TITO 1:3 - Lengua Sur (Enxet) Nuevo Testamento

³ Elya'asásegwokmek eyke kaxwo' negko'o Dios keso negwánxa nak, cham'a ektémakxa nak appeywa, eñama m'a kéltenneykha nak tásek amya'a, cham'a seyánémaxko axta anhan ko'o xa altennaha, eñama apkeltémo m'a Dios segwagkasamo nak teyp.

TITO 1:3 ပူးပေါင်းရင်းမြစ်များ

SAN MARCOS 1:15

Aptahak axta apkeltenneykha s'e: “Wokmek kaxwo' ekhem ekxénamaxchexa nak katnehek, chágketwa'ak kaxwo' ma'a aptémakxa nak Wese' apwányam Dios. Kólyakmagkas kélwáxok, kólma yetlo megkólya'áseyam se'e amya'a ektakmela nak.”

SAN MARCOS 13:10

Ekyókxoho yókxexma sat kóltennaha xa amya'a segwagkasamo nak teyp amonye ektemegwánxa néxa ekhem.

SAN MARCOS 16:15

Aptahak axta apkeláneya s'e: “Kólmohok ekyókxoho yókxexma, kóllegés nahan apyókxoho énxet'ák se'e amya'a segwagkasamo nak teyp.

SAN LUCAS 1:47

Payhekxeyk ewáxok eñama m'a Dios aptaha nak Semasma.

LOS HECHOS 10:36

Apkelpakhetchesek axta Dios Israel aptawan'ák neptámen, apkeltennásek axta amya'a meyke ektahakxa egwáxok eñama nak Jesucristo, aptaha nak Wese' meyke ekhémo negyeseksa negko'o.

LOS HECHOS 17:26

“Xama énxet axta keñamak apxámaseykxo apyókxoho pók aptémakxa énxet, yakwayam enxoho esawhekxohok apheykha keso náxop; appekkenchek axta Dios ekwánxa ekhem néxa apheykha tén han ma'a yókxexma yakwánxa axta exmakha,

ROMANOS 15:19

tén han eñama elánamáxche m'a aksok magkenatcheso nak agweta', tén han ma'a sempelakkaso nak agweta', tén han eñama m'a Espíritu apkeñama Dios apmopwána nak. Cháxa ektahakxa axta seksawhawo ko'o selané sektamheykha seltenneykha amya'a segwagkasamo nak teyp eñama Cristo, axta eyeynawok ma'a Jerusalén, tén han ekyókxoho ma'a yókxexma nak, ekwokmoho yókxexma Iliria.

ROMANOS 16:25

Oltemésesek apcheymákpoho Dios, aptaha nak apmopwána etnésesek ekyennakte megkólya'áseyam kéxegke m'a ektémakxa nak tásek amya'a seltenneykha cha'a ko'o, tén han ma'a nelxekmowásamáxche ekxeyenma nak Cristo. Hawók ektémakxa aksok ekyexamaxche apkeláneykekxa axta Dios xa, cham'a senxekmósa axta, ekpowásamáxkoho axta cha'a nano' axta megkalánamáxchexa axta makham keso náxop,

ROMANOS 16:26

ẽlya'asásegwokmek eyke kaxwo' eñama apnaktáxeséyak ma'a énxet'ák ektaha axta apkellegaso Dios appeywa, ekhawo m'a apkeltémókxa nak katnehek Dios memassegwayam nak. Kélya'asásegwokmek axta apxámokxoho énxet apheykha náxop xa aksok ekyexamaxche nak apmáheyo elának Dios, yakwayam enxoho melya'áseme', tén han elyahakxohok ektémakxa.

ROMANOS 5:6

Xama axta magkegwagko negko'o ólwagkasaxchek teyp, apketsekkek axta Cristo ekyanmaga m'a énxet'ák elmasagcha'a nak apkeltémakxa, cham'a ekwokmo axta ekhem yakwánxa katnehek xa.

1 CORINTIOS 9:17

Elanak agkok ko'o sektamheykha eñama nak ma'a sekmáheyo ahagko' nak altennaha, payhawók aleyxek hegkések Dios ekyanmaga sektamheykha; elanak agkok ko'o sektamheykha eñama selyáteyeykegkoho, cháxa selana ko'o apkeltamhókxa alának Dios xa.

GÁLATAS 4:4

Xama axta ekwokmo ekhem, apcháphásek axta Apketche Dios, apteyekmo axta eñama kelán'a ektegkeso, apkelyaheykekxók axta m'a eltémókxa nak antehek Moisés segánamakxa apagkok.

EFESIOS 1:10

Dios sat yanchásekxak ekxámokxoho aksok ekhéyak nak néten tén han keso náxop, yakwayam katnehek wese' agkok ma'a Cristo ekhawo xa ektémakxa nak apmáheyo elának Dios. Katnehek sat xa ektémakxa nak aksok apmáheyo elának Dios, cham'a ekwokmo sat ekhem.

EFESIOS 2:17

Apwa'ak axta Cristo yakwayam hensókásegmak amya'a ektakmela eñamakxa nak meyke ektahakxa egwáxok negyókxoho nak, ekhawo nak han kéxegkáxa kélheykencha'a axta makhawók Dios, tén han ma'a énxet'ák apheykha axta keto' Dios.

FILIPENSES 1:13

Apyókxoho énxet'ák apheykha nak wese' apwányam apxagkok apkelya'ásegkok sekha ko'o sẽlpextétamakxa, eñama sekyetlo Cristo, apkelya'ásegkok nahan ma'a apyókxoho énxet'ák nak.

COLOSENSES 1:23

Cháxa keñamak eyéméxko nak kóltehek kéxegke kélwaskápeykekxoho eñama ekpasmo m'a megkólya'áseyam nak, meyke kélyenseyam ma'a kélhaxneykha ekyetna nak kéxegke eñama kéllegé m'a tásek amya'a kéltenneykha nak. Cháxa amya'a kéltenneykencha'a nak ekyókxoho yókxexma xa, sekpasmoma nak han ko'o xa ektémakxa kéltenneykha, ko'o Pablo.

COLOSENSES 1:6

Payhekxeyk nahan kaxwo' ekyókxoho yókxexma xa amya'a kéltennáseykencha'a axta kéxegke, tekkesesek nahan aksok eltakmela eleñama néten énxet'ák, ekhawo ektahakxa axta anhan kélnepyeseksa kéxegkáxa, cham'a sekxo' axta kélleg'a kéxegke ektémakxa segásekhayo Dios, cham'a kélya'ásegwokmo axta nahan ektaha ekmámnaksoho m'a ektémakxa nak segásekhayo Dios.

1 TESALONICENSES 2:4

Leyawók axta eyke apwáxok nentahakxa negko'o Dios, egásennakkek axta yakwayam anlegaksek tásek amya'a, cháxa nentahakxa nak neltenneykha. Magketámak negko'o m'a ekleklamókxa nak apwáxok antehek énxet, wánxa negketámak negko'o m'a ekleklamókxa nak apwáxok antehek Dios aptaha nak apkelanyo cha'a kañe' egwáxok.

1 TIMOTEO 1:1

Ko'o Pablo, sekteme Jesucristo seykha amya'a apagkok, sektaha nak han selapháseykha eñama apkeltémo Dios segwagkasamo nak teyp, tén han apkeltémo m'a Jesucristo Wese' egegkok, aptaha nak han negayókxa negko'o.

1 TIMOTEO 1:11

Cháxa nelxekmowásamáxche sẽlxekmósama nak tásek amya'a ektaha nak amya'a ektakmela xa, cháxa seyásennagkama nak ko'o Dios aptakmalma añeksek xa.

1 TIMOTEO 2:3

Cháxa ektakmela nak antehek xa, kalkohok nahan apwáxok Dios antehek xa.

1 TIMOTEO 4:10

Cháxa keñamak neltamheyncha'a nak negko'o xa, tén han nelwaskápeykxoho, hakte nentemék axta nengko'o negásenneykekxa m'a Dios memassegwayam nak, aptaha nak sẽlwagkaso teyp negyókxoho, ekyagwánxa agkok elwagkasek cha'a teyp ma'a énxet'ák apteme nak melya'áseyam.

2 TIMOTEO 4:17

Wánxa agkok, Wese' egegkok axta eyke epasmak ko'o, egkések axta sekyennakte, yakwayam enxoho wawának alenxanmohok seltenneykha tásek amya'a, tén han añeksek tásek amya'a m'a énxet'ák melya'áseyak nak Dios. Cháxa setnésesakxa axta semyawa Wese' egegkok keto' sekmatñamakxa xa.

TITO 2:10

Yána etnahagkok melmenyexeyák, tén han etnahagkok metnéseseykmohoxma aksok kélagkok, yakwayam enxoho étak apyókxoho énxet'ák ektaha ektakmela m'a ektémakxa nak nelxemowásamáxche eñama Dios segwagkasamo nak teyp, eñama ekwetamaxche apkeltémakxa xa énxet'ák nak.

TITO 2:13

neyseksa nelhaxanma katnehek ma'a aptémakxa axta sempekkencháseykekxa appeywa Dios ektaha nak ektakmela: cham'a apkexyekmo sat Dios egagkok yetlo apcheymákpoho, cham'a aptaha nak Jesucristo segwagkasamo teyp.

APOCALIPSIS 14:16

Apya'asakmek axta sawo ekhaxé apagkok náxop ma'a Dios apchásenneykha apha axta néten yaphopé, apkelmákxeyk axta aksok apnakxo keso náxop.