SAN LUCAS 9:1 - Lengua Sur (Enxet) Nuevo Testamento

¹ Apchánchesákxeyk axta Jesús doce apkeltámeséyak, apkelmeyásegkek axta apkelmopwancha'a yakwayam elántekkesek ekyókxoho ektémakxa kelyekhama', tén han yakwayam eltakmelchesók ma'a elháxamáxche.

SAN LUCAS 9:1 ပူးပေါင်းရင်းမြစ်များ

SAN MATEO 16:19

Agkések sat ko'o exchep ketchesama átog aptémakxa nak Wese' apwányam Dios; megkólhok sat kalanaxchek néten ma'a megyahayo nak kalanaxchek xép keso náxop, kólhok sat nahan kalanaxchek néten ma'a apchahayo nak xép kalanaxchek keso náxop.

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

SAN MATEO 8:9

Hegkéshok nahan ko'o xa apkelpeywa m'a kélwese'e nak, keñe nahan ko'o xa apyetna sẽlpextétamo ahagkok sekmowána agkések sekpeywa. Ektemék agkok sekpeywa seyáneya: ‘exeg’, ñohok nahan exog; ektemék agkok nahan seyáneya: ‘empoho’, ñohok nahan exegma'; eltamhok agkok nahan elának aksok ma'a seláneykha, ñohok nahan elána'.

SAN LUCAS 10:1

Apkelyésáha axta anhan Wese' egegkok setenta y dos énxet natámen xa, apkánet axta cha'a apkeláphásak Jesús amonye apxega, apkeláphásek axta elmahagkok yókxoho nátegma, cham'a apmokókxa axta emhagkok Jesús.

SAN LUCAS 10:19

Ekmések axta ko'o kéxegke kélmowána yakwayam kólteyammok yéwa, tén han yettaha', tén han kólmalánek nepyeseksa m'a kélenmexma nak yetlo meyke kéllegeykegkoho ekmáske xama enxoho.

SAN JUAN 14:12

Enxet ektahakxa enxoho mehey'áseyam ko'o, elának sat ma'a ektémakxa nak cha'a ko'o aksok selané, kayeykhágwomhok sat nahan apkelané aksok ekwánxa nak ko'o selané, hakte peyk ko'o amyekxak ma'a aphakxa nak Táta, nakso' xa sektahakxa nak seláneya kéxegke.

LOS HECHOS 1:8

Wánxa agkok, apwa'ak sat agkok Espíritu Santo kélnepyeseksa kéxegke, kólxawak sat kélmowána, kólxog sat nahan cha'a yakwayam kólxének sekwesey ko'o, Jerusalén, tén han kólmahagkok ma'a ekyókxoho yókxexma Judea, tén han ma'a Samaria, kawomhok sat nahan kélmaheyak ma'a eyátépexa nak.

LOS HECHOS 3:16

Magya'áseyam Jesús apwesey keñamak ekmeyaseykxo apyennakte xa énxet nak, cháxa kélwet'a nak kéxegke, kélyekpelchawók nahan. Cháxa ektakmelchesakmo agko' nak énxet xa magya'áseyam nak Jesús, cháxa ektahakxa nak kélweté kéxegke ektaha xa.

LOS HECHOS 4:30

yána' óltakmelchesók énxet'ák apkelháxamap eñama m'a xép apmopwána nak, tén han anlának ma'a aksok magkenatcheso nak agweta', tén han ma'a aksok sempelakkaso nak agweta' eñama apwesey m'a Jesús, aptaha nak xép apchásenneykha appagkanamap.”

LOS HECHOS 9:34

Aptahak axta apcháneya Pedro s'e: —Eneas, Jesucristo aptakmelchesekmok xép. Etnamha, elánekxa aptaháno. Yetlókók axta apkempeykekxa néten Eneas.