SAN LUCAS 8:2 - Lengua Sur (Enxet) Nuevo Testamento

² nekha kelán'ák axta anhan apkelxegexma'a, cham'a apkelántekkesesama axta awáxók espíritu elmasagcha'a, tén han ma'a apkeltakmelcheseykmo axta ektémakxa elháxamáxche. María axta elxegexma'a m'a kelán'ák nak, cham'a eltamhomaxko axta Magdalena, kélántekkesesama axta awáxok siete kelyekhama'.

SAN LUCAS 8:2 ပူးပေါင်းရင်းမြစ်များ

SAN MATEO 4:24

Ekyókxoho yókxexma Siria axta apxénamakpok Jesús, kélnaklókasegkek axta ekyókxoho ektémakxa nak elmasagcha'a apkelháxamap, tén han ma'a ekyókxoho ektémakxa nak apkellegeykegkoho ekmáske, tén han ma'a kelyekhama' eknaktawáseykha nak, tén han ma'a énxet'ák apkeletsapeykekxoho axta cha'a, tén han ma'a énxet'ák megkamopwána axta cha'a eltakheykha. Apkeltakmelcheseykmek axta cha'a Jesús xa.

SAN MARCOS 16:1

Yeyk'ak axta ekhem sábado apkellókasamakxa axta apkelyampé énxet'ák judíos, tegyágkek axta sokmátsa yakwayam kaxpakhak Jesús aphápak ma'a María Magdalena, axta nahan ma'a María, Salomé egken.

SAN MARCOS 16:9

Apxekmowáseykpekxók axta sekxo' María Magdalena, natámen apxátekhágwayam Jesús ma'a amonye elsaye ekhem eyeynókxa ekxega semanal'a, cham'a María apkelántekkesesama axta awáxok siete kelyekhama'.

SAN LUCAS 23:27

Apxámok axta énxet apyetlo Jesús, tén han kelán'ák. Kellekxagweyha axta elano Jesús, kelpayheyha axta anhan atña'ák eñama ellapwámeyak.

SAN LUCAS 23:49

Aphákxeyk axta eyke apkeláneyncha'a makhawo' ektahakxa m'a apyókxoho apkelweteykxa axta Jesús, axta anhan ma'a kelán'ák ektaha axta ekyetlo eleñama m'a Galilea.

SAN LUCAS 23:55

Teyánegwákxók axta takhaxpop kelán'ák ekyetlama axta Jesús eleñama m'a Galilea, kelanawók axta takhaxpop, kelanawók axta anhan ma'a ektahakxa axta kélpekkenma Jesús aphápak.

SAN LUCAS 8:30

Aptahak axta apkelmaxneyeyncha'a Jesús se'e: —¿Háxko apwesey exchep? —Legión ko'o sekwesey, axta aptahak apchátegmowágko m'a énxet nak. Aptemék axta appeywa xa, hakte xámok axta kelyekhama' elántaxno apwáxok.

SAN JUAN 19:25

Kenmáha axta egken Jesús ma'a nekha apyexnakxa axta aksok ektegyéso, axta anhan ma'a Jesús egken yáxeg, María axta anhan ma'a, ektaha axta Cleofás aptáwa, María Magdalena axta anhan kenmáha m'a.

LOS HECHOS 1:14

Yaknekxohok axta cha'a apyókxoho m'a, yakwayam etnahagkok nempeywa nelmaxnagko yetlo mók xam'a kelán'ák, María axta m'a Jesús egken, Jesús apkelyáxeg'a axta anhan ma'a.