SAN LUCAS 8:1 - Lengua Sur (Enxet) Nuevo Testamento

¹ Apxámok axta apyawakxa tegma apmaheyak cha'a Jesús tén han ma'a nátegma apheykegkaxa axta cha'a énxet, natámen xa. Apkeltenneykha axta cha'a apxeyenma m'a aptémakxa nak Wese' apwányam Dios. Axta apkelxegexma'a m'a doce apkeltámeséyak axta,

SAN LUCAS 8:1 ပူးပေါင်းရင်းမြစ်များ

SAN MATEO 11:1

Xama axta appenchesa Jesús apméso appeywa doce apkeltámeséyak, apxegkek axta apkeñama m'a, yakwayam enxoho elxekmósek énxet'ák, tén han eltennasha m'a amya'a eñama nak Dios, ekyókxoho nátegma xa yókxexma nak.

SAN MATEO 13:19

Enxet'ák ektahakxa enxoho apkellegé amya'a ekxeyenma nak ma'a aptémakxa nak Wese' apwányam Dios, keñe melya'asagke' ektémakxa, máxa etnahagkok ma'a aksok aktek ekpálwayamla'a ámay awáxok; xegakmek agkok kelyekhama', keñe kalekkesek ma'a amya'a kélpekkencheso nak apwáxok.

SAN MATEO 4:23

Apsawhekxók axta apweynchámeykha Jesús ma'a yókxexma Galilea, elxekmóshok axta cha'a énxet'ák apchakneykekxexa judíos ekyókxoho yókxexma. Eltennaha axta cha'a tásek amya'a ekxeyenma m'a aptémakxa nak Wese' apwányam Dios, eltakmelchesamhok axta cha'a énxet ekxámokxoho ektémakxa nak apkelháxamap, tén han ma'a ekyókxoho ektémakxa nak apkellegeykegkoho ekmáske.

SAN MATEO 9:35

Apweynchámeyha axta Jesús ekyókxoho nepyeseksa tegma apwányam, tén han ekyókxoho nátegma, apkelxekmósegkek axta cha'a énxet'ák kañe' apchakneykekxexa énxet'ák judíos ekyókxoho yókxexma. Aplegasegkek axta anhan amya'a ektakmela ekxeyenma nak ma'a aptémakxa nak Wese' apwányam Dios, apmasésegkek axta anhan ma'a ekyókxoho ektémakxa nak negháxamáxche, tén han ma'a nenlegeykegkoho ekmáske nak.

SAN MARCOS 1:39

Apsawheykekxók axta nátegma apweynchameykha Jesús ma'a yókxexma Galilea, apkeltenneykha axta cha'a Jesús apchakneykekxexa judíos ekyókxoho apmahágkaxa enxoho, apkelántekkesegkek axta anhan cha'a kelyekhama' énxet apwáxók.

SAN LUCAS 1:80

Apwánenyek axta m'a sakcha'a nak, yennakweykmek axta apteme mey'áseyam Dios, apheykmek axta yókxexma meykexa énxet ekwokmoho ekhem yakwánxa exekmósakpohok énxet'ák Israel.

SAN LUCAS 20:1

Xama ekhem axta apkelwokmok énxet'ák apkelámha apmonye'e nak appasmo apkelmaxnéseso Dios énxet'ák apagkok, tén han ma'a énxet'ák apkelxekmóso nak apnámokkok ektémakxa segánamakxa, axta anhan apkelxegexma'a m'a apkelámha apmonye'e nak kélakneykekxexa, cham'a, neyseksa apkelxekmóso axta Jesús énxet'ák kañe' tegma appagkanamap, apkeltennáseyha axta anhan ma'a amya'a segwagkasamo nak teyp.

SAN LUCAS 4:18

“Wese' egegkok Espíritu apagkok ko'o sekxegexma, hakte epagkanchek axta ko'o yakwayam asókasek amya'a ektakmela m'a énxet'ák meyke nak aksok apagkok; Elaphásek nahan ko'o yakwayam altennaksek kélchexeykxo m'a énxet apkelmomap nak, tén han óteyásekxaxma m'a énxet'ák meyke apakta'ák nak; keñe anhan akxeykxak ma'a énxet'ák kélnaktawáseykegkoho nak;

SAN LUCAS 9:6

Apkelxegkek axta xa énxet'ák nak, apsawheyha axta nátegma, apkeltennáha axta cha'a m'a amya'a segwagkasamo nak teyp, apkeltakmelchesakmek axta anhan elháxamáxche.

LOS HECHOS 10:38

Kélya'ásegkok kéxegke apmésama axta ekyawe agko' apmopwána Dios ma'a Jesús apkeñama nak Nazaret, tén han apmésama m'a Espíritu Santo. Kélya'ásegkok nahan ma'a apkeláneya axta cha'a Jesús ektakmela aptamheykha, apkeltakmelcheseykmek axta m'a apyókxoho énxet eknaktawáseykegkoho axta kelyekhama'. Apwanchek axta apkelana Jesús xa, hakte apxegexma axta aptemék Dios.

LOS HECHOS 13:32

“Nenlegásek negko'o kéxegke s'e amya'a ektakmela nak: Negko'o axta enláneyásak Dios ma'a ektémakxa axta appekkencháseykekxa appeywa ẽlyepmeyk nano', negko'o nentaha nak Abraham aptawan'ák neptámen. Cháxa apkelana axta Dios xa, cham'a apxátekhásekmo axta Jesús ekhawo ektémakxa nak eknaktáxésamaxche Salmo dos se'e: ‘Xép apteme hatte, ektemék kaxwo' xép hatte.’

ROMANOS 10:15

¿Háxko nahan katnehek eltennaha énxet'ák méko enxoho m'a ektaha nak apkelapháseykha? Ekhawo ektémakxa nak ekxeyenma ektáxésamaxche s'e: “¡Tások agko' apkelwé énxet'ák ektaha nak apsáyam amya'a ektakmela.”