SAN LUCAS 9:39 - Lengua Sur (Enxet) Nuevo Testamento

³⁹ Kamok cha'a espíritu ekmaso xa, kapeykesesha nahan cha'a apátog, yetsepekxohok nahan cha'a, katekkesesek nahan cha'a ekyakmopé apwáxok. Katwasagkohok cha'a, yámenyék nahan keynyekxa'.

SAN LUCAS 9:39 ပူးပေါင်းရင်းမြစ်များ

SAN MARCOS 9:18

Kamok nahan cha'a espíritu ekmaso apmahágkaxa enxoho, kayaknegkesek cha'a náxop; katyapok nahan cha'a ekyakmopé apwáxok; eltakxek nahan cha'a apma'ák, elyennák nahan cha'a. Eltamhok xeyk eykhe etekkesek espíritu ekmaso m'a apkeltámeséyak, mopwancha'ak xeyk eyke.

SAN MARCOS 9:20

Kélyentegkek axta wokma'ák apkenmágkaxa Jesús. Xama axta ekwet'a Jesús espíritu ekmaso, pekhések axta makham, apyaknenchek axta náxop xa wokma'ák nak, apyettelegwáha axta anhan, tekkek axta anhan ekyakmopé apwáxok.

SAN MARCOS 9:26

Kelpáxamáha axta espíritu ekmaso, pekhések axta makham ma'a wokma'ák nak, keñe axta ektepa apwáxok, máxa apketsapma axta temesásak, apyókxoho énxet axta apxénak apketsapa.

SAN LUCAS 4:35

Appakhetchesek axta Jesús xa kelyekhama' nak. Aptahak axta apcháneya s'e: —¡Kawanma, katyep xa énxet apwáxok nak! Keñe axta ekyaknegkesa kelyekhama' xa énxet nak nápakta'awo' apyókxoho énxet'ák, axta eyke katnésesakmohoxma ektepa apwáxok kelyekhama' xa énxet nak.

SAN LUCAS 8:29

Aptemék axta appeywa xa, hakte appakhetchesek axta Jesús espíritu ekmaso apkeltamho katyapok énxet apwáxok. Kaleklemek axta cha'a katnekxak ekmákxo enxoho kelyekhama'; kólnaktetcheshok axta eykhe cha'a apmék cadenas, tén han apmagkok, yakwayam enxoho kólmagkok, elyétekkesek axta eyke cha'a, meykexa énxet axta anhan cha'a kay'ásekxak kelyekhama' katnetcheksek.

SAN LUCAS 9:38

Nepyeseksa énxet axta aptahak apyennaktésawo appeywa énxet se'e: —Sẽlxekmóso, elano hana hatte. Wánxa ko'o xama hatte s'e;

SAN LUCAS 9:40

Eltamhok xeykhe etekkesek apkeltámeséyak xa espíritu ekmaso nak, mopwancha'ak xeyke.

SAN JUAN 8:44

Kelyekhama' kélyap kéxegke; cha'a kéleñamak kéxegke m'a, kóllenxanmok nahan cha'a kóllának eyámenyéxa enxoho kóllának ma'a. Ekyetno ekyógkexma axta entemék kelyekhama' sekxo' agko'. Megkameykha cha'a m'a amya'a ekmámnaksoho nak, megkatnehek nahan cha'a ekmámnaksoho ekpeywa. Temék agkok cha'a ekmowána amya'a, katnehek cha'a m'a ektémakxal'a cha'a; hakte ekmowána amya'a m'a, cha'a keñamak negmowána amya'a m'a.

1 SAN PEDRO 5:8

Kólteme ekha kélya'áseykegkoho, kólleyxmakha cha'a, hakte máxa entahak aksok nawhak eklo ekyexweweyncha'a ektegyeyncha'a ekyógkexma m'a kelyekhama' ektaha nak megkatnaha egmók.

APOCALIPSIS 9:11

Abadón apkelteme hebreos xa apkemha apmonye sawa' nak, aptaha nak wese' m'a máxek ekmatawóneg nak, keñe griegos apkeltéma Apolión.