SAN LUCAS 9:26 - Lengua Sur (Enxet) Nuevo Testamento

²⁶ Agkok exénak énxet aptaha sétleykha ko'o, tén han meltenneyncha'a enxoho m'a amya'a ahagkok, mexének sat nahan apwesey m'a aptaha nak Apketche énxet, cham'a apwakto sat yetlo apcheymákpoho, tén han apcheymákpoho m'a Apyap, tén han yetlo m'a apkelásenneykha apkelpagkanamap nak.

SAN LUCAS 9:26 ပူးပေါင်းရင်းမြစ်များ

SAN MATEO 16:27

Hakte yetlo apcheymákpoho eñama apméso Apyap sat ewatak ma'a ektaha nak Apketche énxet, yetlo apkelásenneykha sat nahan, keñe sat egkések aksok eyéméxchexa m'a énxet ektémakxa axta aksok apkelané.

SAN MATEO 25:31

“Apkexyekmek sat agkok aptaha nak Apketche énxet yetlo apcheymákpoho, ewakhak sat apkelásenneykha étlantámhok, keñe sat exek néten aptaháno eyeymáxkoho.

SAN MATEO 26:64

Aptahak axta apchátegmowágko Jesús se'e: —Cháxa aptahakxa nak appeywa exchep. Eltennásek nahan ko'o xa kéxegke peya kólwetak exek ekpayhókxa apkelya'asamakxa Dios ekha apyennakte m'a aptaha nak Apketche énxet, tén han kólwetak exyók neyseksa yaphopé m'a néten.

SAN MARCOS 8:38

Agkok exénak énxet aptaha sétleykha ko'o, tén han meltenneyncha'a enxoho amya'a ahagkok nápakta'awo' ma'a énxet'ák apyenseyam nak apkelyetlo Dios, tén han ma'a melya'asáxma nak, mexének sat nahan apwesey aptaha nak Apketche énxet ma'a, cham'a apwakto sat yetlo apcheymákpoho eñama Apyap, tén han yetlo m'a apkelásenneykha apkelpagkanamap nak.

SAN JUAN 12:43

Axta apmenyék énxet'ák ma'a nentémakxa eklekkesamo nak apwáxok antehek énxet keso náxop, keñe axta eyesextoho apmopmenyého m'a nentémakxa eklekkesamókxa nak apwáxok antehek Dios.

SAN JUAN 5:44

Kélmenyék agkok cha'a kéxegke kóltehek kéláyo kélmók, ¿háxko katnehek heltehek mehelya'áseyam ko'o, megkólchetama enxoho m'a ektakmela senxeyenma nak Dios aptaha nak wánxa xama?

LOS HECHOS 10:22

Aptahak axta apkelátegmowágko s'e: —Nelxegakmek negko'o eñama sẽláphaso m'a Cornelio aptaha nak sẽlpextétamo apwese', aptaha nak énxet appéwomo. Elpeykeshok nahan Dios, cham'a ekleklamo nak apwáxok apyókxoho énxet'ák judíos ma'a, apmenyék apagko' nahan. Xama Dios apchásenneykha axta appakhetchásak, apkeltamho yáneyha exchep, yakwayam enxoho emhagkok xép apxagkok ma'a sẽlpextétamo apwese' nak, yakwayam enxoho eñak yakwánxa etnehek yának xép ma'a.

ROMANOS 1:16

Mamegkayhek ko'o axének tásek amya'a, hakte cháxa Dios apmopwána xa, yakwayam enxoho elwagkasakpok teyp apyókxoho énxet apteme nak melya'áseyam, eyeynamókxa m'a énxet'ák judíos, wokmók eyke nahan ma'a énxet'ák metnaha nak judíos.

2 CORINTIOS 12:10

Payhekxeyk nahan ko'o xa ewáxok eñama m'a megkeynneykha nak empehek, selwanyeykha, meyke aksok ahagkok, selyakmáseykha, seklegeykegkoho ekyentaxnamo sekha eñama m'a Cristo, hakte ekyelkáxchek agkok cha'a ko'o, cháxa sektaha ko'o sekyennakte xa.

GÁLATAS 6:14

Ko'o nak se'e, momenyék keyxkohok sekpeywa axének xama aksok enxoho, wánxa keyxkohok sekpeywa axének ma'a apketsapma axta Cristo néten aksok ektegyéso; máxa ektemésesók ko'o ekmassegweykmo enxoho ektémakxa nak aksok keso náxop, máxa nahan ektemék ko'o xa sekmassegweykmo enxoho magwanmexmo m'a ektémakxa nak keso náxop, eñama m'a apketsapma axta Cristo néten aksok ektegyéso.

1 TIMOTEO 5:21

Ekmések ko'o sekpeywa exchep nápakto' Dios, tén han nápakto' Jesucristo, tén han nápakta'awo' ma'a Dios apkelásenneykha kélyeseykha nak, seltamho elának se'e seyánayakxa nak etnehek meyke apteméseso apyeykhamap pók elanok énxet, tén han seltamho exnéshok mók ma'a aptemésesakxa enxoho énxet.

2 TIMOTEO 1:12

Cháxa keñamak seklegágkoho nak ko'o kaxwo' ekyókxoho xa aksok nak, wánxa agkok mamegkayhek eyke ko'o axének, hakte ekya'ásegkok ko'o m'a aptaha nak seyayókxa; nakso' nahan ektemesásak ko'o ekyetna apmopwána hetakmelchesesek ekweykmoho néxa ekhem ma'a sektamheykha apkeltamho axta alána'.

2 TIMOTEO 2:12

nenlegágkok agkok negko'o, hegwakxohok sat negko'o xa m'a aptémakxa nak Wese' apwányam Dios; agkok anxénak apwesey Cristo, mexének sat nahan negko'o xa negwesey;

HEBREOS 11:26

Xeyenmék axta apwáxok Moisés ektakmela kawakxohok nahan ma'a ektémakxa nak kélwanyémo Mesías aptaha nak Dios apkelyéseykha, mopmenyék axta kapeykesásekxak apwáxok ma'a aksok eltakmela ekhéyak axta Egipto; hakte xéneykha axta cha'a apwáxok ma'a aksok apxeyenma axta egkések Dios.

HEBREOS 13:13

Agyetlók hana Jesús nepyáwa tegma, yakwayam enxoho anlegagkohok xamo' ma'a kéltemésesakxa axta.

SAN JUDAS 1:14

Apxeyenmék axta anhan Enoc, aptaha axta siete Adán aptáwen neptámen xa, cham'a apxeyenma axta amya'a eñama Dios, aptéma axta apxeyenma énxet'ák se'e: “Ekwet'ak axta ko'o Wese' egegkok apxegakmo yetlo apxámokma apagko' apkelásenneykha apkeleñama néten,

APOCALIPSIS 1:7

Apkexyekmek sat agkok Cristo neyseksa yaphopé, apyókxoho énxet sat éta', kammohok sat apweté m'a ektaha axta apkelyetxakxo; apxámokxoho énxet'ák sat kallapwomagkok apheykha nak keso náxop, ellekxagwaha sat nahan, Cristo eñamakxa. Nakso', katnehek sat.

APOCALIPSIS 20:11

Ekwet'ak axta ko'o taháno ekmopé ekyawe, tén han ma'a ektaha axta apha néten. Massék axta aksa xóp tén han néten apwakto m'a ektaha axta apha néten xa taháno nak, massawók axta ekwetáxko cha'a.

APOCALIPSIS 21:8

Keñe m'a énxet apcháyo nak aksok, tén han ma'a énxet'ak apkelyenseyam nak apteme melya'áseyam, tén han ma'a énxet'ák ekmaso nak apkeltémakxa, tén han ma'a énxet'ák apchakhamol'a pók, tén han ma'a énxet'ák ekmaso nak apkeltémakxa kalmopsexta'a, tén han ma'a énxet'ák aptamhéyak nak kelyohóxma'a, tén han ma'a énxet'ák apkelpeykesamo nak kéleykmáseso, tén han ma'a apyókxoho énxet'ák apkelmopwancha'a amya'a nak, sat kalpehemmok apkelmahéyak neyseksa aksok ánek eyálewomakxa xa énxet'ák nak, cham'a ektahakxa nak ánet nétsapma.”

APOCALIPSIS 3:5

Enxet'ák ektahakxa enxoho apkelmalanma, apkelmopé sat etnahagkok apkelnakta, mamasésesek sat nahan apkelwesey m'a weykcha'áhak eknaktáxésamaxko nak apkelwesey m'a peya nak elxawagkok elyennakte apnenya'ák, axének sat nahan ko'o selyekpelchawo nápakto' ma'a Táta, tén han nápakto' ma'a apkelásenneykha apkeleñama nak néten.