SAN LUCAS 7:33 - Lengua Sur (Enxet) Nuevo Testamento

³³ Apwa'ak axta Juan el Bautista aptaha axta meto apto, tén han meya vino, kélxénchek axta kéxegke ekyetna kelyekhama' apwáxok.

SAN LUCAS 7:33 ပူးပေါင်းရင်းမြစ်များ

SAN MATEO 10:25

Enxet ektaha nak kélxekmóso kéméxchek kapayhekxak aksa apwáxok aphágweykxoho enxoho m'a aptaha nak apkelxekmóso, keñe m'a énxet ektaha nak kélásenneykha kéméxchek kapayhekxak aksa apwáxok aphágweykxoho enxoho wese' apagkok. Kéltemék agkok Beelzebú énxet ekha nak apxagkok, ¿háxko anhan kóltehek kólxének ma'a apketchek?

SAN MATEO 3:1

Apwokmek axta Juan el Bautista yókxexma meykexa énxet ma'a Judea, cham'a ekhem axta, apkeltennáha axta anhan.

SAN MATEO 3:4

Yágyatnáxeg apwa' axta kéllané aptaxno m'a Juan, aksok nawhak empehek axta apteté nepxet, sawa' axta aptók, tén han ma'a aksok senlálektamo nak égmenek eñama naxma.

SAN MARCOS 1:6

Yágyatnáxeg apwa' axta kéllané aptaxno m'a Juan, aksok nawhak empehek axta apteté nepxet, sawa' axta aptók, tén han ma'a aksok senlálektamo nak égmenek eñama nak naxma.

SAN LUCAS 1:15

hakte ekha kéláyo sat kóltehek nápakto' Dios ma'a apketche peya nak etyamok. Ménhek sat vino tén han ma'a anmen agko' nak, elánhok sat nahan apwáxok Espíritu Santo amonye aptéyam ma'a.

SAN LUCAS 7:32

Máxa m'a sakcha'a létkók ekheykegkohol'a kanéwagkok apheykegkaxal'a énxet aptémol'a elyennaktéshok apkelpeywa yának apkelxegexma'a s'e: ‘Nelpáwásek axta negko'o yámámok nempáwasól'a, keñe axta kéxegke megkólnéweyncha'a, nelmeneykmásek axta eykhe negmeneykmaso senlapwagkasamol'a, axta eyke kóllekxagweyha kéxegke.’

SAN LUCAS 7:34

Keñe axta anhan apwa'a m'a aptaha nak Apketche énxet, aptamo nak apto, apyamo nak han vino, kélxénchek kéxegke aptaha megyéso etwok apto, tén han megyéso ének vino, tén han kélxéna kéxegke aptaha apkelásekhayókxa m'a énxet elmasagcha'a nak apkeltémakxa, tén han ma'a énxet'ák apkelma nak selyakye yakwayam kólmések wese' Roma.

SAN JUAN 10:20

Apxámok axta énxet'ák aptaha apkelpeywa s'e: —Nakso' agkok ekyetna apwáxok kelyekhama' xa, nakso' agkok nahan aptaha ekyéháxma, ¿yaksak ektaha kélyahákxoho nak aptahakxa?

SAN JUAN 8:48

Aptahak axta judíos apcháneya Jesús se'e: —Payhawo' neyke agkok nentahakxa nak nempeywa nenxéna exchep aptaha apkeñama Samaria, tén han ekha apwáxok kelyekhama'.

SAN JUAN 8:52

Aptahak axta apkelátegmowágko judíos se'e: —Nakso' nentemesásak kaxwo' negko'o ekyetna apwáxok xép kelyekhama'. Apketsepmeyk axta Abraham, apsawhomakpók nahan apkeletsapma m'a énxet'ák ektaha axta apkellegaso Dios appeywa, keñe exchep aptaha appeywa s'e: ‘Enxet ektahakxa enxoho apkelyaheykekxoho sekpeywa, megyetsepek sat.’

LOS HECHOS 2:13

Keñe axta nápakha énxet apkesmésa cha'a: Aptahak axta nahan apkelpakmeta s'e: —¡Anmen kelnápak!