SAN MARCOS 1:2 - Lengua Sur (Enxet) Nuevo Testamento

² ekhawo ektémakxa axta aptáxéso Isaías, aptaha axta Dios appeywa aplegaso, aptéma axta s'e: “Eyáphásek ko'o seykha amya'a ahagkok apmonye exchep, yakwayam enxoho elanaksek ámay.

SAN MARCOS 1:2 ပူးပေါင်းရင်းမြစ်များ

SAN MATEO 11:10

Juan axta m'a ektéma axta ekxeyenma eknaktáxésamaxche s'e: ‘Eyáphásek ko'o seykha amya'a ahagkok apmonye exchep, yakwayam enxoho elanaksek ámay.’

SAN MATEO 2:5

Aptahak axta apkelátegmowágko s'e: —Payhok ma'a Belén yókxexma Judea, hakte temegkek apnaktáxeséyak énxet aptaha axta Dios appeywa aplegaso s'e:

SAN MATEO 26:24

Katnehek sat aptaha nak Apketche énxet ma'a ektémakxa nak ekxeyenma eknaktáxésamaxche weykcha'áhak; wánxa agkok, sagkók agko' sat eyke katnehek kéllegasáseykegkoho m'a ektaha nak apkeltémo emakpok aptaha nak Apketche énxet. Tásek axta eykhe metyemek xa énxet nak.

SAN MATEO 26:31

Aptahak axta apkeláneya Jesús apkeltámeséyak se'e: —Kélyókxoho sat kamaskok kéltaha mehelya'áseyam ko'o keso axta'a nak. Hakte temegkek eknaktáxésamaxche weykcha'áhak se'e: ‘Wakhek sat ko'o keláneykha nekkések, keñe sat yexpaknek ma'a nekkések.’

SAN LUCAS 1:70

Cháxa apxeyenma axta Dios xa, eñama apkelxeyenma m'a énxet'ák apkellegaso axta appeywa, ektaha axta apkelpagkanamap,

SAN LUCAS 1:76

Xép hatte, eltamhakpok sat xép aplegaso appeywa m'a Dios meyke ekhémo nak, hakte exog sat apmonye Wese' egegkok yakwayam elanekxések ámay apagkok,

SAN LUCAS 18:31

Mók nekha axta apkelya'ásak Jesús doce apkeltámeséyak. Aptahak axta apkeláneya s'e: “Jerusalén kaxwo' nelmeyákxak, cham'a yakwánxa sat kasawhaxkohok katnehek ma'a ektémakxa axta apnaktáxeséyak énxet'ák ektaha axta apkellegaso Dios appeywa apxeyenma m'a aptaha nak Apketche énxet.