SAN MARCOS 7:3 - Lengua Sur (Enxet) Nuevo Testamento

³ (Apkelyetleykekxeyk axta apkeltémakxa apyepmeyk nano' ma'a énxet'ák fariseos tén han ma'a apyókxoho énxet'ák judíos, yakwayam enxoho metawagkek aptéyak melyenyesa enxoho sekxo' apmék, cham'a apkelánémakpexa axta etnahagkok cha'a.

SAN MARCOS 7:3 ပူးပေါင်းရင်းမြစ်များ

SAN MARCOS 7:13

Cháxa keñamak kéltemésesa mékoho m'a apkeltémókxa nak antehek Dios, eñama kélxekmowáseykekxa cha'a kélnámokkok ma'a kéltémakxa nak. Kóllának nahan cha'a ekxámokma aksok ekhawo nak xa.

SAN MARCOS 7:5

Axta keñamak apkelmaxneyeyncha'a axta énxet'ák fariseos Jesús xa, tén han ma'a énxet'ák apkelxekmóso nak apnámokkok ektémakxa segánamakxa. Aptahak axta s'e: —¿Yaksak ektaha métlawa nak apkeltámeséyak ma'a apkeltémakxa axta ẽlyepmeyk nano', aptókagkek aksa aptéyak yetlo elpeysamxoho apmék?

SAN LUCAS 11:38

Apkenatchesek axta énxet fariseo apwet'a melyenyesa apmék Jesús amonye yakwayam etwok apto.

SAN JUAN 2:6

Aphágkek axta seis meteymog yátegwáxwa m'a apkelyetmeykegkoho axta cha'a yegmen énxet'ák judíos apmeykha yakwayam elyenyeksek apyempe'ék. Cincuenta litros yegmen axta cha'a xama meteymog yátegwáxwa, setenta litros axta anhan cha'a kawomho'.

GÁLATAS 1:14

Ekyeykhágweykmok axta ko'o sekpeywomo xamo' sekyetlama m'a ektémakxa nak apkelpeykesamo Dios énxet'ák judíos, cham'a sektegeykegkoho xamo' axta, hakte ekyennaktésamaxkók axta ko'o sekmasma m'a apkeltémakxa axta elyepmeyk nano', axta kaxnók xa selxegexma'a nak.

COLOSENSES 2:8

Kólawho kéxegke: nágkólho aksa kamok kélwáxok kéxegke m'a apmáheyo nak elyexanchesha énxet'ák yetlo apchásenneykekxa m'a ektémakxa nak apkelya'áseyak megkamámnaksoho, hakte metnehek cha'a apchásenneykekxa Cristo xa énxet'ák nak, wánxa cha'a yásenneykxak ma'a apkeltémakxa nak énxet, tén han apchásenneykekxo cha'a m'a ektémakxa nak ekmowána aksok eláneykencha'a nak keso náxop.

1 SAN PEDRO 1:18

Hakte apkelwagkasek axta teyp kéxegke Dios neyseksa kélyetlo m'a kéltémakxa mékoho axta, cham'a apmeyáseykekxo axta kélyepmeyk nano' kéxegke; kélya'ásegkok eyke kéxegke megkólyanmagkasama xama aksok étsagkasamáxkohol'a m'a kélwagkásamáxche teyp nak kéxegke, cham'a sawo ekyátekto elyenma ekmomnáwa nak, tén han ma'a sawo ekmopé elyenma ekmomnáwa nak,