TITO 2:3 - Lengua Sur (Enxet) Nuevo Testamento

³ Hawók nahan ma'a kelán'ák elwányam nak, kéméxchek katnahagkok ma'a ektémakxal'a kelán'ák ekteme nak eyáyo Dios. Megkatnehek ma'a eltennágwayam aksa nak nátegma ekmowána amya'a, megkatnehek nahan ma'a anmenáto nak, kéméxchek kaxekmóshok ektakmela ektémakxa námokkok,

TITO 2:3 ပူးပေါင်းရင်းမြစ်များ

ROMANOS 1:29

Yeykhágweykmók apkeláneyak ma'a apkeltémakxa megkapéwomo nak, apkeltémakxa ekmanyása, apkeltémo eyeykhasakpohok aksok, tén han ekmaso apkeltémakxa. Apteme nahan apkelyásekkáseykha, apchakhe pók, apkelenmexamap, apkelyexancháseykha pók, apmopwána elanagkok aksok ekmaso, tén han aptekkesáseykha aksa apwesey pók.

ROMANOS 16:2

Kólahapmakha sat eñama ekteme Wese' egegkok apkeláneykha, ekhawo eyéméxchexa nak etnahagkok elyáxeg'a nentémo xamo' nak magya'áseyam, kólpásem sat ma'a ekyókxoho aksok eyéméxchexa enxoho, hakte apxámok axta énxet ekpasmo xa, epasmomchek axta nahan ko'o xa.

EFESIOS 5:3

Kéxegke kélteme nak Dios énxet'ák apagkok, megkatakmelak kólxének ma'a ekmaso nak nentémakxa mansexta xama enxoho, tén han ma'a mansexta ekmanyása nak, megkatakmelak nahan kólxének mansexta kélámenyéxa enxoho kóllának.

1 TIMOTEO 3:11

Hawók nahan ma'a kelán'ák apnakteyegka'a nak énxet'ák appasmeykha nak kéltamheykha kélakneykekxexa, kéméxchek nahan katnehek ekha kéláyo, háwe m'a eltennágwayam naksa nátegma, kéméxchek nahan katnehek ma'a ekmowána nak elaneykegkoho ektémakxa, tén han ma'a megkayenseyam nak elané ekyókxoho ektamheykha ektakmela.

1 TIMOTEO 3:8

Hawók nahan ma'a énxet ektaha nak appasmeykha kéltamheykha kélakneykekxexa, kéméxchek etnehek ma'a énxet ekha nak kéláyo, metnehek ma'a apmopwána amya'a nak, metnehek nahan ma'a apyeykhásamákpoho nak apya anmen, metnehek nahan ma'a ekmaso nak aptémakxa yepmenyéhok selyakye,

1 TIMOTEO 5:23

Ná eyen aksa wánxa yegmen, eyen sat nahan ketsék vino, hakte káskohok cha'a exchep apwáxok.

TITO 1:7

Enxet apteme nak apkemha apmonye kélakneykekxexa, elának cha'a m'a aptamheykha eñama nak Dios, ékeso eñamakxa eyéméxko nak etnehek ekpéwomo aptémakxa. Megkapayhawok etnehek ekyennakte apwáxok, megkapayhawok nahan etnehek ma'a ekmanyehe nak elwok, megkeyméxchek nahan etnehek ma'a anmenáto nak, metnehek nahan ma'a megyéso nak elwok, metnehek nahan ma'a ekmaso nak aptémakxa yepmenyéhok selyakye.

TITO 2:4

tén han kalxekmósek yakwayam kalásekhohok anakteyegka'a m'a kelán'a etkók ekha nak anakteyegka'a, tén han kalásekhohok ma'a étchek.

HEBREOS 5:12

Nano' axta kexaha eykhe kóltehek kéxegke kélxekmóso kélnámokkok, kéméxchek eyke kóltámesaxchek makham kéxegke nelxekmowásamáxche eñama Dios ekmanyehe nak agya'asagkohok, kélyelkáxkók kélagko' eyke kéxegke. Kéméxchek cha'a kólyenagkok weyke nam'agkok apyegmenek hakte megkólwanchek makham kóltók ma'a kélto ekyennakte nak.

APOCALIPSIS 2:20

Wánxa agkok, yetneyk eyke xama aksok sektaknawásesa exchep; cham'a apcha'awo nak ektahakxa kelán'a ekwesey nak Jezabel, ekxeyenma nak cha'a m'a eltenneykha nak ektaha eñama Dios, kelyexancháseyha eyke selásenneykha eñama m'a ektémakxa nak elxekmóso, kelánésegkek nahan ekmaso nentémakxa mansexta, keltémok nahan etawagkok ma'a nento kélméso nak kéleykmáseso.