TITO 1:4 - Lengua Sur (Enxet) Nuevo Testamento

⁴ Tito, ektáxésesek xép se'e weykcha'áhak nak, xép aptaha nak ekmámnaksoho hatte eñama s'e ektémakxa nak nenteme magya'áseyam egkánet nak. Emenyék ko'o etnehek apméso naksa Dios Egyap, tén han Jesucristo segwagkasamo nak teyp ma'a ektémakxa nak segemleykekxoho, tén han ma'a meyke ektahakxa apwáxok xép.

TITO 1:4 ပူးပေါင်းရင်းမြစ်များ

SAN LUCAS 2:11

Sakhem apteyekmok David apchókxa m'a yakwayam nak etnehek apmasma kéxegke, cham'a aptaha nak Cristo m'a, aptaha nak Wese' egegkok.

SAN JUAN 4:42

Entahak axta amya'a eyáneyáxko kelán'a s'e: —Magya'ásekmok kaxwo' negko'o, háwe ekwánxa agkok magya'ásekmo m'a ektahakxa exchek sẽltennaseykekxa exche', hakte negko'o egagko' nahan nenleg'ak kaxwo' aptahakxa appeywa, magya'ásekmok nahan aptaha nakso' agko' apkelwagkaso teyp énxet'ák keso náxop.

ROMANOS 1:12

yakwayam enxoho nahan ólyáteyaxkoho' eñama xa megkólya'áseyam ekyetna nak kéxegke, keso ekyetna nak han ko'o xa.

2 CORINTIOS 12:18

Tito axta eltamhok ko'o etnehek meyk'a kéxegke. Eltamhok axta anhan étlók xama egyáxeg. ¿Apnaktawásegkok enxoho axta eykel'a kéxegke Tito? ¿Háweya ekmámnaksoho ekhawo mók negko'o nentémakxa egkánet nak, tén han ekhawo negko'o mók egwáxok?

2 CORINTIOS 2:13

Wánxa agkok, yetnakha'awók axta eyke ewáxok, hakte axta ót'ak egyáxeg Tito. Ekeso eñamakxa selpeykásegkakxoho axta énxet'ák sekmeyákxo m'a Macedonia.

2 CORINTIOS 4:13

Temék eknaktáxésamaxche weykcha'áhak se'e: “Yetneyk axta ko'o may'áseyam, ékeso eñamakxa sekpakmeta axta.” Hawók nahan negko'o xa ektémakxa ekxeyenma egwáxok ekyetna xa magya'áseyam nak, magya'ásekmok cha'a, neltenneykha nahan cha'a.

2 CORINTIOS 7:6

Wánxa agkok, ẽlwaskakkásekxók axta negko'o Dios, aptaha nak cha'a apkelwaskakkáseykekxoho énxet'ák elleklágwayam nak, axta ẽlwaskakkásekxohok negko'o Dios ma'a apwa'a axta Tito.

2 CORINTIOS 8:16

Ekmések ko'o ekpayheykekxa ewáxok Dios, hakte apheyásók axta mók ekxeyenma egwáxok negmáheyo ampasmok kéxegke, ko'o, tén han Tito.

2 CORINTIOS 8:23

Ewanchek ko'o axének Tito aptaha sekxegexma, aptaha anhan sektamheykha xamo' yakwayam ampasmok kéxegke. Ewanchek nahan axének ko'o m'a apkánet ẽlyáxeg'a ektaha axta eláphaso kélakneykekxexa, cham'a, kélayókxa nak Cristo.

2 CORINTIOS 8:6

Ekeso eñamakxa neltamho axta negko'o Tito yánchásekxak kélnepyeseksa kéxegke xa aksok kélmeso nak Dios, ektaha nak ektakmalma agko', ektaha axta anhan apmonye apcháncheseykekxa.

GÁLATAS 2:3

Axta anhan kólyateyeykegkohok Tito elának kélkahaso kélyenyekhamol'a egyempehek, cham'a Tito aptaha nak Griego sekxegexma ko'o.

GÁLATAS 3:26

hakte megkólya'áseyam Cristo Jesús keñamak kéltaha kélyókxoho kéxegke Dios apketchek,

GÁLATAS 3:28

Méko kaxwo' negyeykhamaxche egmók, megkeyxek nenteme enxoho judío esenhan griego, megkeyxek nahan nenteme enxoho negmomaxche esenhan ma'a magmomaxche nak, énxet esenhan ma'a kelán'a, hakte kélyókxoho kéxegke kélteme wánxa xama kélteme nak kélyepetcheyo Cristo Jesús.

EFESIOS 1:2

Dios Egyap tén han Jesucristo Wese' egegkok sat etnehek apméso naksa kéxegke m'a ektémakxa nak segemleykekxoho, tén han ma'a meyke ektahakxa egwáxok nak.

COLOSENSES 1:2

sektáxésesa weykcha'áhak ẽlyáxeg'a meyenseyam nak apkelyetlo Cristo, apheykha nak ma'a tegma apwányam Colosas, cham'a ektaha nak Dios énxet'ák apagkok. Dios Egyap sat etnehek apméso naksa kéxegke m'a ektémakxa nak segemleykekxoho, tén han egkések meyke ektahakxa kélwáxok eñama nak Dios.

1 TIMOTEO 1:12

Ekmések cha'a ko'o ekpayheykekxa ewáxok Wese' egegkok Jesucristo, aptaha axta segkéso sekyennakte, hakte xeyenmék axta apwáxok Dios mayensemek sektamheykha, etnésesek axta nahan ko'o apchásenneykha,

2 TIMOTEO 1:1

Ko'o Pablo, sekteme Jesucristo seykha amya'a apagkok. Dios apmopmenyého axta keñamak selapháseykencha'a ko'o, ekhawo m'a ektémakxa axta sempekkencháseykekxa appeywa Dios apxeyenma hegmések ekyennakte egnenyek ekyetna nak negko'o, eñama negyepetcheyo Cristo Jesús.

2 TIMOTEO 1:2

Xép Timoteo, aptaha nak hatte seyásekhayo, ektáxésesek xép se'e weykcha'áhak nak, seltamho etnehek apméso naksa Dios Egyap tén han Wese' egegkok Jesucristo m'a ektémakxa nak segemleykekxoho, tén han ma'a ektémakxa nak ektakmeleykha apwáxok henlano', tén han meyke ektahakxa apwáxok.

2 TIMOTEO 4:10

hakte eñókek aksa ko'o exakko' Demas apmahágko m'a tegma apwányam Tesalónica, hakte apchásekhayók ma'a aksok ekyetna nak keso náxop. Yókxexma Galacia axta eyke apmahágkok ma'a Crescente, keñe axta Tito apmahágko m'a Dalmacia.

TITO 1:3

Elya'asásegwokmek eyke kaxwo' negko'o Dios keso negwánxa nak, cham'a ektémakxa nak appeywa, eñama m'a kéltenneykha nak tásek amya'a, cham'a seyánémaxko axta anhan ko'o xa altennaha, eñama apkeltémo m'a Dios segwagkasamo nak teyp.

TITO 2:13

neyseksa nelhaxanma katnehek ma'a aptémakxa axta sempekkencháseykekxa appeywa Dios ektaha nak ektakmela: cham'a apkexyekmo sat Dios egagkok yetlo apcheymákpoho, cham'a aptaha nak Jesucristo segwagkasamo teyp.

2 SAN PEDRO 1:1

Ko'o Simón Pedro sekteme Jesucristo apchásenneykha sekteme nahan seykha amya'a apagkok. Kéxegke ektáxesásak se'e weykcha'áhak nak, kéxegke ekyetna nak megkólya'áseyam ektakmela agko', ekhawo s'e ekyetna nak han negko'oxa, hakte ekpéwomo aptémakxa m'a Jesucristo segwagkasamo nak teyp, aptaha nak Dios egagkok.

2 SAN PEDRO 1:11

Sat kañék kélhayo kólántexek kéxegke yetlo kélapeykha m'a aptémakxa nak wese' apwányam megkatnegwayam enéxa m'a Wese' egegkok Jesucristo segwagkasamo nak teyp.

2 SAN PEDRO 2:20

Hakte apcha'awók agkok makham ekmákxo apwáxok aksok ekmaso m'a énxet apkelya'áseykegkoho axta Wese' egegkok Jesucristo aptaha segwagkaso teyp, cham'a énxet'ák apkelwáteséyak axta apkeláneyak nentémakxa ekmanyása ekyetna nak keso náxop, kayágwomhok agko' nahan apkeláneykekxa apkeltémakxa ekmaso, megkaxók ma'a sekxo' axta.

2 SAN PEDRO 3:18

Wánxa agkok, emenyék ko'o kólya'ásegwomhok ektakmela agko' ma'a Wese' egegkok Jesucristo segwagkasamo nak teyp, tén han seyámenyého kólyánchesagkohok kélma kéxegke m'a segásekhayo eñama nak Wese' egegkok. ¡Apcheymákpoho sat cha'a kóltemésesek Wese' egegkok keso kaxwo' nak, tén han megkatnegwayam enéxa! Katnahagkok sat.

2 SAN PEDRO 3:2

Kaxénwakxoho kélwáxok ektémakxa axta apkelxeyenma énxet'ák ektaha axta apkellegaso Dios appeywa apkelpagkanamap nano' axta, kaxén nahan kélwáxok ma'a apkeltémókxa nak antehek Wese' egegkok segwagkasamo nak teyp, cham'a apkelxekmósama axta kéxegke énxet'ák seykha amya'a.

1 SAN JUAN 5:14

Magya'ásekmok negko'o Dios, hakte negya'ásegkok negko'o megkatnehek megyaháxenmo Dios aksok nelmaxnagko, cham'a eyakhawo enxoho nelmaxnagko ektahakxa apmopmenyého.

SAN JUDAS 1:3

Elyáxeg selásekhayo, awanhek axta ko'o sekmamenyého atáxésesek kéxegke yakwayam altennaksek ma'a ektémakxa nak nelwagkásamáxche teyp ekyetna nak kéxegke, tén han se'e ekyetna nak ko'o xa. Ekwet'ak eyke kaxwo' eyéméxko atáxésesek kéxegke, yakwayam enxoho wának kóllenxanmohok kéllané m'a eñama nak magya'áseyam, cham'a kéltemésesama nak xama kélmeyáseyak ektaha nak Dios énxet'ák apagkok, meyke teyp.