SAN LUCAS 8:44 - Lengua Sur (Enxet) Nuevo Testamento

⁴⁴ Neptámen axta keñamak ekyo'ókmo Jesús, paknegwokmók axta napwa'ék apchaklamap. Yetlókók axta anhan ekmasé ekteyapma éma agkok.

SAN LUCAS 8:44 ပူးပေါင်းရင်းမြစ်များ

SAN MATEO 20:34

Apyósekak axta apkelano Jesús, appaknegkesakmok axta apakta'ák. Yetlókók axta apkelweteykekxaxma énxet meyke apakta'ák, apkelyetlákxeyk axta anhan Jesús.

SAN MATEO 8:3

Appaknegwokmok axta Jesús, aptahak axta apcháneya s'e: —Emenye'. ¡Yáxñekxoho! Yetlókók axta aptakmelwayam xa ekteme axta negmasé ektepelchamáxche egyempehek.

SAN MATEO 9:20

Keñe axta ekyo'ókmo Jesús xama kelán'a ekweykmo axta doce apyeyam ekháxamáxche, axta kamassegweykmók ektepeykekxa cha'a éma agkok xa kelán'a nak, neptámen axta keñamak ekyo'ókmo, paknegwokmók axta napwa'a apchaklamap,

SAN MARCOS 6:56

Kélnegkenwokmek axta cha'a apkelháxamap ámay nepyeseksa tegma apmahágkaxa enxoho Jesús, cham'a nátegma nak, tén han ma'a apyawakxa nak tegma, tén han ma'a nepyáwa tegma nak, kéltamhok axta yohok aksa kólpaknegwomhok napwa'ék apchaklamap Jesús; apkeltakmelwokmek axta anhan apyókxoho apkelháxamap ektaha axta appaknegweykmoho Jesús apchaklamap.

SAN LUCAS 13:13

Appaknegwokmók axta Jesús xa kelán'a nak. Yetlókók axta anhan ekmowána kapewhok katnamha, keltemésesek axta anhan apcheymákpoho Dios.

SAN LUCAS 7:38

Kelekxagweyha axta m'a, hakmek axta ekpayhókxa Jesús apmagkok, kelyásesek axta anhan aktégmenek ma'a Jesús apmagkok, keñe axta ektaha áwa' elyamasáseykxo makham. Kelpetsesesek axta anhan apmagkok, keñe axta éxpakhásesa sokmátsa.

SAN LUCAS 8:43

Paxkeygkek axta anhan énxet'ák apxámokma xama kelán'a ekweykmo axta doce apyeyam ekháxamáxche, axta kamassegweykmok ektépeykekxa cha'a éma agkok xa, sawhomakyek axta selyakye agkok ekyanmagkaso pánakte egyepmeyk, axta eyke ewagkasók teyp.

SAN LUCAS 8:45

Aptahak axta apkelmaxneyeyncha'a Jesús énxet'ák se'e: —¿Yaksak sepaknegwa'awo nak? Apyókxoho énxet axta apxénak mepaknegwokmoho Jesús, keñe axta aptaha Pedro s'e: —Sẽlxekmóso, apyegawók cha'a exchep énxet appasmeykha nak.

SAN JUAN 5:13

Axta eyke ey'ásegkok ektaha ektakmelcheseyam ma'a énxet kaxwé aptakmelwayam, hakte apxeganakmek axta aksa Jesús nepyeseksa énxet apxámokma.

LOS HECHOS 19:12

Wokmók axta kélsókaso apkelháxamap ma'a Pablo teté yespok apketkók apagkok tén han apkelnakta, cham'a ektaha axta apmeykha Pablo, apkeltakmelweykmek axta anhan apkelháxamap eñama xa, kelánteyepmeyk axta anhan apwáxók énxet'ák kelyekhama'.

LOS HECHOS 5:15

Kélántekkesek axta apkelháxamap nekha ámay nepyeseksa tegma, kélnegkenwokmek axta yetlo apkeltaháno m'a, yakwayam enxoho káhapwomhok Pedro pesese apagkok pók xama apkelháxamap apyeykhágwokmo enxoho.