SAN MATEO 5:9 - Lengua Sur (Enxet) Nuevo Testamento

⁹ “Kéleñémo agko' kéxegke kéltaha nak kéltakmelchesáseykekxa apwáxók kélmók hakte Dios sat eltehek apketchek apancha'awók kéxegke.

SAN MATEO 5:9 ပူးပေါင်းရင်းမြစ်များ

SAN MATEO 5:45

keñe sat kóltehek kéxegke apketchek ma'a Dios Kélyap apha nak néten; hakte etekkeseshok cha'a ekhem ma'a énxet'ák elmasagcha'a nak apkeltémakxa, ekhawo nak han ma'a énxet'ák ektakmela nak apkeltémakxa, yapháseshok nahan cha'a mámeye m'a énxet'ák apkelpéwomo nak, tén han ma'a melya'asáxma nak.

SAN MATEO 5:48

Kólteme kéxegke kélpéwomo, ekhawo aptémakxa nak Kélyap Dios apha nak néten apteme appéwomo.

SAN LUCAS 20:36

kamaskok sat apkeletsapa, hakte exnágwakxohok sat Dios apkelásenneykha, Dios apketchek sat nahan etnahagkok eñama m'a apnakxétekhágwayam.

SAN LUCAS 6:35

Kéméxchek kéxegke kólásekhohok ma'a énxet'ák apkenmexeykha nak, kólxekmósho nahan kélásekhayo, kólmásesha nahan aksok kélagkok yetlo megkólhaxanma eyakmagkásekxak mók. Awanhek sat katnehek ekyakmageykekxa kéltaha enxoho xa, kóltehek sat kéxegke Dios meyke ekhémo apketchek, aptaha nak han apkelásekhayo m'a énxet'ák megkéso nak ekxeyenma apwáxók Dios, tén han ma'a elmasagcha'a nak apkeltémakxa.

LOS HECHOS 7:26

Mók ekhem axta entahak apwet'a makham Moisés apkelnápeykpo apkánet énxet'ák Israel. Aptahak axta apkeláneya apmoko elpeykesásekxak apwáxok se'e: ‘Kélyáxeg xamo' neykhe kéxegke; ¿yaksak ektaha kéltawásegkoho nak kélmók?’

ROMANOS 12:18

Kólenxánem cha'a kóltehek meyke kélenmexamaxche xamo' ma'a apyókxoho énxet'ák nak, cham'a kélewagkexa enxoho.

ROMANOS 8:14

Apyókxoho énxet ektaha nak appeykesáseyak Espíritu apkeñama Dios, Dios apketchek ma'a.

ROMANOS 8:16

Epetchekxak nahan eghagak xa Espíritu nak, yakwayam exének nentaha negko'o Dios apketchek.

ROMANOS 8:19

Kelpekhések kótak kólxekmósek aptaha nak Dios apketchek ma'a ekyókxoho aksok apkelané axta Dios.

1 CORINTIOS 6:6

Háwe ekwánxa agkok xa apkelnapmap nak ẽlyáxeg aptémo xamo' nak mey'áseyam, wánxa agkok apkelsókok eyke nahan cha'a apkelátegmomap nápakta'awo' ma'a énxet'ák segyekpelchémo metné nak mey'áseyam Cristo.

2 CORINTIOS 13:11

Elyáxeg, amonye selwateso, emenyék kólmok ektakmeleykha kélwáxok, kóllenxánem kóltehek ekpéwomo kéltémakxa. Kólwaskápekxoho, kólteme megkólchexeymáxkoho, kólteme anhan meyke ektahakxa kélwáxok; exek sat kélnepyeseksa kéxegke Dios aptaha nak eñamakxa segásekhayo tén han meyke ektahakxa egwáxok.

2 CORINTIOS 5:20

Negko'o nenteme nenxeyenma amya'a eñama nak Cristo, máxa cha'a katnehek ma'a Dios apagko' enxoho apkeltémo kóltehek kéxegke xa, eñama m'a nenxeyenma nak negko'o. Ekeso eñamakxa neltamho nak negko'o kólásekhekxohok Dios yetlo nenxeyenma apwesey Cristo.

GÁLATAS 5:22

Akke ektaha nak aptekkeso Espíritu s'e: nelásekhamaxkoho, ekpayheykekxa egwáxok, meyke ektahakxa egwáxok, mampekhésamaxche, negapeykha egmók, ektakmeleykha egwáxok, mantemeseseykmohoxma egmók,

EFESIOS 4:1

Ekmések ko'o sekpeywa kéxegke keso sekha nak kaxwo' sẽlpextétamakxa seltamho kóltehek kéxegke m'a eyéméxchexa nak antehek negko'o ektaha axta sẽlwoneykha Dios, ekhawo m'a ektahakxa axta apkelwónencha'a Dios kéxegke.

FILIPENSES 4:2

Eltamhok ko'o kaxhok mók awáxók Evodia tén han Síntique, cham'a nentémakxal'a anlának nentémo xamo' nak magya'áseyam Wese' egegkok.

COLOSENSES 3:13

Kólteme cha'a kéllenmáxamáxkoho aptemésesakxa enxoho kélmók, nágkólyakmagkásekxa aksa ekyetna enxoho megkaleklo kélwáxok aptahakxa kélmók. Ekhawo aptahakxa axta Wese' egegkok meyakmagkáseykxo kéltémakxa kéxegke, nágkólyakmagkásekxa nahan kéxegkáxa aptemésesakxa enxoho kélmók.

HEBREOS 12:14

Kóllenxánem kóltehek meyke ektahakxa kélwáxok nepyeseksa m'a apyókxoho énxet'ák nak, kólteme nahan kélpagkanchásamáxche Dios; hakte méko kawának kótak Wese' egegkok megkólpagkanchásexko enxoho Dios.