SAN LUCAS 8:24 - Lengua Sur (Enxet) Nuevo Testamento

²⁴ Keñe axta apya'aweykxo apkeltámeséyak apxátekháseykxo Jesús. Aptahak axta apcháneya s'e: —¡Sẽlxekmóso, peyk ólweywagkok! Apkempákxeyk axta néten Jesús, appakhetchesek axta exchahayam, tén han ma'a yegmen elyakyahayam. Massawók agko' axta anhan, kelwaneykxók axta exma.

SAN LUCAS 8:24 ပူးပေါင်းရင်းမြစ်များ

SAN MATEO 14:30

Xama axta apyekpelcha ekyenna exchahayam, apchekak axta; aptahak axta apyennaktésawo appeywa peya eweywagkok se'e: —¡Wese', hewagkas ko'o teyp!

SAN MATEO 8:25

Keñe axta apxátekháseykxo apkeltámeséyak aptenakxa Jesús. Aptahak axta apcháneya s'e: —¡Wese', Wese' Jesús, hẽlwagkas negko'o teyp! ¡Peyk ólweywagkok!

SAN MARCOS 4:39

Apkempákxeyk axta néten Jesús, appakhetchesek axta exchahayam, aptahak axta anhan apcháneya wátsam ekwányam se'e: —¡Kawanma! ¡Katakmelchásekxa ekyetno! Massék axta anhan exchahayam ekyennakte, kelwáneykxók axta nahan exma.

SAN LUCAS 4:35

Appakhetchesek axta Jesús xa kelyekhama' nak. Aptahak axta apcháneya s'e: —¡Kawanma, katyep xa énxet apwáxok nak! Keñe axta ekyaknegkesa kelyekhama' xa énxet nak nápakta'awo' apyókxoho énxet'ák, axta eyke katnésesakmohoxma ektepa apwáxok kelyekhama' xa énxet nak.

SAN LUCAS 4:39

Aphaxeyk axta Jesús ekyetnakxa m'a kelán'a nak, apkeltamhok axta kamaskok ma'a ekmexanma empehek. Massawók agko' axta anhan. Yetlókók axta anhan ekheykekxa néten, keñe axta elápencha'a elánésa aksok.

SAN LUCAS 5:5

Aptahak axta apchátegmowágko Simón se'e: —Sẽlxekmóso, yókxoho axta'a exchek negko'o nentegye kelasma, exchek eyke agmak kelasma xama enxoho; eynyentak sat ko'o yam'én neygmen, hakte apkeltamhok xép eynyentak.

SAN LUCAS 8:25

Keñe axta aptaha apcháneya apkeltámeséyak se'e: ¿Háxko ekmahágkaxa megkólya'áseyam nak kéxegke? Wánxa agkok, apkelyegwakkek axta eyke xa énxet'ák nak, pelakkasek axta anhan apkelwet'a ektahakxa. Aptahak axta apkelmaxneyeyncha'a cha'a pók se'e: —¿Yaksak énxet xa aptéma nak appakhetchesamo nak exchahayam tén han yegmen, kelyahákxók nahan.