1 Jɔn 2:15 - Lek Jot de Jecu Kritho 1940

¹⁵ Duɔka piny nom ye nhiar, ku ka tɔ ne piny nom. Na ye raan piny nhiar nom, ke nhiɛr e Wun ee liu ne yeyic.

1 Jɔn 2:15 ပူးပေါင်းရင်းမြစ်များ

Mathayo 4:8

Go durieth bɛɛr laar ne kuur baar areet nom, ku nyuth ceŋ de piny ebɛn, ku dheeŋden;

Mathayo 6:24

Acin ran ye ka ke bany keerou leu ne luɔi: abi tok ya maan ku nhiɛr tok, abi tok ya gam ku reec tok. We ce Nhialic leu ne lui ku weu.

Welpiath ci Luk cithiei ke gɔɔr 16:13

Acin awun ye bany keerou leu ne lui: abi tok ya maan, ku ye tok nhiar; kabi ya ceŋ ke tok, ku ye tok rɛɛc. We ci Nhialic bi ya luɔi ku weu.

Welpiath ci Jɔn cithiei ke gɔɔr 15:19

Ne we ye kɔc ke ka ke piny nom, e kee te ye piny kede nhiar: ku we cie kɔc ke ka ke piny nom, we ca lɔc bei ne piny nom, yeneka ye piny nom we maan.

Romai 12:2

Ku duɔka ka ke yepinye nom ye loi ne keeakolke: yaka wath ne jon ye nyinhduɔn jɔt, bak Nhialic a nyic piɔu ne them, piɔnden piath, ku piɔnden mit, ku piɔnden lajik.

Galatai 1:10

Ye kɔc e yake kuɛm nhiim, ka ye Nhialic? Ka ye bi kɔc piɔth ya miɛt e ya kɔɔr? Na ne ɣan ŋoot ke ɣan ye kɔc cɔk mit piɔth, e kee te caa ye ya awun de Kritho.

Epethioi 2:2

ka eke ye we ke cath thin ci caŋ de luɔi de yepinye nom, ne luɔi de bɛny de riɛr de aliir, de jɔŋ ye lui ne wɛɛt ke kɔc reec wel yic.

1 Timotheo 6:10

Nhiɛr de weu yenekee ya meei de keriɛc ye rac ebɛn, ke na ci kɔk ye cuɔp e ke ye yec wei ne gamic, ku cik roth wuɔɔm ne dhien kuɔt.

Jakob 1:27

Thɛk de Nhialic lajik ku ci col, ne Nhialinyda nom ku ye Awada, yeneke, ee bi abɛɛr ku diarjɔɔk ya neem te tɔ kek ne gaiic, ku kee cii rɔt bi ya cɔk col ne ka ke piny nom.

Jakob 4:4

We ye abɛɛl, kuɔcka ke maath de ka ke piny nom ye ya teer enɔŋ Nhialic? Yen raan ebɛn ye piɔu naŋ maath kene ka ke piny nom ee rɔt cɔk nɔŋ ater kene Nhialic.

1 Jɔn 3:17

Ran ye naŋ kapiɛth ke yepinye nom, ku ye manhe ŋem ne dak, ku ye yepiɔu wɛl wei enɔŋ en, ke nhiɛr de Nhialic ye tɔ ne yeyic yede?

1 Jɔn 4:5

Aaye ka ke piny nom; yeneka yi kek jam ci ka ke piny nom; ku ye ke piŋ ne piny nom.

1 Jɔn 5:10

Ran ye Wen de Nhialic gam abi ya naŋ lek: ran ci Nhialic ye gam ee Nhialic cɔk ye alueeth, ne ke ken en lek ci Nhialic ye lɛk ne Wende gam.