SAN LUCAS 7:44 - Lengua Sur (Enxet) Nuevo Testamento

⁴⁴ Apkelanawók axta makham Jesús ma'a kelán'a, keñe axta aptaha apcháneya Simón se'e: —¿Apwet'aya xa kelán'a nak? Ektaxnegwa'ak xeyk ko'o apxagkok xép, exchek eyke hegkeyásak xép yegmen yakwayam alyenyeksek emagkok; keñe exchek elyásesa aktégmenek emagkok se'e kelán'a nak, keñe exchek han ektaha áwa' elyamáseykxo makham.

SAN LUCAS 7:44 ပူးပေါင်းရင်းမြစ်များ

SAN LUCAS 7:38

Kelekxagweyha axta m'a, hakmek axta ekpayhókxa Jesús apmagkok, kelyásesek axta anhan aktégmenek ma'a Jesús apmagkok, keñe axta ektaha áwa' elyamasáseykxo makham. Kelpetsesesek axta anhan apmagkok, keñe axta éxpakhásesa sokmátsa.

SAN LUCAS 7:43

Aptahak axta apchátegmowágko Simón se'e: —Ko'o neyk ekyawakxa apchásekhayo m'a kélmasésesa exchek ekyawe apméyak. Aptahak axta apcháneya Jesús se'e: —Payhawók apchátegmowéyak.

SAN JUAN 13:5

Keñe axta apyetma yegmen sokpayhe ekwányam, apkelyenyésesek axta apmagkok apkeltámeséyak. Axta anhan apmáha apkelyamasásekxo apmagkok apkeltámeséyak ma'a apáwa nenleklamol'a egyempehek natámen negyakpaso, cham'a apteta axta nepxet.

1 TIMOTEO 5:10

Kéméxchek nahan kólya'asagkohok ektakmela axta ektémakxa, tén han ma'a ektakmela enxoho éktegkeso étchek, tén han ma'a ekteme enxoho elápeykha ektaha apkelwayam axagkok, tén han ma'a elyenyesesamo enxoho apmagkok énxet'ák apteme nak melya'áseyam, tén han ma'a ekpasmoma enxoho m'a énxet'ák apkellegeykegkoho nak, tén han elenxáneykmoho enxoho elané m'a ekyókxoho ektémakxa nak nentamheykha ektakmela.

SANTIAGO 2:6

Kélwanyawok eyke kéxegke m'a énxet'ák meyke nak aksok apagkok. ¡kélwese'e neykhe m'a apnaktawáseykegkoho nak kéxegke, cham'a apkelyegeykegkohol'a nahan enaklók kéxegke nápakto' segyekpelchémo!