TITO 1:9 - Lengua Sur (Enxet) Nuevo Testamento

⁹ Kéméxchek meyensemek ma'a amya'a ekmámnaksoho nak, cham'a kélxekmósama axta, yakwayam enxoho nahan yepwának elwaskakkásekxohok apnámokkok, yetlo m'a nelxekmowásamáxche ektakmela nak, yakwayam enxoho anhan ellekwomhok énxet'ák apkelxeyenma nak ektaha megkamámnaksoho m'a amya'a nak.

TITO 1:9 ပူးပေါင်းရင်းမြစ်များ

LOS HECHOS 18:28

Apchátegmowágkek axta cha'a Apolo énxet'ák judíos apkelpeywa, ékeso eñamakxa megkapwagko axta exének ektaha megkamámnaksoho énxet'ák judíos ma'a aptahakxa axta appeywa Apolo, wánxa axta aksa apxéna Apolo m'a ekyetnama nak eknaktáxésamaxche yakwayam exekmósek Jesús aptaha Mesías.

1 CORINTIOS 14:24

Kélyókxoho agkok kéltennáha kéxegke m'a amya'a eñama nak Dios, aptaxnegwokmek agkok nahan ma'a énxet metné nak mey'áseyam Dios, esenhan ma'a meyke kélxekmóso nak, kaxénwakxohok sat apwáxok aptémakxa mey'asáxma, apkeláneykekxoho apagko' sat etnehek apwáxok apleg'a enxoho kéltahakxa kélpeywa kélyókxoho kéxegke.

1 TESALONICENSES 5:21

Kóltakmelchesho sekxo' cha'a kélyekpelchágweykmoho ekyókxoho amya'a ekxénamaxche nak ektaha eñama Dios, kólma cha'a m'a ektakmelakxa enxoho.

2 TESALONICENSES 2:15

Elyáxeg, kóllenxanmoho kélwaskápeykekxoho, nágkalwagkamák aksa nentahakxa axta nelxekmóso kéxegke, tén han ma'a nentahakxa axta negapháseso weykcha'áhak.

1 TIMOTEO 1:10

tén han ma'a énxet'ák apkeláneyak nak ekmaso nentémakxa mansexta, tén han ma'a énxet'ák aphésamo nak apkeltémakxa kelán'a, tén han ma'a énxet'ák apkexeykekxa nak apnámokkok aptegyeykekxa selyakye yakwayam kóltemésesha aksa, tén han ma'a énxet'ák apkelmopwancha'a amya'a nak, tén han ma'a énxet'ák apteméseso nak ekmámnaksoho m'a amya'a megkamámnaksoho nak, cham'a énxet'ák apkeláneykegkohol'a m'a enmexma nak nelxekmowásamáxche ekmámnaksoho nak.

1 TIMOTEO 1:15

Nakso' agko' se'e, kéméxchek nahan magya'ásók negyókxoho: cham'a apwaya axta Cristo Jesús keso náxop yakwayam elwagkasek teyp énxet'ák melya'asáxma nak, ko'o eyke sekteme sémha emonye may'asáxma nepyeseksa apyókxoho énxet'ák.

1 TIMOTEO 4:9

Ekmámnaksoho agko' se'e, kéméxchek magya'ásók negyókxoho nak.

1 TIMOTEO 6:3

Yetneyk agkok énxet apkelxekmóso m'a nelxekmowásamáxche mók ektémakxa nak, megkaxnémo enxoho ekxeyenma apwáxok se'e ektémakxa nak negko'o nelxekmowásamáxche ektakmela eñama nak Wese' egegkok Jesucristo, cham'a megkaxnémo nak han apwáxok ektémakxa nak negko'o nelxekmowásamáxche eñama s'e negyetlama nak ektémakxa nelpeykesamo Dios,

2 TIMOTEO 1:13

Etlaw xép ma'a nelxekmowásamáxche ektakmela apxaka axta eñama ko'o, neylwatés nahan apteme mey'áseyam, tén han ma'a ektémakxa nak nelásekhamaxkoho ekyetna nak negko'o eñama negyepetcheyo Cristo Jesús.

2 TIMOTEO 2:2

Eltennés sat yakwánxa etnahagkok apkeltamheykha m'a énxet'ák kélayókxa nak, apmopwána exekmósek apnámokkok, cham'a sektahakxa axta sekpeywa apleg'a exchep nápakta'awo' apyókxoho énxet'ák.

2 TIMOTEO 2:25

tén han egkések appeywa yetlo megkeymáxkoho apwáxok ma'a énxet'ák sẽlenmexeykha nak, eleyxmakha aksa elyakmagkasesek apwáxók Dios, tén han elyekpelchásesamhok ma'a amya'a ekmámnaksoho nak,

2 TIMOTEO 3:14

Wánxa agkok, ewaskápekxoho étlók xép ma'a nelxekmowásamáxche eltámeka axta exchep, cham'a aptemésesa nak xép ekmámnaksoho. Apya'ásegkok xép ektaha nak elxekmóso xa nelxekmowásamáxche nak.

2 TIMOTEO 4:3

Hakte kammok sat ekhem yakwánxa etaknawágwók énxet'ák ma'a nelxekmowásamáxche ektakmela nak, eyánchesagkohok sat ma'a apmáheyókxa nak etnahagkok, cham'a apkeltémakxa apancha'awo nak, etegyagkok sat apxámokma m'a énxet apkelxekmósamol'a apnámokkok, yakwayam kólxekmósek wánxa m'a apmáheyókxa nak eleyxhok xa énxet'ák nak.

TITO 1:11

Tásek megkólhok elpakmétek xa énxet nak, hakte apkelya'asegkek cha'a exma apteme melya'áseyam énxet, elxekmósek cha'a m'a megkeyméxko nak eykhe kólxekmósek, yakwayam enxoho étak selyakye yetlo ekmaso apkeltémakxa.

TITO 2:1

Apkeltennáha agkok xép, kéméxchek cha'a exnéshok apkeltenneykha m'a ektémakxa nak nelxekmowásamáxche ektakmela nak.

SAN JUDAS 1:3

Elyáxeg selásekhayo, awanhek axta ko'o sekmamenyého atáxésesek kéxegke yakwayam altennaksek ma'a ektémakxa nak nelwagkásamáxche teyp ekyetna nak kéxegke, tén han se'e ekyetna nak ko'o xa. Ekwet'ak eyke kaxwo' eyéméxko atáxésesek kéxegke, yakwayam enxoho wának kóllenxanmohok kéllané m'a eñama nak magya'áseyam, cham'a kéltemésesama nak xama kélmeyáseyak ektaha nak Dios énxet'ák apagkok, meyke teyp.

APOCALIPSIS 2:25

Kóltakmelches ma'a kéltémakxa nak cha'a kéxegke ekwokmoho sekwakto ko'o.

APOCALIPSIS 3:11

Kaxwo' sat awata'. Etakmelches xa aptémakxa nak cha'a, yakwayam enxoho méko keymentók ma'a aksok apxawé naksa nak xép.

APOCALIPSIS 3:3

Kaxén apwáxok ma'a nelxekmowásamáxche kélxekmósa axta exchep; néyensem aksa xa, eyakmagkas apwáxok ey'ókxa m'a Dios. Apténawok sat agkok xép, máxa apmenyexma sat atnehek ay'ótak xép neyseksók melhaxneykha.