SAN LUCAS 9:50 - Lengua Sur (Enxet) Nuevo Testamento

⁵⁰ Aptahak axta apchátegmowágko Jesús se'e: —Nágkólnókasha aksa, hakte énxet ektahakxa enxoho mehenmexeykha negko'o, hegweyhenekxohok cha'a.

SAN LUCAS 9:50 ပူးပေါင်းရင်းမြစ်များ

SAN MATEO 12:30

“Enxet aptaha nak mehepasmo ko'o, apteme senmexeykha; énxet mehewháneyo nak seyancháseykekxa ko'o, yexpánchesek.

SAN MATEO 17:24

Xama axta apwokmo Jesús yetlo apkeltámeséyak tegma apwányam Capernaum, apteyánegwokmok axta Pedro m'a énxet'ák ektaha axta apchanchesáseykekxa selyakye tegma appagkanamap. Entahak axta amya'a kélmaxneyeyncha'a Pedro s'e: —¿Epekkenhoya cha'a selyakye yakwayam egkések tegma appagkanamap apkelxekmóso nak kéxegke?

SAN MATEO 17:26

—Pók énxet'ák cha'a apkelméso selyakye, —axta aptahak Pedro. Keñe axta anhan aptaha appeywa Jesús se'e: —Meyánmagkasek neyke m'a énxet'ák ektaha nak apheykegkaxa apancha'awo'.

SAN MARCOS 9:38

Aptahak axta Juan apcháneya Jesús se'e: —Sẽlxekmóso, negwet'ak axta negko'o xama énxet aptekkesa kelyekhama' yetlo apxeyenma xép apwesey, axta eyke óg'awok negko'o hakte háwe axta nenxegexma.

SAN MARCOS 9:41

Enxet ektahakxa enxoho apméso kéxegke xama egheykok yegmen eñama kélteme kélyetlo Cristo, exkak sat ekyanmaga eñama apteme xa. Nakso' xa sektahakxa nak seláneya kéxegke.

SAN LUCAS 11:23

“Helmexmakha ko'o m'a énxet apteme nak mehepasmo, keñe m'a énxet apteme enxoho mehepasmo ko'o seyancháseykekxa nak, yexpánchesek.

SAN LUCAS 16:13

“Méko kawának kalanha apkánet kelwese'e; hakte kóltaknók ma'a pók, keñe kalkohok kélwáxok ma'a pók, esenhan kóltehek megkólyenyaweykha m'a pók, keñe kólwanyohok ma'a pók. Megkólwanchek kéxegke kólhéshok mók kélmámenyého xa ánet nak, Dios tén han selyakye.”

1 CORINTIOS 12:3

Kaxwo' eyke emenyék kólya'ásegwomhok kéxegke méko kawának katnehek ekpeywa s'e: “¡Etak sat ekmaso Jesús!”, cham'a nempakmeta enxoho eñama Espíritu apmopwána apkeñama nak Dios. Méko nahan kawának katnehek ekpeywa s'e: “¡Jesús apteme Wese'!”, cham'a nempakmeta enxoho aksa meyke Espíritu Santo apmopwána.