ya Meleŋ de dɔɔr;

Eberuu 7:26

Yebɛnydiit de ka ke Nhialic yinlane ee piath enɔŋ wɔɔk, ku kee lajik, ku kee ciɛn awac, ku kee ciɛn acuɔl, ku kee rɔt ɣooc ne kɔc rac yic, ku kee cɔk war pan nhial.

Jakob 1:18

Ee wɔ dhieth ne piɔnde ne wɛt de yic, buk ya ciɛt akɔŋ ke ka cike cak.

1 Petero 1:23

week we man cike bɛɛr dhieth ne kɔth cie riak, acie kɔth ye riak, ne wɛt de Nhialic man ye piir ku ye ceŋ athɛɛr.

1 Petero 1:3

Eeyabi athiɛi bi ya tɔ ke Nhialic Wun de Bɛnydiitda Yecu Kritho. Ne kac diitden kɔc yen piɔu acene wɔ bɛr dhieth ne ŋath ye piir ne jon de Yecu Kritho cen rɔt jɔt ne thouic,

1 Petero 3:18

Ne ke ci Kritho kan gum eya ne kerac, gum Kelajik ne kɔc ce lajik, bi wɔ lar enɔŋ Nhialic; ku ci cɔk thou ne riiŋ, ku jɔl ya piir ne tiɛp:

2 Petero 1:4

Ku ci wɔ yiɛn kapiɛth ŋuan cike lɛk wɔ ne keekake, buk luɛl ci cil ne piny nom ne kɔr rɛɛc de kɔc piɔth ya leu ne dɛny, ku buk ya mat wɔ piɔn de Nhialic.

1 Jɔn 2:1

Miththiicie, keekake aayake gaar week, bak ciɛn kerɛɛc yaka loi. Ku na ye raan kerac loi, ke wɔ nɔŋ Dukuny e Wun nom, Yecu Kritho lajik: ku kee duwerda ne karɛckuɔ:

1 Jɔn 3:5

Ku kanyiɛcka ke ci tuɔl bi karac nyaai; ku kee cin rɛɛc enɔŋ en.

1 Jɔn 3:7

Miththiicie, ne cin ran ye we yec: ran ye lajik loi ee lajik, ci man yen lajik:

1 Jɔn 4:7

Kaciek nhiarke, yuku roth nhiar: nhiɛr ee bɛn nenɔŋ Nhialic, ku raan ebɛn ran ye nhier ee dhieth ne Nhialic, ku ye Nhialic nyic.

1 Jɔn 5:1

Raan ebɛn ye Yecu gam ye kee Kritho aye dhieth ne Nhialic: ku raan ebɛn ran ye medhieth nhiar, ee ke ci dhieth nhiar eya.

1 Jɔn 5:18

Ayuku nyic raan ebɛn ye dhieth ne Nhialic ace kerac ye loi; ku yen man ci bɛn bei enɔŋ Nhialic aye muk, ku kacii jɔŋ rac ye jak.

1 Jɔn 5:4

Ke ci dhieth e Nhialic ebɛn ee ka ke piny nom tiam; ku tiɛm ye ka ke piny nom tiam, ee ya gamda.

3 Jɔn 1:11

Ran nhiar, duk rɛɛc ye kaar, ye kapiath kaar. Ran ye kepiath loi ee ke de Nhialic; ran ye rɛɛc loi aken Nhialic ŋem.