TITO 3:9 - Lengua Sur (Enxet) Nuevo Testamento

⁹ Wánxa agkok, néwhánekxoho aksa exchep ektémakxa nak elenmexamaxche apkelpakmeyesma énxet'ák ektaha nak amya'a ekyéháxma, nágyeyxho nahan ma'a amya'a kéltenneykha naksal'a apkelxénamap ẽlyepmeyp nano', tén han ma'a ektémakxa nak apkexpanchásamap énxet'ák, tén han ma'a ektémakxa nak elenmexamaxche apkelpakmeyesma énxet exének ektémakxa m'a Moisés segánamakxa apagkok nak. Cháxa aksok ektaha nak mékoho xa, méko nahan negásenneykxexa.

TITO 3:9 ပူးပေါင်းရင်းမြစ်များ

1 CORINTIOS 13:2

Ekxénchek agkok ko'o amya'a eñama nak Dios, ekya'ásegkok agkok nahan ma'a Dios apmopmenyého ektaha nak ekpowásamáxkoho, esenhan ma'a sekya'ásegko enxoho ekyókxoho aksok, yetneyk agkok may'áseyam ko'o ekmowána nak kaltakhésha xóp elekhaheyak elyawe nak, wánxa agkok, méko eyke katnehek seyásekhayo, mékoho atnehek ko'o.

1 CORINTIOS 8:1

Kaxwo' peyk axének ko'o ektémakxa m'a nento kélmésol'a aksok kéleykmáseso. Nakso' ektémakxa nak cha'a amya'a s'e: negyókxoho yetnak negko'o negya'ásegwayam ektaha nak ekmámnaksoho; wánxa agkok, hegyánchesesagkohok eyke negeymáxkoho xa negya'ásegwayam nak, keñe m'a nelásekhamaxkoho nak kayánchesamhok cha'a senteméseso mólchexeymáxkoho.

1 TIMOTEO 4:7

Nágyeyxho aksa exchep kéltenneykha amya'a eñama nak keso náxop, tén han ma'a amya'a ekyéháxmal'a. Eltámesap xép ma'a nentémakxal'a nempagkanchásamáxche Dios.

2 TIMOTEO 2:14

Elya'asásegwakxoho énxet'ák se'e, eltennés nahan nápakto' Dios, yána elwátésagkok apkelátegmomap apkelxeyenma m'a ektémakxa nak amya'a. Yawanchek hempasmok xa nelátegmomaxche nak. Kanaktawasha aksa cha'a m'a énxet'ák ektahakxa enxoho apháxenmo xa amya'a nak.

2 TIMOTEO 2:16

Néwhánekxoho aksa exchep ektémakxa nak apkelpakméteykha aksa énxet'ák, ektaha nak mékoho, hakte kayágwomhok agko' cha'a apteme melya'asáxma énxet apteme nak apkelpakmeyesma xa ektaha nak.

2 TIMOTEO 2:23

Néwhánekxoho aksa exchep ektémakxa nak elenmexamaxche apkelpakmeyesma énxet, cham'a ektaha nak amya'a ekyéháxma, tén han ekteme mékoho; apya'ásegkok xép katekkeshok cha'a nelenmexamaxche xa.

TITO 1:14

yakwayam enxoho nahan megyeyxók ma'a apkelyeykháseykegkoho nak aksok apxeyenma énxet'ák judíos, tén han megyeyxók apkeltamhókxa etnehek ma'a énxet'ák memáheyo nak yeyxhók ma'a amya'a ekmámnaksoho nak.

SANTIAGO 4:1

¿Háxko eñamakxa m'a kélenmexamaxche nak? ¿Háxko nahan eñamakxa m'a apkelátegmomap nak énxet'ák kélnepyeseksa kéxegke? Cha'a keñamak ma'a ekmaso nentémakxa nak, ennapmáxkohol'a cha'a ekpakméteykha egwáxok.