SAN LUCAS 8:25 - Lengua Sur (Enxet) Nuevo Testamento

²⁵ Keñe axta aptaha apcháneya apkeltámeséyak se'e: ¿Háxko ekmahágkaxa megkólya'áseyam nak kéxegke? Wánxa agkok, apkelyegwakkek axta eyke xa énxet'ák nak, pelakkasek axta anhan apkelwet'a ektahakxa. Aptahak axta apkelmaxneyeyncha'a cha'a pók se'e: —¿Yaksak énxet xa aptéma nak appakhetchesamo nak exchahayam tén han yegmen, kelyahákxók nahan.

SAN LUCAS 8:25 ပူးပေါင်းရင်းမြစ်များ

SAN MATEO 14:31

Ñohok axta apma apmek Jesús Pedro. Aptahak axta apcháneya s'e: —¡Asexto' mey'áseyam xép! ¿Yaksak ektaha apya'ásekmo nak seyewagko ko'o awagkasek teyp xép?

SAN MATEO 17:20

Aptahak axta apkeláneya Jesús se'e: —Asextók eyke megkólya'áseyam kéxegke. Yetneyk agkok megkólya'áseyam, kaxhok eykhe megkólya'áseyam ma'a ekwánxal'a aktek yámet ekweseyl'a mostaza, kóltehek kólának egkexe s'e: ‘Kapatyep xa, katnegwom mók nekha’, kapatyapok nahan xa egkexe nak. Megkólapagkanaxchék nahan kéxegke. Nakso' xa sektahakxa nak seláneya.

SAN MATEO 6:30

Aptemésesek agkok nahan aptaxneyáseykekxa ektaxno Dios pánakte exnók xa ektaha nak, cham'a élakna nak yókxexma xama ekhem agko', keñe mók ekhem kólchexak nátex, eyeykhásamhok sat eyke ekxéneykha apwáxok kéxegke Dios kéltaha nak ekmasextoho kélteme megkólya'áseyam.

SAN MATEO 8:10

Pelakkasek axta apleg'a Jesús xa. Aptahak axta apkeláneya énxet'ák ektaha axta apkelyetleykha s'e: —Mateyk ko'o makham xama énxet Israel ekhawo mey'áseyam xa énxet nak. Nakso' xa sektahakxa nak seláneya.

SAN MATEO 8:26

Aptahak axta apchátegmowágko Jesús se'e: —¿Yaksak ektaha kélaka nak? ¡Asextók ekyetno megkólya'áseyam kéxegke! Apkempákxeyk axta néten natámen apteme appeywa xa, appakhetchesek axta exchahayam, tén han ma'a wátsam ekpayhegwayam, massawók agko' axta, takmelakxók axta ekyetno yegmen.

SAN MARCOS 4:35

Xama axta ekyaktesa, aptahak axta Jesús apkeláneya apkeltámeséyak se'e: —Olmeyekxak neyp wátsam ekpayhegwayam nak.

SAN LUCAS 12:28

Aptemésesek agkok nahan aptaxneyáseykekxa ektaxno Dios pánakte exnók xa ektaha nak, cham'a elakna nak yókxexma xama ekhem agko', keñe mók ekhem kólchexak nátex, eyeykhásamhok sat eyke ekxéneykha apwáxok Dios kéxegke kéltaha nak ekmasextoho kélteme megkólya'áseyam.

SAN LUCAS 8:24

Keñe axta apya'aweykxo apkeltámeséyak apxátekháseykxo Jesús. Aptahak axta apcháneya s'e: —¡Sẽlxekmóso, peyk ólweywagkok! Apkempákxeyk axta néten Jesús, appakhetchesek axta exchahayam, tén han ma'a yegmen elyakyahayam. Massawók agko' axta anhan, kelwaneykxók axta exma.

SAN LUCAS 8:26

Apkelwokmek axta yókxexma Gerasa ekyetnama nak neyp wátsam ekpayhegwayam, ekpayho nak Galilea.

SAN JUAN 11:40

Aptahak axta apchátegmowágko Jesús se'e: —Ektemék xeyk seyáneya, agkok hey'ásekmok, kótak sat Dios apcheymákpoho.