SAN MARCOS 10:1 - Lengua Sur (Enxet) Nuevo Testamento

¹ Aptekkek axta Jesús tegma apwányam Capernaum, apmeyákxeyk axta yókxexma Judea, tén han ma'a yókxexma ekpayho nak ekteyapmakxa ekhem neyp wátsam Jordán. Apchaknákxeyk axta makham énxet apxámokma aphakxa Jesús, apkeltennáseyha axta makham énxet'ák ekhawo aptémakxa axta cha'a.

SAN MARCOS 10:1 ပူးပေါင်းရင်းမြစ်များ

SAN MATEO 26:55

Yetlókók axta apteme apkelmaxneyeykha Jesús énxet'ák se'e: —¿Yaksak ektaha kélsokmoho nak kéxegke sókwenakte tén han yámet selya'awa yakwayam helmok máxa énxet ekmaso aptémakxa eltemesásak? Yókxoho ekhem axta ko'o selxekmóso énxet kañe' tegma appagkanamap, axta nahan helmák kéxegke.

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

SAN MARCOS 1:21

Apkelwokmek axta tegma apwányam Capernaum. Aptaxnegwokmek axta Jesús tegma apchakneykekxexa judíos ekhem sábado, apkellókasamakxa axta apkelyampé énxet'ák judíos. Apkelxekmósek axta anhan énxet'ák.

SAN MARCOS 10:2

Nápakha fariseos axta apyo'ókmok Jesús yakwayam ékkónek, apkelmaxneyáha axta apwanchek kexaha eyenyók aptáwa énxet.

SAN MARCOS 12:35

Apkelxekmósek axta Jesús énxet'ák kañe' tegma appagkanamap. Aptahak axta apkelmaxneyeyncha'a s'e: —¿Yaksak ektéma apkelxeyenma nak énxet'ák apkelxekmóso nak apnámokkok ektémakxa segánamakxa Mesías aptaha David aptáwen neptámen?

SAN MARCOS 14:49

Yókxoho ekhem axta ko'o selxekmóso énxet kañe' tegma appagkanamap kélnepyeseksa kéxegke, axta anhan helmák kéxegke. Temék eyke yakwayam enxoho katnehek ma'a ektémakxa axta eknaktáxésamaxche weykcha'áhak.

SAN MARCOS 2:13

Apmeyákxeyk axta makham Jesús neyáwa wátsam ekpayhegwayam; apkelmahágkek axta énxet'ák aphakxa Jesús, keñe axta apkelxekmósa Jesús xa énxet'ák nak.

SAN MARCOS 4:2

Apkeltennáseyha axta Jesús ekxámokma amya'a apyetcháseykekxoho. Aptahak axta apkeltenneykha s'e:

SAN MARCOS 6:2

Xama axta ekwokmo ekhem apkellókasamakxa axta apkelyampé énxet'ák judíos, apkelxekmósek axta Jesús énxet'ák kañe' apchakneykekxexa judíos. Aptahak axta apkelpakmeta énxet apxámokma ekpelakkasa apkelwet'a s'e: —¿Háxko eltámegweykenxa ekyókxoho apya'áseyak xa énxet nak? ¿Háxko kexaha eñamakxa xa apya'áseyak nak, tén han xa apmopwána nak elának aksok sempelakkaso nak agweta'?

SAN MARCOS 6:34

Xama axta aptepa Jesús kañe' yántakpayhe, apwet'ak axta énxet apxámokma, apyósekak axta anhan apkelano xa énxet'ák nak, hakte máxa axta aptamheykegkok ma'a nekkések meykel'a eltakmelcheso; xámok axta aksok apkelxekmóso m'a.

SAN MARCOS 6:6

Apkenatchesek axta apwet'a Jesús metnaha melya'áseyam xa énxet'ák nak. Apweynchámeyha axta Jesús nátegma eyágketexa apkelxekmósama cha'a énxet'ák.

SAN JUAN 10:40

Apmeyákxeyk axta makham Jesús ma'a mók nekha wátsam Jordán ekpayho nak ekteyapmakxa ekhem, aphákxeyk axta m'a apyakpasáseykegkaxa axta yegmen Juan énxet'ák.

SAN JUAN 11:7

Keñe axta aptaha apkeláneya apkeltámeséyak Jesús se'e: —Olmeyekxak makham ma'a Judea.

SAN JUAN 18:20

Aptahak axta apchátegmowágko Jesús se'e: —Eltenneykha axta cha'a ko'o nápakta'awo' énxet'ák; Alxekmóshok axta anhan cha'a énxet'ák ma'a kañe' apchakneykekxexa nak énxet'ák judíos, tén han ma'a kañe' tegma appagkanamap, cham'a apchakneykekxexa nak cha'a apkelánamákpoho judíos; meyxamaxkohok cha'a ko'o sektémakxa nak cha'a sekpeywa.