SAN LUCAS 8:23 - Lengua Sur (Enxet) Nuevo Testamento

²³ Aptenchek axta Jesús neyseksa apkelyeykheykekxa wátsam. Pelakkasek axta ektepa exchahayam ekyennakte neyseksa wátsam ekpayhegwayam. Peyk axta kalának yegmen yántakpayhe awáxok, keto' axta anhan ekweywekegkaxa.

SAN LUCAS 8:23 ပူးပေါင်းရင်းမြစ်များ

SAN LUCAS 5:1

Apkenmáha axta Jesús neyáwa wátsam ekpayhegwayam ekwesey nak Genesaret, apchahapwokmek axta énxet apxámokma apmáheyo axta yeyxho' Dios appeywa.

SAN LUCAS 8:22

Xama ekhem axta apchánta Jesús yántakpayhe yetlo apkeltámeséyak. Aptahak axta apkeláneya s'e: Olmeyekxak neyp wátsam ekpayhegwayam nak. Apkelxegkek axta anhan.

LOS HECHOS 27:2

Nelchenátwokmek axta negko'o xama yántakpayhe eñama m'a tegma apwányam apyetno nak neyáwa wátsam apwesey nak Adramitio, keto' axta ekteyapmakxa yakwayam kamhagkok ma'a pók tegma apwányam yókxexma Asia. Aristarco axta anhan nenxegexma, aptaha axta apkeñama tegma apwányam Tesalónica, cham'a yókxexma Macedonia.

1 CORINTIOS 15:30

Méko agkok nennakxátekhágwayam, ¿yaksak eyke ektéma ekyetnama nak negyeseksa aksok yakwayam nak cha'a hegmasesók ekyókxoho ekhem?

HEBREOS 4:15

Hakte apya'ásegkok ektémakxa negyelkamáxkoho m'a apkemha apmonye sempasmo nak sẽlmaxnéseso negko'o, hakte hawók axta ektémakxa ekyekkónma m'a ektémakxa nak segyekkónma negko'o; axta eyke eláneyk mey'asáxma xama enxoho.