SAN LUCAS 9:48 - Lengua Sur (Enxet) Nuevo Testamento

⁴⁸ Aptahak axta apkeláneya s'e: —Enxet ektahakxa enxoho apchápeykha s'e sakcha'a nak eñama apxeyenma ko'o sekwesey, heyahapmakha nahan ko'o xa; keñe énxet ektahakxa enxoho seyápeykha ko'o, yahapmakha nahan ma'a aptaha axta seyáphaso ko'o. Enxet meyke nak kéláyo kélnepyeseksa kéxegke, cháxa ektahakxa ekyawe kéláyo xa.

SAN LUCAS 9:48 ပူးပေါင်းရင်းမြစ်များ

SAN MATEO 18:10

“Nágkólwanyoho aksa xama s'e sakcha'a létkók nak, eltennásek ko'o kéxegke apheyncha'a néten nápakto' Táta m'a ektaha nak apkelásenneykha apkeltakmelchesamol'a xa sakcha'a létkók nak.

SAN MATEO 18:14

Hawók nahan aptémakxa m'a Kélyap apha nak néten, mopmenyek kaxyenmok xama s'e sakcha'a létkók nak.

SAN MATEO 19:28

Aptahak axta apchátegmowágko Jesús se'e: —Wokmek sat agkok ekhem yakwánxa katnekxak axnagcha'ák ekyókxoho aksok, cham'a apha sat néten aptaháno eyeymáxkoho m'a aptaha nak Apketche énxet, kólhakha sat nahan kéxegkáxa doce taháno, kéxegke kéltaha nak sétleykha, yakwayam enxoho kóltehek kélyekpelchémo m'a doce pók aptémakxa nak énxet'ák Israel. Nakso' xa sektahakxa nak seláneya kéxegke.

SAN MATEO 25:40

Keñe sat etnehek yátegmowagkok Wese' apwányam se'e: ‘Eltennásek ko'o kéxegke elyáxeg ahancha'awók meleymákpoho kéltemésesama xa ektaha nak, ko'o nahan eltemesesók xa ektaha nak.’

SAN MATEO 25:45

Keñe sat etnehek yátegmowagkok Wese' apwányam se'e: ‘Eltennásek ko'o kéxegke kéltemésesama nak cha'a énxet'ák ahagkok meleymákpoho xa ektaha nak, eltemésesegkek nahan ko'o xa mehelpasmoma xa ektaha nak.’

SAN MARCOS 9:37

—Enxet ektahakxa enxoho apchápeykha sakcha'a eñama apxeyenma ko'o sekwesey, heyáhapmakha nahan ko'o xa; keñe m'a énxet ektaha nak seyápeykha ko'o, meheyáhapmakha exakko' ko'o, yáhapmakha nahan ma'a aptaha axta seyáphaso ko'o.

SAN LUCAS 10:16

“Enxet'ák ektahakxa enxoho apháxenmo kéltenneykha kéxegke, yeyxhok nahan ko'o xa sekpeywa; énxet'ák aptaknawe enxoho kéxegke, hetaknók nahan ko'o xa; énxet ektahakxa enxoho setaknagko ko'o, aptaknókek nahan ma'a aptaha axta seyáphaso.”

SAN LUCAS 14:11

Hakte kéxegke ektahakxa enxoho kéltémo kólawho nepyeseksa kélnámokkok, mékoho sat kóltemesásekxa', keñe sat kéxegke kéltemesásamáxche nak mékoho, ekha kéláyo sat kóltemesásekxa'.

SAN LUCAS 22:26

Akke keyméxchek katnehek kélnepyeseksa kéxegke xa ektaha nak. Enxet ekyawe nak kéláyo, kéméxchek exnésakpohok wokma'ák, keñe m'a énxet ekha nak apkeláneykha, kéméxchek exnésakpohok ma'a kélásenneykhal'a.

SAN LUCAS 22:30

kóltawagkok sat kéxegke kéltéyak nekha mésa m'a sektémakxa nak ko'o Wese' apwányam, kólyenagkok sat nahan kélyenéyak; kólhakha sat nahan néten taháno eltakmela yakwayam kóltehek kélyekpelchémo m'a doce pók aptémakxa énxet'ák Israel nak.”

SAN LUCAS 7:28

Eltennásek ko'o kéxegke méko xama énxet apyeykhágweykmoho Juan nepyeseksa apyókxoho énxet nak; Keñe m'a énxet ekmasextoho nak kéláyo nepyeseksa énxet'ák apheykha nak ma'a aptémakxa nak Wese' apwányam Dios, mexnawok Juan ma'a.

SAN JUAN 13:20

Enxet ektahakxa enxoho apchápeykha m'a ektahakxa enxoho seyáphaso ko'o, heyahapmakha nahan ko'o xa; keñe m'a énxet ektahakxa enxoho seyápeykha ko'o, yáhapmakha nahan ma'a ektaha nak seyáphaso ko'o.

SAN JUAN 14:21

Enxet ektahakxa enxoho apma takha' seltémókxa nak kóltehek, cham'a apkelyaheykekxoho enxoho, exekmóshok aptaha nakso' seyásekhayo. Yásekhohok sat nahan Táta m'a énxet aptaha nak seyásekhayo ko'o. Wásekhohok sat nahan ko'o xa, axekmósaxkohok sat nahan ko'o m'a énxet nak.

1 TESALONICENSES 4:8

Kéxegke ektahakxa enxoho kéltaknagko s'e nelxekmowásamáxche nak, megkóltaknaweyk xama énxet, wánxa kéltaknawé m'a Dios aptaha axta apméso kéxegke Espíritu Santo apagkok.

1 SAN PEDRO 5:6

Kólteme cha'a megkóleymáxkoho nápakto' Dios, ekha nak apmopwána hegmeyók, yakwayam enxoho etnésesek kéxegke ekha kéláyo Dios, cham'a ekwokmo enxoho ekhem ekxénakxa apwáxok etnésesek.

APOCALIPSIS 21:14

Doce meteymog axta nahan héyegkok ekméyak xa tegma nepyáwa kélhaxta nak, cham'a meteymog eknaktáxésamaxko nak apkelwesey doce Nekkések Apketkok seykha amya'a apagkok nak.”

APOCALIPSIS 3:21

Enxet'ák ektahakxa enxoho apkelmalanma, agkések sat ko'o yakwayam exek nekha sektáhano sekhamakxa nak, ekhawo ektémakxa axta ko'o xa sekmalanmá, ekhákxek axta m'a nekha aphamakxa nak Táta.