SAN LUCAS 9:46 - Lengua Sur (Enxet) Nuevo Testamento

⁴⁶ Apkelpakhetchásekpok axta Jesús apkeltámeséyak apxéna, yaksak kexaha ektahakxa ekyawe kéláyo nepyeseksa.

SAN LUCAS 9:46 ပူးပေါင်းရင်းမြစ်များ

ROMANOS 12:10

Kólásekhoho cha'a m'a megkólya'áseyam xamo' nak Cristo, kólyanchesagkoho cha'a kélásekhayo, kólteme nahan cha'a kélyaheykekxoho kélmók.

ROMANOS 12:3

Dios segkéso sektamheykha eñama seyásekhayo, keñamak seltennasa kélyókxoho kéxegke seltamho megkólyeykhasaxkók ekxéneykha kélwáxók kéxegke kélagko'. Emenyék ko'o kaxénmakha cha'a apwáxok kélxama kéxegke, yakwayam meyeykhasakpók ekxéneykha apwáxók apagkok apagko', cham'a ektémakxa axta apméso apmopwána Dios yetlo mey'áseyam.

FILIPENSES 2:14

Kóllána ekyókxoho aksok yetlo meyke kélpakmeteykha, tén han meyke kélxamáseyak kélpeywa,

FILIPENSES 2:3

Nágkóllána aksa xama aksok eñama enxoho m'a kélenmexamaxche nak esenhan ma'a kéleymáxkoho nak, wánxa agkok, kóllána cha'a aksok yetlo megkeymáxkoho kélwáxok. Nágkaxén aksa kélwáxok ektakmela kéltémakxa kéxegke. Kaxén aksa kélwáxok ektakmela apkeltémakxa m'a pók énxet'ák nak.

3 SAN JUAN 1:9

Ektáxésesek axta ko'o weykcha'áhak ma'a énxet'ák apchakneykekxoho nak, melyahakxék eyke cha'a Diótrefes nentahakxa nempeywa, hakte apmenyék etnehek apkemha apmonye nepyeseksa apnámokkok.