SAN MARCOS 13:3 - Lengua Sur (Enxet) Nuevo Testamento

³ Apkelmeyákxeyk axta egkexe Olivos natámen xa, payhawók axta apyetnamakxa tegma appagkanamap ma'a. Aphakmek axta Jesús ma'a néten egkexe nak. Keñe axta apkelmaxneyeyncha'a Pedro, Santiago, Juan, tén Andrés aptahakxa axta apxakko' Jesús,

SAN MARCOS 13:3 ပူးပေါင်းရင်းမြစ်များ

SAN MATEO 13:10

Apya'aweykxeyk axta Jesús apkeltámeséyak, aptahak axta apkelmaxneyeyncha'a s'e: —¿Yaksak ektaha apkeltennásencha'a nak énxet'ák aksok apyetcháseykekxoho?

SAN MATEO 13:36

Apkexakkek axta aksa Jesús énxet'ák aptaxnegwokmo kañe' tegma, cham'a apya'aweykxexa axta apkeltámeséyak apmahágkaxa, apkeltamhok axta epeykesásekxak ektémakxa apyetcháseykekxoho apxéna axta m'a menóke ekteyapma nak nepyeseksa hótahap.

SAN MATEO 17:1

Seis ekhem axta entahak ekyeykhe, keñe axta apnaklawa Jesús mók nekha Pedro, Santiago, axta nahan ma'a Juan, aptaha axta Santiago apyáxeg, axta apkelchenátchesakmok ma'a egkexe netno' axta.

SAN MATEO 21:1

Xama axta apkelágketchesekmo tegma apwányam Jerusalén, apkelwokmek axta nátegma ekwesey axta Betfagé, keto' axta egkexe Olivos ma'a, apkeláphásek axta Jesús apkánet apkeltámeséyak.

SAN MATEO 24:3

Apkelmeyákxeyk axta egkexe Olivos natámen xa. Aphakmek axta Jesús ma'a, apya'aweykxeyk axta apkeltámeséyak yakwayam elmaxneyha apxakko' ma'a. Aptahak axta s'e: —Egmenyék negko'o hẽltennaksek ekhem yakwánxa katnehek ma'a apxéna exchek. ¿Háxko sat katnehek magkenatcheso apkexyekmo sat makham xép, tén han ma'a ektemégwokmo sat néxa ekhem?

SAN MARCOS 10:35

Apkelmahágkek axta aphakxa Jesús Santiago, tén han Juan, aptaha axta Zebedeo apketchek. Aptahak axta apcháneya s'e: —Sẽlxekmóso, egmenyék negko'o hegmések ma'a peya nak ólmaxna'.

SAN MARCOS 13:4

apkeltamhok axta ey'asagkohok ekhem yakwánxa katnehek xa, apkeltamhok axta anhan ey'asagkohok yakwánxa katnehek aksok magkenatcheso agweta' peya enxoho katnehek xa.

SAN MARCOS 14:33

Apyentegkek axta Pedro, Santiago, tén han ma'a Juan. Awanhek axta elapwayam Jesús, teyekmek axta anhan apwáxok.

SAN MARCOS 4:34

Aksok apyetcháseykekxoho axta aksa cha'a apkeltennáseykha énxet'ák, keñe axta apkeltámeséyak eltennásekxók cha'a ektémakxa aptamhákxo enxoho apxakcha'awo'.

SAN MARCOS 5:37

Wánxa axta aksa apkeltamho étlók Jesús ma'a Pedro, Santiago, tén han Juan, aptaha axta Santiago apyáxeg.

SAN MARCOS 9:2

Apkenátweykxeyk axta Jesús xama egkexe natámen ekyeykhe seis ekhem, netno' axta m'a. Pedro axta aksa apyentamak, tén han ma'a Santiago, tén han ma'a Juan. Nápakta'awo' axta yakmagkasekmok aptémakxa Jesús ma'a.