1 Jɔn 1:7 - Lek Jot de Jecu Kritho 1940

⁷ ku na yuku cath ne ɣɛɛric, ci man yen tɔ ne ɣɛɛric, ke wɔ ye mat ne roth, ku ye riɛm de Yecu Wende wɔ waak ne rɛɛc ebɛn.

1 Jɔn 1:7 ပူးပေါင်းရင်းမြစ်များ

Mathayo 6:12

Ye wɔ puɔl ne kanykuɔ, ci man ye wɔ kanykuɔ pal kɔc.

Welpiath ci Jɔn cithiei ke gɔɔr 1:29

Ɣɔn ne miakne go Jɔn Yecu ŋem ne bɔ enɔŋ en, ku jiɛm, Ye ŋɛmka Nyɔŋ de Nhialic ye karɛc ke kɔc ke piny nom nyaai.

Welpiath ci Jɔn cithiei ke gɔɔr 12:35

Go Yecu ke yɔɔk, Ye ɣɛɛr ee yuul ne weyic. Yaka cath, te tɔ ɣɛɛr ke we, kɛlke cuɔl bi we cooth: ran ye cath ne cuɔlic ee te yen lɔ kuc.

Welpiath ci Jɔn cithiei ke gɔɔr 5:4

Ku malaika kee lɔ piny ku le wɛric ne akol kɔk, ku mɛɛk piu; ku ran ci kan kɛɛc ne piu yic te mɛɛk en piu ee dɛm ebɛn ne benyden ye tɔ ke ye.

Romai 13:12

Wɛɛr ee duɔr lɔ, ku piny alɔ ke run; yen cuɛtku ka cool yuuke loi wei, ku piothku kan weeth de kum de roth de ɣɛɛr.

1 Korinthoi 6:11

Ku kɔk ke week akee yineya, ku we we ci waak, ku we we ci cɔk lɔcar, ku cɔk we lajik ne rin ke Bɛnydiitda Yecu Kritho, ku ne Jɔŋdiit de Nhialinydaic.

Epethioi 1:7

Ye yen man ci wɔ naŋ wɛr ne riɛmde, ku pɛl de karɛckuɔ, ne baany de athiɛide,

Epethioi 5:8

ne ke ci we kan ya cuɔl, ku cak bɛɛr ɣɛɛr ne Bɛnyditic emane: yaka cath ci mith ke ɣɛɛr,

1 Timotheo 6:16

ye ya toŋ ye tɔ athɛɛr, ku ye ceŋ ne ɣɛɛr cie leu ne ɣetic, man cin ran cie guɔ ŋem, ku kacie leu ne ŋem: eeyabi rieu ku riɛr athɛɛr ya tɔ kene yen. Amen.

Tito 2:14

man ci rɔt gam ne wɔɔk, bi wɔ waar te de rɛɛc ebɛn, ku cɔk kɔc lɔcar kɔc ye kɔckeek ke ceŋde, ye kok ne luɔi piath.

Eberuu 9:14

ke riɛm de Kritho, man ci rɔt gam ne Jɔŋdiit ye ceŋ athɛɛr, mioc rɔt Nhialic te cin acuɔl, cii nyinyduɔn de piɔu bi ya waak ne luɔi ci thou bak Nhialiny ye piir ya luɔi?

Jakob 1:17

Miɔc piath ebɛn ku miɔc lajik ebɛn aye bɛn nhial, ku kaye bɛn nenɔŋ Wun de ɣɛɛr, man ci ɣoc ye leu, ku cii rɔt ye wel ne tiɛpic.

1 Petero 1:19

ee riɛm nhiar, ci riɛm de nyɔŋ cin tewacrɔt ku cin buŋ thin dɛ, ee riɛm de Kritho:

1 Jɔn 1:3

ke e cuk ŋem ku piŋku, yeneka yuku nyuɔth we eya, bak ya mat wene wɔɔk eya: ee yic, ku manda ee tɔ ke Wun, ku Wende Yecu Kritho:

1 Jɔn 1:5

Ekene yenekee thon cuk piŋ enɔŋ en, ku yuku lɛk we, wuu Nhialic ee ɣɛɛr, ku kacin cuɔl thin tɔ ne eyic.

1 Jɔn 5:6

Yenekee ci bɛn ne piu ku riɛm, ye Yecu Kritho; ku kacie piu kepɛc, kaye piu kene riɛm.

1 Jɔn 5:8

Yen duleek aatɔ keediak nhial, Wun, ku Wa, ku Jɔŋdiit Lajik: ku kaamat keediak netok. Ku duleek aatɔ keediak ne piny nom, Jɔŋdit, ku piu, ku riɛm: ku yediaŋe ee mat netok.

2 Jɔn 1:4

An mit piɔu areet ne ke can mithkuk kɔk yok e ke ye cath ne yith yic, ci man ci wɔ loŋ loom enɔŋ Wun.

3 Jɔn 1:4

An ee ken piɔu kan lɔyum ci emane te piɛŋ an mithcie ne ye cath ne yicic.

Nyooth 1:5

ku tenɔŋ Yecu Kritho, man ye duleŋ nɔŋ adot, ku ye ya wɛnkaai de kɔc ye thou, ku ye ya medoŋ de meleek ke tiɔp nom. Eeyabi nuɔm ku ceŋ bik ya tɔ kene yen athɛɛr wada, yen man ye wɔ nhiar, ku ci wɔ lony ne rɛɛcda ne riɛmde,

Nyooth 12:11

Ku kee tiamki ne riɛm de Nyɔk ku ne wɛt de lekden; ku cik piirden ye nhiar agut thou.

Nyooth 7:14

Guɔ yɔɔk, Ya bɛnydie, anyic. Go ɣa yɔɔk, Ye keekake aake bɔ bei ne dhien diit de piɔuic, ku wakki alathken, ku cɔkki ke ɣer ne riɛm de Nyɔk.