SAN LUCAS 9:51 - Lengua Sur (Enxet) Nuevo Testamento

⁵¹ Xama axta eyágketwokmo ekhem yakwánxa emyekxak néten Jesús, xénchek axta apwáxok emyekxak Jerusalén yetlo megyeye.

SAN LUCAS 9:51 ပူးပေါင်းရင်းမြစ်များ

SAN MARCOS 16:19

Kélya'ásekxeyk axta néten Jesús natámen apkelpakhetcheso apkeltámeséyak, aphákxeyk axta m'a ekpayhókxa nak apkelya'asamakxa Dios.

SAN LUCAS 12:50

Asagko' agko' sat ko'o katnehek seklegeykegkoho, eklegágkok ko'o kaxwo' nak, kawomhok sat ma'a ektemegwokmo sat néxa seklegeykegkoho.

SAN LUCAS 13:22

Apkelxekmósek axta Jesús énxet'ák nátegma apwánxa axta cha'a, tén han ma'a apheykegkaxa nak énxet, cham'a apmeyákxo axta Jerusalén.

SAN LUCAS 17:11

Axta appéwók Jesús apmeyákxo Jerusalén ma'a yókxexma Samaria, tén han ma'a yókxexma Galilea.

SAN LUCAS 18:31

Mók nekha axta apkelya'ásak Jesús doce apkeltámeséyak. Aptahak axta apkeláneya s'e: “Jerusalén kaxwo' nelmeyákxak, cham'a yakwánxa sat kasawhaxkohok katnehek ma'a ektémakxa axta apnaktáxeséyak énxet'ák ektaha axta apkellegaso Dios appeywa apxeyenma m'a aptaha nak Apketche énxet.

SAN LUCAS 19:11

Apkelleg'ak axta énxet'ák aptaha apkeltenneykha Jesús xa, apkeltennáseyha axta Jesús se'e apyetcháseykekxoho nak, hakte apchágketchesakxeyk axta Jerusalén, apkeneykek axta anhan énxet'ák kawak heykxa m'a aptémakxa nak Wese' apwányam Dios.

SAN LUCAS 19:28

Apxegákxeyk axta makham Jesús apmeyákxo Jerusalén natámen apteme appeywa xa.

SAN LUCAS 24:51

Neyseksa apkelmaxnéseso aksok eltakmela eleñama néten axta apkexaya aksa Jesús xa énxet'ák nak, kélya'áseykxeyk axta néten.

SAN LUCAS 9:57

Neyseksa apkelxega ámay axta, aptahak xama énxet apcháneya Jesús se'e: —Emenyék ko'o eytlawha apmahágkaxa enxoho exchep.

SAN JUAN 13:1

Apya'ásegkok axta Jesús ekwokmo ekhem yakwánxa kamaskok apha keso náxop, yakwayam enxoho exnakxak makham xamo' Apyap, amonye ekwayam ekhem melwagkayam axta énxet'ák judíos, cham'a apkeltéma axta Pascua. Apkelásekhayók axta cha'a Jesús ma'a énxet'ák ektaha axta apkelxegexma'a keso náxop, cháxa ektémakxa axta apkelásekhayo ekwokmoho néxa apha xa.

SAN JUAN 16:28

Axta eñamak ko'o m'a aphakxa nak Táta, yakwayam awak keso náxop, kaxwo' eyke peyk kamaskok makham sekha keso náxop, yakwayam amyekxak ma'a aphakxa nak Táta.

SAN JUAN 16:5

Peyk kaxwo' ko'o ay'ókxak ma'a aptaha axta seyáphaso, mehelmaxneyáha nahan kéxegke yakwánxa amhagkok ko'o;

SAN JUAN 17:11

“Kaxwo' sat eyke kamassegwók ko'o sekha keso náxop, elenxanmohok sat eyke apheykha xa énxet'ák nak, keñe sat ko'o amyekxak ma'a aphakxa nak xép. Táta aptakmalma, eltakmelches xép xa énxet'ák nak, eñama nak ma'a ektémakxa nak ekmowána exchep apwesey, cham'a apwesey segkésa axta, yakwayam enxoho etnehek mekxeymákpoho xa énxet'ák nak, ekhawo ektémakxa nak negyepetcheyo egmók negko'o.

SAN JUAN 6:62

¿Háxko katnehek kélwet'a enxoho makham emyekxak ektaha nak Apketche énxet ma'a apkeñemékxa axta?

LOS HECHOS 1:9

Kélya'ásekxeyk axta néten Jesús natámen apteme appeywa xa, cham'a neyseksa apkelanyo axta apkeltámeséyak, xama yaphopé axta chápak, massék axta anhan apwet'a xa apkeltámeséyak nak.

EFESIOS 1:20

cham'a apxátekhásekmo axta Cristo, tén han aphésákxo m'a néten ekpayhókxa nak apkelya'asamakxa,

FILIPENSES 3:14

yakwayam enxoho awomhok néxa, tén han amok ma'a ekyanmaga, cham'a segwónencha'a axta Dios peya hegmések eñama Cristo Jesús.

1 TIMOTEO 3:16

Nakso' ektaha ektakmela agko' ma'a amya'a ekmámnaksoho senxekmósama axta eñama s'e ektémakxa nak nelpeykesamo Dios: Apheyásamákpók axta énxet Cristo, apmallanmeyk axta eñama apteme espíritu, apwetayak axta nahan Dios apkelásenneykha. kéllegasegkek axta apwesey ekyókxoho yókxexma, kéltemegkek axta megkólya'áseyam keso náxop, kélya'áseykekxeyk axta nahan ma'a néten aphamakxa nak Dios ekha apcheymákpoho.

HEBREOS 12:2

Anlanok hana wánxa m'a Jesús, hakte cha'a keñamak magya'áseyam nak negko'o m'a, Jesús nahan apteme apteméseso ektakmela m'a magya'áseyam nak negko'o. Aplegágkók axta Jesús néten aksok ektegyéso, axta yenmexmók Jesús ma'a nétsapma segmegkasamo nak, hakte apya'ásegkok axta peya étak ekpayheykekxa apwáxok natámen aplegeykegkoho apketsapma; aphákxeyk axta anhan ma'a ekpayhókxa nak nelya'asamakxa nekha Dios aptaháno.

HEBREOS 6:20

cham'a aptaxnegwánxa axta anhan Jesús yakwayam enxoho agkegwának ólántaxnegwók negko'o xa m'a; aptemegwákxeyk axta apkemha apmonye appasmo apkelmaxnéseso Dios énxet'ák apagkok ma'a, megkatnegwayam enéxa, ekhawo ektémakxa axta aptamheykha Melquisedec.

1 SAN PEDRO 3:22

cham'a Jesucristo apmeyeykekxo axta néten, aphákxeyk nahan ma'a ekpayhókxa nak apkelya'asamakxa Dios. Temék kaxwo' elyaheykekxoho Dios apkelásenneykha m'a Cristo, tén han ma'a aksok magweté nak ekyókxa ekheykencha'a nak tekhenxet, cham'a ekha nak kélyaheykekxoho, cham'a ekha nak han elmowancha'a.